[frame="2 80"]طلبي او مشكلتي
القــــــــــــــــــــــــــــــــــهوه العربـــــــــــــــــــــــــــيه
والله مليت من كثر ماسويها وابو الشباب يذمها
رغم اني اسويه بطر يقة كل الناس بس اهو بيها مثل
قهوة المقهوي اللي عندهم في العمل
بعد ابي فزعتكم كل وحده تسوي قهوه ويمدحون فيها تقول وش طريقتها
انا بقول طريقتي وانتم اضيفوا ملاحظاتكم
اولا
اضع في براد القهوه مويه لغاية انص
بعدين اتركه يغلي
وبعد مايغلي اضيف ملعقتين كبار بن
بعدين اتركه يغلي علي نار هادئه نص ساعه
بعدين في دله ثانيه
اضع ملعقتين صغار هيل+ربع ملعقه صغيره لكل من قرنفل وزنجبيل
ورشة زعفران
وضعها علي النار بس لغايه ماتفور
بعدين اتركها شوي وصفيها في ثلاجة التقديم
بس مع هذا ماتعجبه[/frame]
09-09-1426 هـ, 07:22 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
احنا قهوتنا الأردنية غير :

اولا نغلي الماء بالدلة الخاصة
نلقم القهوة اللي هي خشنة بس لونها بني متوسط
ونتركها على نار هادية ساعة
وبعدين نعصر قطرات ليمون
ونكون جهزنا في دلة التقديم ( هيل مجروش مش مطحون )ونصب فوقه القهوة بعد ما تركد.



هذا اول يوم وما يكون طعمها حلو
ثاني يوم نستخدم نفس مكونات اليوم الأول
ونضيف القهوة المتبقية بدلة التقديم كمان ونزيد البن

وكل يوم على هالموال
نحطها الفجر على النار لمدة ساعة .

وكل ما صارت ( التخميرة ) ( التشريبة ) اقدم بيعطي طعم حامض شوي وقوي للقهوة .


قهوتنا ثقيلة ولازم لما تروحي للضيف ويصبها لك تحركي الكأس وتخلي القهوة تطلع على أطراق الكأس حتى تختبري لونها غامق أو لأ.

وصحتين وهنا .
09-09-1426 هـ, 09:25 صباحاً
 
عزيزتى طريقتك سليمه ميه بالميه.
لكن اعتقد مشكلتك فى البن نفسه ........انتى تسوينه فى البيت والا تشترينه جاهز .......
لان احيانا الجاهز ييكون قديم او مخزن غلط او محمص غلط ,,,,,,,او البن ماهو من النوعيه الجيده ........
09-09-1426 هـ, 11:40 مساءً
 
مثل ما قالت الأخت اميره الأيام حسب نوعيه القهوه يمكن قديمه وبعدين انت ما تحطين حليب سائل او مبيض ؟؟هذا راح يعطيها طعم زين وقللي من العويدي يمكن يخليها سودا ويخرب طعم القهوه00

وبعدين بدل ماتسوينها من الأبريق ثم الدله ثم الترمس اضيفي الهيل الي ابريق القهوه بعد ما تغلي القهوه ربع ساعه ثم صبيها في الترمس و ماله داعي نصف ساعه تغلي الا اذا القهوه بريه لكن العاديه ما تاخذ وقت بس ربع ساعه 00

واذا كنت تحمسين القهوه في البيت يمكن تكون نيئه وهذا بيكون طعمه فيه مراره وتبطي تطبخ ولا لها طعم ولون احمسيها علي نار هاديه الي ان تغمق اميل الي البني الغامق ومع الحمس شويه شيبه وقبل ماتخلص شوي مستكه بيطلع طعمها وريحتها مغريه00
10-09-1426 هـ, 02:00 صباحاً
 
انا اقولك طريقتي جربيها يارب تعجبك

ملعقتين كبار بن مطحون (طبعا أفضل أنك تحمصينه بنفسك في البيت وتطحنينه)

مع ذرة زعفران بين أصابعك خذي شوي وفتفتيه في الأبريق

بعدين صبي فوقه المويه المغليه تقريبا نص الأبريق واتركيها تغلي ربع ساعه

سكري النار

وحطي في ثلاجة القهوه ملعقه هيل مطحون خشن..لاتطحنينه ناعم مره

ترا يخلي القهوه ثقيله ولونها شين ماتطلع صافيه..

اتركي القهوه تركد شوي وبس صبيها فوق الهيل وبالهناء والعافيه..

وصبي شوي في الفنجال لو شفتيها ثقيله زيديها شوي مويه مغليه
10-09-1426 هـ, 03:53 صباحاً
 


الساعة الآن 05:15 .