حل مجرب لمص الاصبع وللفطام من الرضاعة والصدر

عندي حل والله خطير ومجرب لمص الاصبع هي عبارة عن عبوة تباع في قزاز اسمها ستوب شكلها زي مقوي الاظافر المهم الحلو فيها انها شفافة وما تبين للطفل اتك حطيت حاجة على اصباعه
أعرف حتقولوا جربنا اشياء كثيرة طعمها كريه أو مر وما نفع لكن هذه غير عن جد غير ..... قولوا ليه ؟
لأنها تجف على طول وماراح يعرف الطفل انك حطيت حاجة على اصباعه يعني تحطيها وهو نايم ضروري مايشوفك ولا يدري ابد انك حطيت حاجة على الرضاعة أو على اصباعه أو على صدرك وبيني انك ما تدري وانه فجأة صار طعمه كريه والله حيتركها باذن الله قريباتي جربوها وحدة على اصباع بنتها كان عمرها اربع سنين وتركت مص اصباعها على طول ووحدة حطت على صدرها ووحدة حطت على الرضاعة والله كلهم تركوه على طول اللي كانت ترضع الرضاعة صارت تغير الرضاعة وأمها طبعاً حطت في كل الرضاعات راحت البنت رمت رضاعاتها بنفسها
الأهم من هذا كله راح تضحكوا علي إذا قلتلكم انه ما نفع مع ولدي قولوا ليش لأني غبية ماكنت أدري انه لازم مايشوفني كنت أحطه قدامه