مهما كانت ظروفها مايعنى هذا انها تسوى كذا

ولو كانت صدق عندها ظروف ماطلبت من الاول

هــاذا اكل للمال بغير حق وبتحاسب عليه
07-09-1426 هـ, 07:13 صباحاً
 
الغاليه ام ستموووني اللي مايخاف من الله بيخاف من الناس واعتقد لو عندها عذر كان تعذرت مو شهرين الواحد يدق عليها وفي كل مره تقول بعد يومين واخر شي يتغير التلفون فجاءه وقبلها تقول لا تكلمون على التلفون لان زوجي مايدري بس العوض على الله وبعد اسمعها بحطه للعبره والمبلغ مايسوى 175 ريال تافه عندها ممكن بس عند البنت ممكن يحل شغلات واجد حتى لما ارسلت لها البنت قالت ارسليه على البيت ووالله الكريم الاسم مايقدم ولا ياخر وتتحاسب عليها بيوم غير هاليوم بس من باب الذوق والادب لو هي داقه وقايله انا ماقدر ادفع ماعندي على الاقل الواحد قال مسكينه ماعندها بس عندها تدفع فواتير النت وحق الناس لا عموما اسمها للعبره لا اكثر
08-09-1426 هـ, 12:32 صباحاً
 
ولا انا مافهمت
08-09-1426 هـ, 01:06 صباحاً
 
تصرفها جداً خاطئ


الله يهديها


** **
08-09-1426 هـ, 03:25 مساءً
 
ام ستموووني
حسب ما فهمت انج انتي اللي خذتي الفستان
فأحسن شي انج تردين الفستان لصاحبته حتى لو طالت المدة عشان انتي ترتاحين وتريحين ضميرج وفنفس الوقت ما تكون ربيعتج شايلة عليج فخاطرها
ولا تقولين مروا سنيتين ترى والله صاحب الحق ما ينسى خصوصا اذا كان الشي اللي فقده عزيز عليه او انه له قيمة بالنسبة له

انا مثلاً
من أكثر من ثلاث سنين يوم كنت فالجامعة (كنت ساكنة في سكن الجامعة)
وحدة من ربيعاتي شافت عندي "شباصة"،،، تعرفين شو شباصة؟
يعني شي رخييص والله قيمتها 10 دراهم
المهم شافتها عندي وكنت توني شارتنها من القرية العالمية
ونوعها واايد راقي وما شفت مثلها للحين
فقالت هاي "الصديقة" باخذها منج وبلبسها في الويك اند، يوم نرجع الامارة لان عندي بدلة نفس لونها وابا اطقم ،، ويوم برد السكن برجعها لج
ويلست تترجاني ،، ومع اني ماحب حد يلبس اغراضي قلتلها اوكي
وانا هاك الوقت ما كان عندي غيرها (كنت من كثر ما احبها ما البس غيرها)
وخلص الويك اند ورجعنا للسكن واترييت كم يوم ما سألتها
شفت الاخت ما يابت طاري
قلت خلني اسألها ،،، سألتها ،،، قالت والله اختي شافتها عندي وعيبتها وقالت عطيني بلبسها وبعدين برجعها!!!!!!!!!!!!!!!!!!!!!!!!!
انقهرت من ردها بس كظمت غيظي وقلت ماعليه هاتيها الاسبوع الياي
قالت اوكي
والاسبوع اللي عقبه سألتها قالت بعطيج انزين ليش مستعيلة؟
فالأخير قالتلي ما بعطيج اياه الا ليما تسوينلي هالشي (طلبت مني طلب بس انا مابا اسويه)!!!!!!!!!!!!!
عاد يوم شفتها مصختها ،،، انقهرت زيادة لاني ماحب حد يذلني بهالطريقة خصوصا ان الغرض مالي انااااا
ووالله اني من زود ما عصبت صرخت فويهها وهزاتها وهي بكل برود تضحك
وشوي واصفعها طراق بس مسكت عمري
ولين يومج هذا وانا كارهتنها مع انها اطرشلي مسجات وتتصل بي بس انا كلما اذكر هالسالفة اكرهها زيادة واحس انها انسانة تافهة
شفتي كيف ان مجرد شباصة خلتني اكرهها

طبعاً قصتي غير عن قصتج بس ذكرتها عشان ابين لج ان صاحب الحق ما ينسى ويتم هالشي فخاطره
واذا كره اللي خذ غرضه عادي يدعي عليه لانه استولى على شي مب ملكه
وهالشي بيتحاسب عليه يوم القيامة

والله سبحانه يقول: "إِنَّ اللّهَ يَأْمُرُكُمْ أَن تُؤدُّواْ الأَمَانَاتِ إِلَى أَهْلِهَا"

والسموحة عالاطالة
08-09-1426 هـ, 07:05 مساءً
 


الساعة الآن 11:19 .