حبيباتي اولا انا لي فتره طويله احاول في العلاج والتنشيط... بس سبحان الله كل مره تطلع عله وتخرب مشوار
التنشيط.
إما تكييس او كيس او لخبطة دوره.
مابقيت ولاشي ماسويته بعد الله..
الشهر الماضي اضفت لقائمتي اشياء جديده
إللي هي تمريخ ,, و مسك اسود,,, و كبسولات رويال جيلي+جنسانا.
بس كلها كانت حلوه الحمد لله ,
المهم:
تأخرت الدوره ونزلتها بحبوب بعد ماحللت وماطلع حمل.
رحت ثاني يوم دوره قالت الدكتوره عندك كيس على المبيض حجمه 28مل.
اعطتني حبوب تنظيم لمدة شهر مع جلوكوفاج 500.
قالت إنتي سويتي كل شي باقي اشعة الصبغه .. قلت اخاف
قالت كثير عملوها وحملو بعدها سبحان الله .. إنتي فكري في الموضوع وتعالي الصباح عشان اكون فاضيه لك.
عاوزه الشهر ده او الشهر الجاي , وانا انصحك تخلصي الشهر ده.
لازم تجين بعد ماتخلصي الدوره.
رحت البيت وفكرة في الموضوع وبحثت في النت وخفت مرررره, اتصلت قلت ابغا تخدير
قالت احنا نعطي مسكن فقط ورح تحسي بمغص خفيف.
خلصت الدوره وصليت استخاره ورحت .. اخذت مسكن ابرتين في العضل .
والممرضه جهزتني في غرفة الاشعه مارح ادخل في التفاصيل اكثر عشان مااخوفكم ..
بس صراحه تألمت :44: .
هذي الصوره الاولى
وهذي الصوره الثانيه
النتيجه قالت خلاص كل شي اوكي :icon18:.
بس انا بما اني كنت في وضع مااقدر اخذ واعطي بالكلام ماكلمتها بوضع الرحم.
يابنات شوفو الاشعه حقتي احس رحمي مايل مره ..
رغم لما مرختني الحرمه قالت رحمك مره مايل وباقي شوي ينقلب .. ورجعته قد ماتقدر.
بس هل وضعه الحين في الصوره طبيعي؟؟؟؟
.........................................................
المفاجأه الأن اللي تخلي الوحده تتحمل الم الصبغه::
صديقتي لها ست سنوات ماحملت وتعذبت من الادويه اللي تاخذها والتحاليل
وارتفاع هرمون الحليب ..
اخر شي قبل شهر ونص سوت اشعة الصبغه واتصلت تحكيلي وتشكي لأنها انصدمت ماتدري ان
الاشعه كذا .. ولاتنسو هي اول مره في حياتها تكشف كشف نسائي.
فما بالكم كشف نسائي واشعة صبغه!!!!
المهم انا لما طلعت من المستشفى امس اتصلت عليها اعلمها باللي صار معي ,,
قالت انا اللحين في السياره دوبي طالعه من المستشفى زييك .. بس انا طلعت حامل :icon28:..
ياه يافرحتي لها الله يتمم عليها ويثبت حملها يارب تستاهل كل خير .
نسيت كل الالم .. وقلت يارب طمن قلبي قريب .
على فكره صديقتي تقول بعد الاشعه نزل منها قطع صغيره سبحان الله.
..............................................................
حبيت اذكر قصتها عشان إللي تأجل وخوافه تعقلها وتتوكل .
على فكره التوتر والخوف كان له دور في زيادة الالم عندي.
حاولو تسبحو الله وتاخذي نفس عميق وترتخي.. وباقي الالم تحملي .
وهذا نهاية موضوعي ...
ويفرح قلبك ويحقق امانيتك