تجاربكم مع ميزانية البيت و التوفير

هلا بالسميه شفت موضوعك وجيتك مدرعمه هع
انا اولا مو متزوجه بس طريقتي بيت اهلي علمتها امي من معلمة اقتصاد جزاها الله خير زمان
الي هي
اول كنا نجيب كل شي علب صغيره الحين لا نجيب كل شي كبير الي هي تعبئة عندك

الكلوركس والينور والجل العملاق والتايد كله ناخذه كبير اوفررر بكثير الي يجيك نص متر طوله والتايد كيس كبير ناخذه من محلات الجمله
وحتى الصابون السايل اول نجيب علب صغار الحين لا نجيب الي جركل كبير ونعبي العلب منه
وكثير اشيا نفس الحاله

اما بخصوص التسوق الي اكلنا بالتمشيات الحين سوينا طريقه بالبيت بعد اقناع باخواتي بحكم ااننا بالقصيم مافيه اشيا كثير نتمشى فيها او بالمعني الاصح زياده الاجواء حكرتنا مانتمشى الا باالسواق عشان البرد الشديد والحر الشديد فصرنا مالنا الا الاسواق والمطاعم
المهم اقنعت خواتي اننا اذا بنتمشى بالاسواق مو كل تمشيه نتقضى فيها مرات نتقضى ومرات لا والافضل انه بداية الصيف وبداية الشتاء ياخذون كل شي وخلاص بدل ماهم كل روحه يتقضون

يعني مثلا نزل الراتب حق ابوي الله يحفظه نروح نتمشى بس مو كل مره مقاضي وملابس نروح للسوق ندخل كوفي لا خلصنا مطعم بس بدون مقاضي
واوقات اذا طفشو خواتي وحبو يتمشون نشوف وش ناقصنا ونروح لبنده او كارفور وياخذون كل مايشتهون بالجمله وحتى اغراض الصيدليه الي ممكن نلقاه ببنده ناخذه من بنده ارخص بكثير من الصيدليات والله طاح عننا شي كثير خصوصا السوق ياكل الفلوس اكل اذا بنتمشى فيه سوي طريقتي وبترتاحين انا صرت ارحم هالرجال فلوسهم وتعبهم يروح على لبس واشيا مالها داعي الله يعين وانا اختك
تقبلي مروري وعذرآ للاطاله ........بقطتكم

بارك الله فيك يأختي افكارك حلوة راح اجرب اشتري المنظفات الحجم الكبير
اما اروح اتمشي في السوق وما اشتري شيئ صعبة
وين ربات البيوت نبي افكاركم علشان يكفي الراتب لاخر يوم فالشهر عجزت اضبط الميزانية

انا بعد مومتزوجة بس بحكم اني المسئولة حاليا عن البيت بمرض ماما الله يشفيها غيرت بعض الاشياء مع اني اعترف لساتني مسرفة وكلما مليت اوضاق خلقي طلعت وصرفت فلوس واشتريت اي شي

لكن من ضمن الافكار مثل ماقالو مثلا المنطفات احنا اشترينا بالجملة صابون ملابس بودرة اسمه ايام 25 كيلو كانه ب (9 او 9.5 دينار ) يعني 90 او 95 ريال وكبيير وكفانا الحمدلله وهو زين مشي الحال بس انا مااستعمله بروحه اخلط معاه نوع ثاني شريناه شامبو ملابس سائل ازرق 30 لتر كانه ب 85 ريال ومطهر عام 30 لتر ب 45 او 55 ريال صراحة نسيت الاسعار واتلخبط بينهم لان اشتريناهم كلهم مرة وحدة وانا تعمدت اشتري نوعية رخيصة لان ملابس كل يوم يتراكمون وموكلهم وصخين فهذا زين لغسيلهم واقتصادي واشترينا غسول الايدي لان نستهلكه بكثرة 30 لتر ب نفس الشي 45 او 55 وسائل غسيل الصحون وشامبو عباية كله 30 لتر بهالسعر الي قلته يعني توفير وبالمرة نخلص من همهم

وبالنسبة للطلعة موشرط تروحين سوق او مجمع روحو حديقة تمشو كورنيش وخذو اكلكم من البيت لوتسوون فشار بالبيت يطلع ارخص وذرة بعد تطلع ارخص وعبوات الماء بعد واجباس وحلويات وخلو الصغار يلعبون العاب مجانية مثل المرجيحة والزحلاقية وانتو بسطو وسولفو

نسيت اقول فرزني الخضروات الي تتفرزن او الفواكه وتكوني مشترتنها وقت الرخص اوفر لوقتك وفلوسك وحاولي تبتعدين عن المطاعم

انا برضو مو متزوجة بس لاني الكبيرة عند امي فامي معتمدة عليا في ميزانية البيت
اغراض البيت اشتريها زي ما قالوا الاخوات بالجملة ارخص و اوفر
مقاضيك خليها مرة في الشهر ما عدا الاشياء اللي تحتاجيها يوميا او اسبوعيا
زي اللبن و الزبادي و الخضروات و الاشياء اللي مدة صلاحيتها تنتهي بسرعة
قبل ما تجيبي اغراضك بالشهر سوي جدول بالاكلات اللي راح تعمليها طول الشهر عشان تجيبي بس الاغراض اللي تحتاجها الاكلات بدون زيادة تأثر في الميزانية
بالنسبة للاسواق اكتبي اللي تبغيه في ورقة و اشتري الشي اللي انتي محتاجتو فعلا لان اغلب الحريم لما تنزل للسوق تشتري اشياء تحتاجها و اشياء تكتشف انها مو بحاجتها و لا هيه ضرورية بس لانها تشتري بدون حساب او مع الطفش اشترتها
اخيرا خصصي مبلغ لو بسيط تتصدقي منو شهريا عشان ربي يبارك لك
و ان شاء الله بهذي الطريقة راح توفري مبلغ لو بسيط ينفعك بعدين

المناديل والسفر واكياس الزبالة ومناديل الحمام ومناديل المطبخ
ومناديل الجيب اذا عندك صغار وصحون الورق اذا تستخدمين
والقصدير والنايلون
واسفنج المواعين والمبيد الحشري والقفازات
والفلاش والكلوركس وملمع الزجاج وممسحات الطاولات
بشكل عام الورقيات ومواد التنظيف
هذي لا تاخذينها من السوبرماركت غالية تكون

خذيها اما من محلات البلاستيك او من محلات التوفير وابو عشرة وهذول
وغالبا تجيك رصة تكفيك مدة طويلة مو كل شهر تاخذين