الله يعطيك العافيه يادكتووور .. موضوعك رووووووووعه

يادكتور وقسسسسسم جيت على الجرح

انا مابقى مشروع مافكرت فيه ..

لكن التنفييييييذ .. ولا انا والله كل شوي وانا جايه عند امي وخواتي ومعطتهم فكره ويضحكون علي .. والله اتحطم ..

يعني امي تسوي الجريش يجنن مرررره حلو .. وقد عرضت عليها .. قلت بس نسوي جريش يعني تتخصصين .. بس تهاونت بالفكره ..وتكاسلت ..

وفكرت اسوي خلطات للبشره وكذا وابيعها لاني اهتم مره وعندي دفاتر مليانه .. بس كلها مواد طبيعيه وبتخرب ...

فكرت اصير مندوبه لشركه من هالشركات بس مدري بعضهم مايمدحها ..

وفيه كحل مررره حلو انا جربته .. وحاولت اسوي مثله وابيعه .. بس انا بحكم اني جالسه بالبيت فعلاقاتي محدوده .. يعني ماراح تنجح الفكره والله افكر واحب اشتغل بس مدري التنفيذ صعب ..

والله للحين مدري وش اسوي .. وانا وقت الفراغ ذبحني .. طفشششششششت مره

انا معاي ثانوي .. وساكنه بالجبيل ..

ابي شي اقضي وقتي فيه وربحه كويس ..

انتظرك ..
12-09-1426 هـ, 01:34 مساءً
 
saleha2003

حبيبتي والله شغلك روووووووووعه ومتقن ماشاء الله عليك ..

شوفي انتي شوفي لك وحده ولا ثنتين يعرفون يسوون مثلك .. واشتغلوا .. وروحي للمحلات او تعاقدي مع محل كل ماخلصتي مجموعه تبيعينها عليه بسعر معين .. وهو يبيعها بالسعر اللي يعجبه .. بإذن الله راح تمشي الفكره ..

الله يوفقك ويوفق كل البنوتات ..
12-09-1426 هـ, 01:38 مساءً
 
السلام عليكم
يا جماعه والله ما ادري وش اقول لكم الله شغل عدل ما شاء الله
كل وحده عندها ما شاء الله موهبه وصنعه حلوه لكن المشكله مو في هذي المشكله في كيفية استغلالها
شوفوا الاخت صالحه وش مسويه؟
ماشاء اللع تبارك الله انا ماشد راسي الا الطاقيه وشلون مسويتها
شغلك ممتاز يا صالحه لا توقفين لكن المشكله نوع موهبتك مايصلح للتسويق من اللبيت يبيلك محل اذا تطور شغلك
اتمنى يوم من الايام القالك محل في احد المجمعات اسمه اصواف
الاخت كلي حلى خلي امك في الذبايح اذا تعرف وانتي خليكي في الخلطات الطبيعيه
لكن سويها على الطلب وشلون؟ شيكي على الخاص ارسلت لك الطريقه
الاخت ابريز انا اسف لكن انتي من النوع اللي شايله هم كيف تسوين العصابه وانتي توك ما انفلقتي لا تحاولين تعطلين نفسك بعدين تروح عليكي الفرصه
عجلي وتوكلي على الله

اخواتي
انا اللحين بارفع الموضوع درجه اذا فيه شغلات بيتيه ثانيه وتبون استشاره انا حاضر
لكن اللحين بارفع الموضوع وابروح للمرحله الثانيه اللي هي المحلات
يعني وحده تقدر تروح وتجي معها راس مال طبعا الفكره هنا التميز يعني المشاريع اللي باجيبها هي حاجات ماهي موجوده او مو منتشره
المشروع الاول
هذا مشروع يبي لها وحده راعية علاقات وفهلويه صدق وجع راس من جد لكن
اقول لكم فيها فلوس او حباصي مثل مايقولن اهل الشرقيه اذا يدلعون الفلوس
فيها فلوس وااااجد
الفكره هي منتشره في اوروبا وامريكا انتشار كبير
اللي هي wedding planner
يعني منسقة زواجات والفكره كالتالي
اكيد الكثير منكن ياللي ماتزوجوا يبونها ليلة العمر تكون احلى ليله صح ولا لا؟
الرجال مايهميحطون لهم ذبايح وخلاص صح؟
لكن النساء لا يبون حركات جديده ومرتبه وتكون شغلتها كالتالي:
وحده زواجها بعد شهرين وتبي ليلتها مميزه فتروح لمنسقة الزواجات
تجي المنسقه وتقول حجزتوا قصر او فندق؟
ايه حجزنا
وين ؟
الفندق الفلاني
اوكي تبين بوفيه؟
ايه
اوكي عندنا البوفيه من المطعم الفلاني بسعر كذا عندنا من المطعم الفلاني بسعر خاص وقدره كذا معى الخصم
الكيك فيه 5 او 6 او عشر طبقات
نرسم صورتك انتي ورجلك عليه
ابجيبلك الكوافيره الفلانيه للبيت واللي تمكيج وتشيل لك الحلاوه
تعالي شوفي مفارش والطاولات هاذي صورهم
تبين نطبع اساميكم انتي ورجلك كذا
يعني بالعربي كل شي يرتبونه من الى
وتاخذون عليها وتحسبون كل شي وتضيفون عليها حقكم لف الفين 3 على حسب
يكون خاص في الحريم يعني زي المشغل صدقوني البنات يحبون الحركات هذي وزي ما قلت لكم تراهي وجع راس لكن فيهاااا فلوووووووووووووووووووووووووووووووووووووووووووس
صدقوني انا ادري وش قاعد اتكلم عنه
المشروع الثاني ماراح اقولكم اياه اللحين لاني ادور له ممول اذا ماحصلت يمكن اطرحه هنا اذا ماحصلت احد
شكرا
12-09-1426 هـ, 08:35 مساءً
 
طيب سؤااااااااااااااااااااااال مهم .... يا دكتور اس
افكارك حلوة وغرييييييييبه بس السؤال اللي مالقيتله جواب على اي اساس بتجيني الزبونه وبتتفق معاي وانا في البيت وانا معاي كل هالاتفاقات حتى الفنادق والمطاعم واصحاب التصاميم مايتفقون معاك الا اذا صار عندك مقر رئيسي للعمل وصعبه انك تسوي هالاشياء كلها من البيت بتصير شغله غريبه فكرتك بتطلع اروع اذا كانت لقسم خااااااااااص بالنساء وفيها جلسه وقهوة وتقديمات تبسط الزبونه وتخليها مرتاحه نفسيا وتختار على راحتها من الى والله بتطلع روووووووووووووووعه بس يبغالها راس ماااااااااااااااااااااااااال ....وموقع صح ..
وهذي مو اي وحده منا تقدر توفرها واذا عندك طريقه اسهل من هالتعقيد ياليت تنورنا لانها عجبتني وفعلا هالشغله عند الغرب ماشيه اووكي ... حتى تغليف الهدايا تكون او مكتب مسؤل عنها والزبونه بس تكلمهم وتقولهم المواصفات للهديه طبعا واسم المحل اللي حابه تشتري منه ولون التغليف والموعد لتسليم الهديه بصراحه سبقونا بالافكار ....
13-09-1426 هـ, 01:52 صباحاً
 
السلام عليكم يا ورده
انتي لو تلاحظين اني قلت اني رفعت الموضوع للمرحله الثانيه اللي هي المشاريع اللي يبيلها راس مال
قلت لكم لازم يكون مكان زي المشغل
فكروا فيها زين وعطوني رايكم اذا بيمشي ولا لا


شكرا
13-09-1426 هـ, 02:17 صباحاً
 


الساعة الآن 09:55 .