:3_13_12:
انا عائلتي صغنووونه عقبال ماتكبر ان شاء الله بس انا وزوجي وبنوتتي
وقدوري ع قدي صغنووونه ..قبل شهرين اشتريت قدر صغنون يجنن شكله فرحاانه فيه للملوخيه والباميه والفول والعدس ووووو :love:
الموهم وذاك اليوم اصحى من النووم وانا عيوني فيها نوووم:wink2:
بسوي الغداء وبنتي تزن علي ابي بيض ابي بيض واخذ ذاك القدر المزيون:icon36:
مادريت انه قدري الخقه قايلتلكم فيني نوووم واحط فيه البيض والمويه وشويت ملح بيض مغلي
وتعرفون شكل القدر اذا غليتي فيه بيض:icon36:
وانقهر من لونه رمااادي بشع . صراحه ماخليت شي ماسويته نقعته بكلور ولبن وخل بس م تغير شي
وتمر الايام وصار قدر بيض وسلق بطاطس وكل شي
وادخل قسم البشره ومن ذا الخلطات وووو وتعجبني خلطة صابونة دوف الورديه
واشتري الطلبات كلها وعلى المطبخ واطلع قدري الخقه سابقا قدر البيض حاليا
وابشر صابونة دوف واحط عليها مويه ورد في القدر وخليتها ع النار كذا طريقتها
ومن خلصت تركتها تبرد شوي عشان بكمل عليها المقادير واسقيها في العلبه
والمفاجأه
قدري صصااااااار يلق لق يلممممع من النظاااافه مافيه ذاك الون الرماادي البشع
اصدق اكذب وش ذا يابنات صدق ذا قدري ؟؟ والله تقولون توي شاريته
ابشركم رجع راز نفسه ف الدولاب مع القدور صار كشخه.
حبيت انقل لكم تجربتي اللي صارت ب الصدفه..
يعني اللي عندها قدر مش نظيف تغلي فيه صابون وموية ورد
ايه نسيت الملعقه بعد صارتت تلمع اكثر من لامعان الخل..
وتغسل فيه القدر تصير مرايا من لمعتها