السلام عليكم اخباركم ان شاء الله طيبين ابي منكم مساعد عندي عزيمه بعد خمسه ايام كيف ااجهز للعزيمه من دون محوس وتعب معني ابي اسوي حلاويات وفطاير وعشاء انا خيفه اتعب وحوس ابي افكار في انتظاركم

هلا حبيبتي لييه القلق عاددددي سوي الحلا والفطاير بالليل
سوي نوعين حلا والفطاير سوي كرسون وبيتزاء اماااااا العشاء اذا بنات اتفنني سوي كبه جيبي ورق عنب جاهز ورصيه بصحون واسعه سوي سلطه عاديه وجيبي تبوله مكرونه باشميل وسنبوسه او تخلي الفطاير مع العشاء وحطي مع الشاي مكسرات عشان مايروح تعبك ع الفاضي ويمسحوووا العشاء افضل يكون العشاء بوفيه متنوع ومثل ماقلت قبل كله بالليل ماعدا الباشميل وقلي الكبه بنفس اليوم ولازم تشبعي نوووم عشان مايبان عليك التعب ......
نسيت شيء اذا كانت كبسسسسسسسسسسسسس سه سويها وطفي النار وبعدها بفتره حطي الرز بس عشان ما ينعجن الرز
ان شاء الله فهمتي علي وان شاء الله اكون افدتك
لا تسوين شي الا انتي تعرفينه نصحيه لا تجربين شي جديد عليك
عشان مايزيد ارتباكك
الحلويات كلها سويها من اليوم اللي قبله
المواعين وصحون التقديم الفناجيل
كلها تغسلينها وتمسحينها من اليوم اللي قبله وغطي عليها بسفره وحطيها بغرفة الضيوف
والبيت رتبيه قبل بيومين من العزيمه والحمامات بالليل قبل تنامين
وفري الفاين والصابون والعطور عشان بعد العشاء
ملاعقك جهزيها وصحون العشاء قبل بيوم وغطي عليها

سوي نوعين حلى حلو ممكن تسوين حلى تباع الشمس مره لذيذ وحق قهوه وتسوين بسبوسه مثلا
مع شوكلاته وتمر ومعمول هذي للقهوه
وسوي شاي وسوي نعناع بالزعفران قدمي معاهم برضوا طبقين مثلا كروسان جبن وسمبوسه بالبيت او رقاق محشيه دجاج
سوي حلا بعد العشاء يكون كريم كراميل ودريم ويب
او جلي ودريم ويب

وممكن اذا عندك كاسات نحيفه وماتشيل عصير مره
تشكين مجموعة عصيرات اول مايجون الضيوف تقدمينها بعد المويه
المويه تكون مويه كاسات المغلفه انظف واريح
العصيرات عندك المراعي فراوله احمر، منجا برتقالي ،، كيوي اخضر ،،موز وفراوله الجديد زي الكوكتيل لونه وردي كذا يطلع شكلهم روعه

والعشاء خذي الرز والدجاج او اللحم جاهز اريح لك نفسيا
وسوي انتي السلطات
ممكن سلطه يونانيه
سلطه الملفوف والجزر
فتوش
تبوله
ورق عنب جاهز
كبه جاهزه
،ايدام مشكل
ومصقعه
وخبز
ومويه
لبن وببيسي

وصحون وملاعق واشواك
ومناديل للسفره

وطبعا البخور والعود والعطور بعد العشاء
واذا ماعندك شغاله خذي لك شغاله بالاجار
يوم واحد تجيك الظهر واذا راحوا الضيوف تودونها
او تبات واذا قامت تروح لانها ضروريه اذا بغيتي تسولفين وتنبسطين مع الضيوف
والله يعين على العزايم
لا اله الا الله عليه توكلت وهو رب العرش العظيم استغفر الله واتوب اليه سبحانك الله والحمدلله والله اكبر
الله يعينك ان شاء الله
سبحآان الله العظيم .. سبحآان الله وبحمـــــــــــ ـده


الساعة الآن 02:24 .