السلام عليكم


خواتي أنا مشكلتي ماعرف اضبط المقداير بكل شئ يعني حد يعطيني مقادير بالضبط افلح لكن مقادير من عندي كلش ماافلح الا بقدرة قادر

الخبيرات بالطبخ خبروني بليز عن خبرتكن كيف تضبطن المقادير


يعني مثلا باجر عندكم عزومة لازم تزيدن الكمية كيف تتصرفن بالملح والشكر والبهارات؟؟؟

وابي طريقة الشاي بالضبط اقصد التحكم بالماء والشكر والشاي بصراحة انا اليوم سويت شاي احمر تخيلوووا طلع ماي طعمه مع اني حاسة اني حطيت شاي زيادة وميرامية فوق جذه طلع موشي طعمه واستحيت جدام اهلى

ممكن تعطوني الكمية الشاي الاحمر والحليب بالضبط يعني اذا حطينا 3 اكواب ماء كم ملعقة سكر وشاي ؟واذا سويت شاي حليب نفس الشئ؟؟؟

ممكن تعطوني مثلا لكل كوبين ملعقة سكر ولكل ثلاث ملعقتين سكر جذيه اقصد

وياريت بعد تقولولي بالنسبة للأكلات الثانية مثل العيوش والدجاج والشوربة



اللى تعرف شئ تقولي وجزاهااا الله كل الخير بهذا الشهر الفضيل

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ان شاء الله اقدر اساعدك ولو بشي بسيط 00

المقادير راح تضبطيها مع الوقت والخبره خاصه اذا بغيتي تكثرين الكميه انت ونظرتك للشي
لكن مثل الشاي اذا انت بتحطينه في ترمس تغلين الميه كميه كثيره جيبي الترمس وحطي فيه مثلا خمس ملاعق سكر اواكثر او اقل حسب رغبتكم وحجم الترمس حطي الليبتون العلاقي اضبط من الورق واذا بغيتي الحبيبات ملعقه تكفي بس تحطيها في ابريق مع السكر وتخليها تغلي ثم في الترمس واحسن شي قبل ما تقدمينه لأهلك صبي في بياله وجربي قبل وشوفي وش ناقصه وزوديه قبل لا تتفشلين عندهم
الحليب اذا سائل علبه بتكفي تسوينها ابريق مع ملعقه شاي واذا بودره كل كاس 3 ملاعق بودره00
بالنسبه لمقاس الرز كل شخص من اهل البيت احسبي له بياله شاي عددكم وتزودين وحده او ثنتين احتياط جربي وبتشوفين مقاسها مظبوط وحسب شهيتهم والدجاج كذلك حسب عدد الأشخاص اذا اثنين نصف دجاجه تكفي00
اهم شي كل ما كثرت شغل بالمطبخ عرفت وزادت الخبره عندك وكلنا مرينا بطريقتك وتبهذلنا لين عرفنا نرضي اهلنا بس اهم شي اذا طبخت او سويت شي لا تسألينهم وش رايكم راح يحطمونك لا تعطينهم فرصه00
سوي شاي باكياس الليبتون يطلع لك اضبط

واذا بورق اغليه ببريق لحاله حتى يطلع اللون اللي تبين

صدقيني مع التكرار اليومي بتتعودين وبتاخذ ايدك عالشي تلقائياً

بالتوفيق
أذا استفدتي من مواضيعي ومشاركاتي أدعي لي بدعوه حلوه
طريقة عندي للشاي وان شاء الله تضبط
اذا 6 استكانات ماء يوضع 3 ملاعق طعام سكر وترى اذا ماتحبون السكر خفي شوي وحطيه على النار حتى يغلي ويفضل في الغوري للشاي ليكون الطعم اضبط ...عند الغليان حطي 3 ملاعق صغيرة شاي وبعد غليه وحدة شيلي من على النار وسدي فتحة الغوري بفنجان قهوة او اي شي وخلي شوي .....بعدين جربي الشاي من ناحية اللون والطعم ...اذا كان فاتح زيدي شاي وشوي خليه على النار ثم نفس الحركة غطي الغوري....

وصبيه في الدله....وترى الشاي بعد الوجبة مباشرة يخلي الجسم يفقد الحديد
ويمكن اضافة نعاع او ماء الور في الدلة

مشكورين على ردودكم طيبتوا خاطري

وانا معاكم انه الخبرة تعلب دووووور

اختى نور دبي شوقصدج 6 استكانات ماي قصدج كاسات او كوب او شوو؟؟؟؟؟؟



الساعة الآن 12:21 .