Analysis Services
اقتباس مشاركة  (قمـ قـطر ــر)
لاحول ولا قوة الا بالله..

ان شالله تشوف الموضوع.. او البنات الي يعرفونها يخبرونها.. بدل الفضايح الله يكافينا شرها..


والله يعوضكم خير.. اختي..
06-09-1426 هـ, 12:07 مساءً
 
المعوض خيررررر بس فعلاً حرام عليها لان الله يعلم كيف الشخص

يدبر المبلغ ويسلمه لهم وفي النهاية خداع
06-09-1426 هـ, 12:40 مساءً
 
تسلمون لمروركم بس الواحد اذا خذا شي من باب الذوق والامانه اذا كلمه الواحد يرد عليه برد عدل مو بعد ماتستلم الاغراض تدق عليها البنت وتقول لها مر شهرين على اخذك للاغراض وانتي الحيتي ارسلهم وبترسلين لفلوس على الراتب وترد عليها انتظري يومين بس وبدخلك لفلوس بالحساب بس لاتدقين هنا لاني مابي زوجي يعرف لا وترد وهي متضايقه بعد ليش حلو تاخذ الاغراض ومو حلو تحاسب عنهم واخر شي تنتظر البنت فوق الشهرين اسبوع و تدق البنت مسكينه عليها وتلاقيهم مغيرين تلفونهم يعني هي مافكرت البنت اشلون دبرت لفلوس عشان تدز لها الاغراض والله ماحب افضح بحد بس عشان غيري مايطيح فيها
07-09-1426 هـ, 04:53 صباحاً
 
السلام عليكم..

اختي انا رايي من راي الاخوات اللي يقولون لج استر عليها الله يستر عليج دنيا وآخره وبكتب لكم قصة قصيرة..

في يوم من الايام استلفت وحدة فستان من زميلتها في الشغل عشان تفصل عليه وتأخرت عليها شوي لين ما حصلت قطعة تشبهها ومصمم يضبطه لها وبعد ما خلصت قررت ترجع الفستان وقبله في يوم تلاقت مع زميله اخرى لهم من نفس المكان وقالت لها اذا ما تقدرين تمرين الشغل لانها كانت خلاص استقالت انا باجر باخذه عنج وأصرت انه تمرهم باجر وترجعه بنفسها وتييب لهم ريوق وتيلس معاهم وما يا باجر سوت البنت حادث وحااااالتها حااااااااااااااااااله ما يعلم فيها الا الله وبعد أشهر على الفراش بحمد الله وفضله تعاااافت وقررت ترد لهم الشغل وترجع الفستان لكن تغير رقمها وضيعت رقم زميلاتها كلهم..

صعب تدخل الشغل لانها انتقلت لمكان ثاني بعييييد وما كانت تعرف شي عن البريد المستعجل وبصراحة التهت من عقب الحادث وايد ولين اليوم الفستان عندها والله في كيس وتتلوم كل ما تشوفه وعقب ها المدة كلها تستحي ترده صار له الموضوع أكثر من سنتين..

أكيد صاحبة الفستان تدعي عليها لين اليوم.. على فكرة الفستان ما يكلف وايد بس كان عزيز عليها.. وهذا اللي ذابحها..


شو رايكم شو الحل بعد ها المدة كلها ؟؟؟

الله يخليكم قولو لي رايكم..








تراني وبدون أي فخر أنا صاحبة القصة



اعذروا اختكم اللي خذت البضاعة واختفت والعوض من الله والغلط عليها وعلى اللي باعتها هذا بزنس واللي ما يكون أمين على فلوسه وشغله لا يتريا أمانة الناس والغرب عليه.. ودايما تذكروا القانون لا يحمي المغفلين " يعني الطيبين "

انا عن نفسي لو ابيع وما يدفعون لي بقول لو اللي يمنعهم خير الله معاهم ولو قصد الله لا يهنيهم ب اللي خذوه والله مب غافل عن عباده..

الافضل انه البائعة تستلم وبعدين تبعث بضاعتها خااااصة اذا كانت تتضرر من التأخير في الدفع..


واسمحووووووووووووووولي طولت عليكم بس اتريا ردكم..
07-09-1426 هـ, 05:19 صباحاً
 
07-09-1426 هـ, 06:20 صباحاً
 


الساعة الآن 05:25 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏