سلام ياصبايا

كيفكم ياحلوات
بس ابغ اطباق رئيسية تانية مع الرز والمكرونةوحركات وجايبة كبة وورق عنب بكرة بيجوني صاحباتي بغ اطباق مميزة تطلع وجهي قدامهم اول مرة يدخلوا بيتي
ان شاء الله بتنبسطي فيهم وهمي كمان بنبسطو بسفرتك انا رح اعطيكي طريقة فيله سمك لذيذذذذذذذذذذذذذ وسهل
بتجيبي السمك وبتنظفي بشوية طحين وليمون وخل وبعد ما تغسلي حطي عليه تقريبا عصير ليمونه وفنجان زيت زيتون والملح وبهاراتك الفلفل الاسود والكمون والكزبره والكاري والبهار الحلو وبتفركي كويس وبتصفي بصنية بتدخل الفرن وبعدين بتفرمي بقدونس ناعم وثوم راس كامل و حبة طماطم وحبة ليمون وان بتحبي الحر حطي شوية حر اخضر وبعدين بتملحي الخلطه شوي وبتحطي عليها شوية زيت زيتون وبتفرشيها فوق السمك وبتغلفي الصينيه بالقصدير ودخليها فرن هادي تقريبا نص ساعه وبتصير جاهزه وحمريها قبل التقديم شوي روعه ولذيذه والكل رح يطلب الطريقه انا متأكده

واعملي عرايس
الي عباره عن خبز شامي تجيبي وبتفتحي من النص كل رغيف بتعملي نصين بس يكون الخبز مو رقيق على الاخر لاء اختاري نوع يكون خميل شوي وبيفتح معك من النص وبتجيبي لحمه مفرومه الافضل غنم بتبشري معاها حبة بصل وفصين توم وبتفرمي بقدونس ناعم وحبتين بندوره ناعم وبتبلي اللحمه مع هالخضار وشويه فلفل اسود وشويه ملح ورشه بهار حلو وبتفردي كميه من اللحمه داخل كل نص رغيف بعدين بتصيفيهم بصينيه وبتدهنينم بشوية مي وبعدين ادهنيهم بشوية زيت زيتون ودخليها الفرن بس تحت الشوايه وقلبيهم بس تتحمر اول جهة وكتيررررررررررررررررر طيبه اذا كان الرغيف كبير بتقدر تعملي ارباع بدال انصاف بيكون الشكل اجمل وعليكم بالعافيه ويارب تعجبك وصفاتي وتكون ساعدتك يا قمر
سبحان الله ولا اله الا الله والله أكبر
عليكم السلام اختي شو رايك بسفرة اكل صيني في عندك خيارات مثل الدجاج مع الكاجو هاي اعرف طريقتها اذا بتحبي ببعتلك طريقة و طبعا تقدم بجانب الارز البسمتي المزين بالكاجو وطبق اللحم مع البروكلي صيني ايضا وجدا لذيذة بس اختي هاي ما بعرف طريقتها بس ممكن بالبحث بالنت تعرفي الطريقة و ايضا السبرنج رولز الدجاج كمقبلات جدا لذيذة الجميع يحبها وكمان النولدلز باضافة الخضار والبهار الصيني خيار جيد وبالنسبة للشوربة احس مع هاي الاطباق شوربة الفطر والذرة مع الكريمة لذيذة جدا اتمنى اكون افدتك اختي ... احس انها تكون سفرة غريبة ومتنوعة وجميلة ****لة يعجبك اقتراحي
لقد بعتلك اختي افكار لسفرة للاكل الصيني بس المشاركة لم تظهر ما بعرف ليه
كم الله خير حبايبي يسلمو عالفكار تعبتكم معايا بس انا ساكنة بقرية مافيها سمك ولاكاجو ابغ اشياء غييييير


الساعة الآن 06:59 .