الله يعينك ...

صارحي زوجك بأسلوب حلو وخليكي ذكيه ونقاش سريع وبدون زعل قولي له هذا بيتي ولي خصوصياتي ما أحب أحد يطلع عليها إلا انت وأهلك ع العين والرأس بس لكل شي حدود وبطريقتك انتي فهميه لا يخليهم يدخلون البيت بغيابك او ع الاقل غرفة النوم وترى انتي أدرى بزوجك كيف يتقبل الكلام عن أهله وطالبي بحقك بدون ما تجيبين طاريهم بالباطل والله يعينك

الله يعينك نفس مشكلتي الا يدخلوون ويفتشون هذا غير التصنت مع انهم طيبين بس يحبوا يعرفوا كل شيء تدخل في حياة الواحد بشيء يقهر

الله يعينك من جد وخصوصا اذا ابوكم معاهم في كل شي وشايف تصرفاتهم صح ، اول شي جربي جلسة هادئة في توقيت مناسب واشرحي له ان كل متزوجة لها خصوصية مع شوية قصص عن حرمة تاركة بيتها وغرفتها مفتوحة للرايح والجاي انها انسرقت مثلا او خذوا قمصان نومها ولبسوها لرجال غريب -يمكن زوجك يحس على دمه شوي لو قلتي هذي - قولي حياهم الله بيت ولدهم بس غرفتي انا اشاركك فيها وفيها اغراض خاصة جدا اوراق مهمة مثلا وذهب اخاف عليه واشياء مأمنيني عليها اهلي ( خربطي اي شي ) يا ليت كل ما طلعنا من البيت سواء انا والا انت نتعود نقفلها عشان ما نندم بعدين، حسيتيه اقتنع زين على الاقل وصلتي لهم رسالة راقية وبعد فترة بيملون لأن باقي البيت بيصيرون حافظينه وما فيه اي شي مميز او غامض يتطلعون له ، لو عصب وما زال متمسك برأيه ويقول لك وش فيها عادي ولا : أمي وأختي ما فيه احد غريب عاد الله يعينك مالك الا شنطة كبيرة بأرقام سرية ما يعرفها الا انتي واذا سافرتي حطي كل اغراضك الخاصة واوراقك واي صور او ذكريات واي شي ما تبينهم يشوفونه او ياخذونه وخليها في غرفتك ولا تبينين ان هذا قصدك قولي اخاف ينسون الباب مفتوح وما ادري عن هالبيت اخاف يدخلون فيه عامل ولا شغالة وانا ما ادري ، ومن ناحيتهم ممكن تقولين قصص بطريقة غير مباشرة مثلا : اعرف واحدة من اهلنا ما شاء الله عليها مرت ولدها في نفس البيت ولا عمرهم دخلوا غرفتها ومن هالكلام ،، واذا على المشاكل احس انك ما عجبتيهم برسميتك ويبونك تدخلين فيهم وتمارسين معهم الحش والتدخل ودخول البيوت بس ما عليك خليك على مبدئك الرسمية مع النصيحة بأسلوب والله يهديهم ...

الله يهديهم