بسم الله الرحمن الرحيم
اولا احب اشكر الاخ الدكتور على جهوده الواضحه لمساعده الطايحات حظ مثلي والله يعطيك الف عافيه ويجزاك عنا الف الف خير ويعطيك على قد نيتك.
وانا معاك ان الوحده ماتحط يدها على خدها وتبقق عيونها تنطر ان الله يفرجها عليها وهيا قاعده -انا مثلا تخرجت من الثانوي وماكان لي حظ اكمل دراسه حاولت بس مالله كاتب مع هذا حاولت اني مااجمد واكتب اسمي على لائحه العاطلين ،عندي هوايات كثيره حاولت استغلها وفكرت بالهوايه اللي احبها كثير وهي التجميل في البدايه ماكنت عارفه وشلون انمي هالحب ومن اي طريقه اجيه الين الله ارسلي هذيك البنت الله يجزاها الف خير وعطتن فكره عن بعض المشاغل اللي تعطي دورات في التجميل فكرت في الموضوع وطرحته على اهلي وشجعوني على الموضوع وبالفعل سالت البنت عن اسماء المشاغل وسويت اتصالات وكان حظي حلو لقيت مشغل كان ينتظر اكتمال العدد وانتسبت ودرست لمده 3شهور واشتغلت فترهوالحمد لله اموري مشت واخذت خبره واحترفت المجال وغير هذا تخصصت في تزيين العرائس والحنه.
بس مشكلتي الاولى اني احيانا مايكون عندي ثقه بنفسي لا اي احد يالني من قرايبي وشتشتغلين وارد اقول كوافيره احس بنظرة استهزاء تتوجهلي وكأن الواحد منهم يقول في نفسه( هذي شغله) هذي المشكله اثرت علي كثير ومازال تاثيرها طاغي علي
ومشكلتي الثانيه انا ساكنه في منطقه عسكريه و بعيد شوي عن مراكز التجميل وهذي المشكله صارت تسببلي احراج مع المسؤلين بسبب المواصلات صرت اشتغل شهر او شهرين واقعد الف شهر في البيت ولان كان عندي زبايني كانوا يتصلون علي اذاكان عندهم مناسبات ازين العرائس مع المرافقات والحمدلله كنت ادخل بالهبل لكن بعد الشغله هذي موسميه في العطل والاجازات تكون اكثر واضطر اقعد في البيت فكرت اني افتح في بيتي حتى لو كان في غرفة نومي وخاصه كانت عندي الاغراض الضروريه للتجميل والتزيين وسويتها لكن بعد فتره صار الموضوع صعب لان كان لي شركاء في الغرفه وهم خواتي ويبغون الخصوصيه في غرفة نومهم وهذا من حقهم اضطريت اني الغي الفكره واشتغل من جديد في المشاغل وزي ماقلتلك المشوار كان يذبح في الروحه والجيه حتى ابوي واخواني زهقوا من هالمشاوير حطيتلي سايق بس لان المنطقه عسكريه كان صعب دخول الاجانب وفيها سين وجيم وتصريحات وتعقيدات حتى السايق مل مشاويري
انا ادري اني طولت عليك بس انا حبيت اطرح موضوعي كامل بما انك تحاول تساعد يمكن تلاقي حل لمشكلتي وتساعدني فيها والله يجزاك الف خير
والله موضوع رائع ...جزاكم الله خير ....وبالتوفيق للجميع ان شاء الله
وش اقول ووش اخلي

أولا : شكر جزيل وكبير مقدم لك يا دكتور

ثانيا: كل المشكلات اللي مرت على البنات فكرت فيها:

راح اكتب شوي عن نفسي تخصص تربيه فنيه بكالريوس وماجستير
اقدر اسوي كل شيء واي شيء وفي اي وقت
ما توظفت ولاني مرتاحه للوظيفه

اشكرك جزيل الشكر على طرح الموضوع لأنه شجعني أولا على البدايه وثانيا لانه ساعدني باخذ افكار من مشاريع متعدده
وحتى لو لم تكن تستطيع الرد على كلامي فيكفيني انك تستطيع قراءة شكري الكبير لك

ومن هذا الموضوع بإذن الله ستكون البدايه


وفقك الله ورعاك وسخر لك خلقه وجميع المسلمـيــــن
الله يعطيك الف عافيه على دعمك وتفجير الطاقة الداخلية لبناتنا

والله يعطيك على قد نيتك

بس الغريب

أنك موقوف

كل هالدعم وموقوف
عسى ماشر
عموما الله يردك سالم غانم


انا عن نفسي أحب الشعر علما ان قريحتي الشعرية ناااايمه له سنين ولي أشعار كثيره الكل يشهد بروعتها
طيب...
أحب الديكور وترتيب اللمساااااااات ...!!
وتطبيق الملابس بشكل الكل ينبهر بلبسي حتى لو ماتكلمو...!!!
كثير أخدم نااااس وعرايس بمساعدتهم بتطبيق الملابس لكن بدون شرط مااادي!!! يعني بس خدمة لله
علما أني بنت دلوعه وولاأحب التعب بس اذا كنت مسؤوال عن طفل وغيره ناسيه اكيد لازم اتعذب واذوق المر لللعيونه ............!!
أحب يكون لي دخل مميز عشان أقدر اعول نفسي وولدي

والحمد لله مع الثانويه وبنسبة جيد جدا لكن مادخلت القسم الي أهواه ومااقدرت اكمل ...!!
واخذت دورات بالحاسب علما أني أجيده أستخدمة من قبل لا أخذ الشهاده
وكنت مجرد دعم للشهاداتي عشان أتوظف لكن للاسف ربي مابعد كتب لي شي...

حبيت اللي يقدر يدلني على الدرب الصحيح اذا أمكن ..

والله الموفق للجميع
ليش صاحب الموضوع موقوف ؟؟


الساعة الآن 12:32 .