السلام عليكم
انا والده لي 25 يوم تعرفون مشاكل النفاس خيوووط ،،، كرشه ،،، تشققات وترهلات وكلف ،،،البيبي صيااح وماغص المشاكل هاذي خالصين منها وعارفينها
انا بتكلم عن مشكله ثانيه غير انا مشكلتي مشكله اني (فقدت الذاكره ) الصراحه صرت غبيه ودجاجه طايره بوهتي وانا ما استوعب شي ابببببد والله العظيم بدون مبالغه يعيدون السالفه لي ثلاث مرات اعجز استوعب واحيانا اقول ايه ايه فهمت وانا مافهمت لاني استحيييت الكل يقولي وراك كذا تخيلو محتاجه ملعقه اعاصر واسحب نفسي ابروح اجيب لي وتعبانه واذا وصلت المطبخ ادور وادوور وارجع للغرفه وارجع مره ثانيه وانسى وارجع للغرفه شي مو طبيعي نسياااااان فضيييييع امس جاني ضيوف ويسولفون وقلت ايه ضحكو قالو شكلك نكته انقهرت منهم والصراحه مدري وش سولفو فيه ابسلك لهم لكن انفضحت اني ماعندي سالفه
تتوقعون ترجع الذاكره ولا ابصير كمخه وكلن يخف فيني
سمايلي2 @smayly2
عضوة فعالة
يلزم عليك تسجيل الدخول أولًا لكتابة تعليق.
A@T
•
سمعت معلومه أن الأم تفقد٣٪من الذاكره مع كل حمل وأنا الحين حامل جد صرت ما استوعب بسرعه شفي هوه انتي مع الأيام أكيد راح تتحسنين وخذي أشياء تقوي الذاكره والله يكتبلنا الاجر
والله انا بعد مثلكم وهذا وانا ماابعد ولدت وصااايره انسئ كثييير ومفهييه للدرجة اني ضيعت جوالي وانا طالعه مره السوق مااادري والله وين حطيته الله يعظم اجرنا بس يالحريم
الصفحة الأخيرة
كولي لك كم حبة لوز مفيده للذاكره ..