اليوم الفجر قريت طريقة حلى سهللللللله وسريييييييعه للعجازات مثلي هو فيه كيك سويترول الصغار وفيه خلطه تنصب فوقه وفيه فليك او جالكسي للتزيييين..
الموضوع اختفى انشقت الارض وبلعته!! المشكله مااذكر اسم اللي كاتبه الموضوع ولا حتى اسم الموضوع عجزت مابقت كلمه ماسويت بها بحث
بس مافقدت الامل تكفووون اللي تعرف هالموضوع تحط لي الرابط او اللي عندها طريقه مشابهه تكتبها لي لاهنتوا
جعلني ماخلا منكم فديييييييتكم كوووووولكم

يارب احفظ لي فلذة كبدي
هذا الاول حبيبتي (انا مادورت بالمنتدى بس افتكرت ان المقادير اللي ذكرتيها عندي)


تراميسوووووووو

جبت باوند كيك امريكانا بالكاكاو أو السنبله علبتين
واللي مهيب عجازه مثلي ممكن تسوي كيكة كاكاو غامق
بعدين قطعت الكيك شرايح وصفيتها بالصينيه
وسويت طبقه أولى وشربتها بنسكافيه محلى بشوي سكر
جبت 2 قشطة المراعي مقاس صغير + جبن فلا ديفيا مقاس صغير+ 1كيس دريم ويب
وخفقت المكونات السابقه زين
صرت ادهن الطبقه الاولى من شرايح الكيك بالخلطه بطبقه مهيب واجد
علشان ما تتعصر عليكم اذا جيتوا تأكلونها همن تدعون عليّ ، وبعد كذا سويت
طبقه ثانيه من شرايح الكيك وندهن بالخلطه
اخر شي على الوجه نضع طبقه من الخلطه ونرشها إما
بكاكاو بودره محلى أو نسكويك
وخلوها تبر د وتتشرب المكونات على راحتها بالثلاجه

وهذا الثاني واعتقد هو اللي تبغيه

حلى عشاااااااااااء

الخطوة الأولى (1) : كيك سويسرول كاكاو مقطع حلقات يرص في قاعدة الصينية المتحركه ( اللي تنفتح قاعدتها ) وعلى جدرانها
الخطوه الثانية (2) الطبقة الصفراء : 2قشطه + 2 دريم ويب + 2 كريمه + 6 حبا ت جبن
نقوم بخفقها جميعاً حتى تتكون كريمه ( ممكن تحطينها في الخلاط لو ماعندك خفاقه) ثم نضعها على الكيك و تبرد في الثلاجة
الخطوة الثالثة (3) طبقة السنكرس : 8 حبات سنكرس ابو ريال + ربع اصبع زبدة + نص كاس حليب بودره + كاس جبن بوك صغير حطيهم بقدر على النار حتى يسيح السنكرس ويتجانس الخليط ، خليه يبرد شوي وبعدين صبيه على الصينيه فوق الطبقة الصفراء
ثم زجي الصينيه مرة اخرى في الثلاجة حتى تبرد ( الله يحرسني
ولتزيين ممكن تبشرين فوقها كاكاو فليك او جالكسي

وهذا الثالث

حلــى عشاااااااااء

المقادير
كيك سويسرول امريكانا بالشوكولاته صغير (يجي ست حبات بكرتون صغير
3 قشطه التاج
3 ظرف دريم ويب
نص اصبع زبده
4 حبات شوكولاته مارس

الطريقه
نقطع السويسرول كل حبه نصفين من الوسط ونصفها في قالب يفتح (متحرك ) يعني تصير بالطول زي العامود وبعدين بعد مانصف كل الكيك نخلط بالخلاط الدريم ويب مع 2 من القشطه وشوي حليب طازج اذا كان عندك يعني نص بياله وتدخلين الخلطه بالفريزر لين نسوي الطبقه الثالثه
الطبقه الثالثه عباره عن الزبده تسيحيها مع المارس وتحركينها سوى لين يذوب المارس
ثم تضيفين القشطه الثالثه عليها وتحركين زين وتدخلينها الفريزر
تطلعين الطبقه الثانيه وتضعينها على الكيك بالتساوي تعطيك طبقه بيضاء ثم تضعين الطبقه الثالثه بالتساوي ويعطيك طبقه بنيه وخلاص
للتزيين ........ شوكولاته فليك تكسرينه وتغطين فيه الوجه ثم شوكولاته هيرشي الصغار

وترى كل الطرق مجربتها وتجنن وان شاء الله يارب تكوني لقيتي طلبك
دعواتكم للوالد بان الله يشفيه ويخليه لنا
مشكوووره حبيبتي om nona على الرد
بس للأسف مو هذي اللي كتبتيها..
لكن علشان خاطرك ودام انك قلتي حلوه,, ابجرب وحده منهم
يعطيك ربي الف عافيه ويحرم وجهك على النار
يارب احفظ لي فلذة كبدي
هلا حبيبتي خساره انو الحلى ماهو في الثلاثه اللي حطيته والله حبيت اساعدك لكن شوفي هذا

كيك السويسرول با النوتيلا

المقادير:
5-6 باكيتات سويسرول الكاكاو 130 جم حسب حجم البايركس
4 علب قشدة 170 جم
شوكلاتة نوتيلا الحجم الوسط
3 مغلفات دريم ويب
3 حبات كاكاو فليك الأصابع 23 جم اللون الأصفر

الطريقة
يصفي السويسرول بدون تقطيع داخل بايركس حتى يغطية
تخلط القشدة والدريم ويب والنوتيلا با الخلاط لمدة 10 دقائق ثم تضاف الى الخليط السابق
يكسر كاكاو الفليك ويوضع فوق طبقة الكاكاو ثم يوضع في الثلاجة حتى يبرد تماما وبا العافية

وشوفي حبيبتي هذا موقع فيه جميع الحلويات ان شاء الله تلاقي طلبك
http://forum.hawaaworld.com/showthre...CC%C7%D2%C7%CA
دعواتكم للوالد بان الله يشفيه ويخليه لنا
مشكوووره ياقلبي تعبتك معي..
بس ابشرررك لقيت الحلى.. وكاتبة الموضوع هي الغاليه ام دحومي..
جعلها وياك الجنه ياااااااااااااا اارب
يارب احفظ لي فلذة كبدي


الساعة الآن 02:15 .