جنونه المزيونه 19 @gnonh_almzyonh_19
محررة فضية
~ كــــــبــــده الـــدجاج اللــــذيـــذه والمــفيدة مــع الأرز الابــيــض ~
السلام عليكم ...
اليوم جيت وجايبه معايا وصفه لذذذيذه ومفييييييده وخصوصا للصغار ... اللي هي كبده الدجاج ....
وكثير منا ما يعرفونها او يجهلون فوائدها ... وهي اكثر فائده من كبد الغنم وطريه اكثر...
نسبه الحدييييد فيها عاليه جدا جدا جدا ..
نبدأ بالمقادير :
صحن كبده >>> من شركه اليوم ... أفضل نوووووع ونظيف وطازج ..
فلفل رومي مقطع بالطول .. وفلفل حار ممكن تقطعينه او تحطينه بدون تقطيع عشان الصغار
بصله كبيره مقطعه جوانج رقيقه ...
4 فصوص ثوم مقطعه شرايح ..
وملعقتين كمون مطحون .. وفلفل اسود اذا تحبين او اي بهارات تفضلينها مع الكبده ..
وملح وزيت ..
الطريقه :
اول شي نقطع البصل والفلفل الرومي ... ونقطع الكبده ونغسلها ..
نجهز الصاج ونحط فيه زييت كافي ونحط الكبده على طول قبل لا يحمى الزيت ..
ونغطيه ونخليه يطببخ في مويته على نار وسط وننتبه له لا ينحرق ..
بعد ما تجف مويته نزيد عليه مويه حاره عشان نضمن انه استوى ويصير طعمه ألذ
ونحط الملح والبهارات والثوم الشرايح ونخليه يطبخ على نار وسط لين يستوي وتجف المويه ..
وهنا استوى نطفي النار ونضيف الفلفل الرومي والبصل ونغطي الصاااج وهي راااح تذبببل بالبخاااار
من غير ما نشوحها ولا اي شي .. وبنفس الوقت تحتفظ بقيمتها الغذائيه وطعمها ..
وهنا بعد ماذبلت
نجهز الرز الأبيض حطيت كاستين رز وشوي زيت وملح وجزره مبشوره ..
وأفضل نوع للرز الأبيض المهيدب .. طعم وريحه يجننن ..
بعد مايستوي الرز نخليه شوي 10 دقايق ونحط شوي زبده أقل من الربع ..
ونخلطها مع الرز .. تعطي طراوه وطعم يمممي ..
ونسوي السلطه الخضراء مع الذره ..
ســـــنــــعـــود بـــعـــد قــلــيــل ====>
62
11K
يلزم عليك تسجيل الدخول أولًا لكتابة تعليق.
الصفحة الأخيرة
وهذا الطبق جاااااهز .. وطعمه لذيييييييذ وراااااح يعجبكم بإذن الله ..
ومن عندي هديه ^_^ سلطه الفوااااكه البااارده ..
وانتظر ردودكم الجميله ....
سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ