بصراحه قعدت شوي افكر وش اجيد لقيت :الرسم والتلوين (ادري انها هوايات اطفال بس عاد وش اسوي هذا الواقع )..ودايما ارسم لبناتي وازخرف لهم دفاترهم....واعرف اطبخ اكيد طبعا بس ما اقدر اطبخ وابيع..واحب اصمم موديلات .ايه بعد نسيت شيء اعرف اخط ..خطي جميل..
وبس واذا تذكرت شيء بعدين ابكتبه .....وعذرا على الاطاله ..
لا اله الا الله
محمد رسول الله
سلام عليكم من جديد
بنات بقول لكم حاجات واقعيه موجوده بيننا كثير من ملاحظينها
تعرفون مريول الحر؟ قبل كم سنه ماكان فيه مريول الحر كانت الوحده اللي تبي تشري لبناتها مراييل تروح لمحلات الملابس وفيه قسم بسيط حق المراييل وش سوى مريول الحر ؟
قال ليش ما افتح محل خاص في المراييل؟
وسواها وشوفوا اللحين ماشاْالله اللهم لا حسد
في كل مكان له فرع هي بدت بفكره بسيطه ونفذها
شفوا الاقبال عليه ما شاء الله صدق انه موسمي لكن برضو مشروع مربح
ونفس الشي لمحلات ابو ريالين وغيره الكثير
بالنسبه لك يا اخت مطر الصباح
اذا انك ماتحسين ان احد هواياتك تقدرين انك تخلينه مصدر رزق لك ولعيالك
راح اشوف لك حل أن شاء الله
لأن بصراحه كان فيه مشروع حق البنات الرسامات مرره والفنانات ابطرحها عليهم بعدين
اوه
طرى على بالي مشروع اللحين
وش رايكم في حضانه ؟
بمعنى انه وحده فاضيه ساكنه في بيت كبير عيالها يروحون للمدرسه وتجلس لحالها تبي تدخل فلوس بدال ماتقد عند برنامج المملكه هذا الصباح كل يوم
يعني ترتب حوشها تجيب مراجيح وترتب غرفه عندها وتجيب كذا سرير حق اطفال
تجي المدرسه ولا الموظفه المتوهقه ماتدري وين تحط طفلها ولا تثق في الخادمات وهي ماعندها خدامه وش تسوي
تجين انتي تحلين مشكلتها ويلونها الناس عليك
واللع ان ام فلانه ثقه وتعاملها كويس معى الاطفال اذا جاء الصبح بدري تجيب طفلها عندك الساعه 11:30 تمر البيت تاخذه
تاخذين على الطفل 250 ريال شهريا يعني انتي قاعده لا شغل ولا مشغله بالبيت استفيدي من قعدتك وكذا تفكون ازمة مئات المدرسات
وش رايكم؟
بأنتظار ردودكم
السلام عليكم ورحمة الله وبركاته
والله الموضوع مرررررررررررررر رررة ابداع في المضمون وفي الافكار انا عندي هوايات مثل التصميم الازياء و تغليف الهدايا بس الفكرة كلها دارجة حتى التصوير اعرف له والفكرة الي طرحتها مرره مبتكرة ودخلت مزاجي بس المشكله الافكار السلبية والخوف من الفشل اتمنى القى افكار مبتكرة وانا مستعده للتنفيذ ولكم جزيل الشكر
وشغلة الحضانه اللي طرحتها حلوة للي تحب الاطفال واحس الفكرة ممله بالنسبة لي ومااقدر انفذها بس الفكرة مرررررررررةه حلوة للي تجيد معاملة الاطفال لدرجة اني كنت مرة في مجمع تسوق وجتني حرمة متغطيه وعطتني كرت وفيه رقمها وموقع الحضانه عجبتني جراتها بصراحة وانها قاعده توزع كروتها للناس ماشاء الله في ناس يتحدون انفسهم علشان ينجحون
Dr. S
انا خريجيت دبلوم برمجه وتقدر تقول بديت شوي في العمل الخاص وهو اني اكتب تحاضير للمعلمات بس مو هذا طموحي طموحي اني اسوي مكتب خاص والمكتب هذا خاص بالبرمجه بتخصصي وتصميم البرامج ولكن انا ماني عارفه كيف ابدا ومن فين ياليت لو تساعدني يعني انا هذا حلمي مشروع خاص فيني بس تدري المشروع يبي له دراسه كبييره وايضا احب اكون منظمه للدورات والتدريبات يعني بحكم اني في الجبيل وايضا الجبيل مافيها مراكز للدورات والتدربيات للنساء فاكيف ابدا
اذا اعجبك كلامي .. فادع لي بالتوفيق والصلاح والشهادة في سبيله ، وإن لم يعجبك كلامي فلا تبخل علي بدعوة أن يهديني الله ويصلح حالي ....


الساعة الآن 01:01 .