السلام عليكم ورحمة الله وبركاته

شلونكن غالياتي..؟؟

تقبل الله طاعتكم..ماراح أخذ من وقتكم كثير

بس عندي سؤال بسيط..ليش تطبخون الفطور؟؟

يمكن سؤال غبي

لكن من جد ليش؟؟

كلنا ندخل المطبخ ونكرف ونقلي ونحمر ونحشي

الله يعطينا العافيه يارب<<<تدعي لروحها هالبنت هههههه

يمكن نطبخ لأننا تعودنا وهذا شي بديهي ..رمضان لازم فطور

ويمكن نطبخ لأنه مافي احد غيرنا بالبيت يطبخ لو ماطبخنا حنموت جوع

ويمكن نطبخ ارضاءً لأزواجنا أو للوالدين..وهذا له أجر عند رب العالمين

لكن هل نطبخ ونحتسب أجر إفطـــار صــائم؟؟

دائما نظن ان إفطار الصائم يكون للمحتاجين

والجمعيات الخيريه مع بداية رمضان تتسابق لجمع التبرعات عشان افطار الصائم

وحنا نتبرع لهم..ونشوف بالتلفزيون السفر ممدوده في الحرم المكي والمسجد النبوي

الناس كلها تتسابق تبي تكسب الأجر

وحنا نقدر نكسب أجر كبير ببيتنا ومطبخنا

طيب ليش مانحتسب حنا الأجر بطبخنا لأهلنا..

ترا والله هذا إفطار صائم..تخيلوا عظيم الأجر شهر كامل وحنا نفطر مش صائم واحد فقط

لا نفطر عائلتنا بكاملها..

طبخك هو هو وبهاراتك هي هي..بس زيدي عليها نكهة إحتساب الأجر

وشوفي الفرق..اجر كبير وبركه في الوقت وسعاده وانتِ تطبخين

واخيرا وليس اخراً

((وكلوا واشربوا ولاتسرفوا))

ولاتنسوا التراويح وختم القرأن ترا رمضان مره بالسنه

عسى الله أن يجعلنا من المقبولين يارب وعذراً على الإطاله..
10-09-1426 هـ, 02:33 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عليكم السلام والرحمه

كلام جميل يامشاعل وفعلا لفتي نظري لهالنقطه اللي كانت غايبه عني

الله يجزاك خير ويبارك فيك
10-09-1426 هـ, 02:40 صباحاً
 
الله يجزاك خير أختي ^^مشاعل السعوديه^^
10-09-1426 هـ, 02:43 صباحاً
 
هلا اختي ^^مشاعل السعوديه^^

جزاك الله كل خير على تذكيرنا واحتساب الاجر يكون على كل عمل نقوم به على الوجه

اللي يرضي الله سبحانه وتعالى وعسى الله يتقبل من الجميع الصيام والقيام
10-09-1426 هـ, 02:43 صباحاً
 


جزاكِ الله خير أختي العزيزة لاحرمك الله الأجر
وفقكِ الله ورزقكِ من فضله

10-09-1426 هـ, 03:02 صباحاً
 


الساعة الآن 05:15 .