سويس رول التمر كشخة وذوق

من كم يوم مريت على صديقتي وكانت مسويه هذي الحلاوة وكان لذييييييييييذ قلت عاد ما يصير لازم اخبر اخواتي عن هالطريقة:
المقادير:
كمية من التمر منزوع النوي ومهروس مع قليل من الهيل والزيت
4 أكواب طحين مع نصف ملعقة شاي قرفة
زبدة ما يكفي لتتكون عجينة تتشكل انا طلع معاي تقريباً علبة 470جم

الطريقة:
تاخذين الطحين تحمصينه على النار حتى يصير لونه ذهبي وبعدين تضيفين له الزبدة وتحركين حتى تتكون عجينة .. بس.. ترفعينه عن النار وتمدين نصف الكمية على ورق زبدة بالنشابة وتاخذين التمر وتمدينه باليد وتصف فوق العجينة وتغطينه بطبقة ثانية من العجينة .. وبعدين الله يسلمج تلفينه بشكل اسطواني بحذر وخفة ورشاقة :D .. طبعاً تكونين مستعينة بورق الزبدة باللف وتحطينه بالبراد لمدة ساعة او حتى يبرد وتقطعينه حلقات ونتثرين عليه اذا بغيتي الفستق الناعم.. وبالعافية :27: