انا بالنسبه للمواعين اغسلها اثناء ما انا اطبخ او بعد الغداء
ثم اجلس طول اليوم ما اغسل شيء
ممكن هذي الطريقة تناسبني لاننا قليليين

اما الطبخ فاني اسوي بصل مقلي(كشنة بصل كمية كبيرة واحطها بالفريزر
وكمية صوص طماطم (كشنة طماطم)
و لحم مفروم
واغلفهم زين
للاكلات السريعه
والبيتزا والفطاير

وتعطير المطبخ اغلي موية واخليها تطبخ مع ملعقة كبيرة فانيلا بودرة
25-05-1434 هـ, 11:38 مساءً
 
والله يالغاليه أنا بالنسبة لي بما أنو ماعندي شغالة
وبيتي مرة كبير ودورين واللي بالبيت 8 وعندي بنت صغيرة ماكملت السنة
بصراحة هدت حيل مايعلم فيها إلا الله .. لكننا نحتسب الأجر عند الله

أنا أغلب الوقت اعتمد على السفري " الصحون البلاستك والملاعق والأكواب " !
ماعدا الحار ما استخدم البلاستك فية !
بصراحة مررررة ريحتني
افرش سفرة فوق الطاولة وارتب الاطباق علية ولما يخلصوا
اشيلها بسفرتها وارميها
ويكون ماعندي غير اشياء بسيطة اغسلها بسرعة وارتاح

وبنفس الوقت مخصصة ملاعق وصحون معينة
ومعرووووف مكانها مايستخدمون غيرها
يعني حتى لو طلعت مواعين ماراح يطلع ذاك اللي يتعب ويشغل !

طبعاً هذا بالنسبة لي حل مؤقت إلى أن يفرجها الله

بالنسبة لشغل البيت ماوجدت اريح من الشغل اول باول
يضل البيت نظيف وأنت مرتاحة
ومرة بالأسبوع تنفظية وتنظفية تنظيف عميق
غسيل الملابس اول باول اغسل
احط في كل غرفه سلة يحطون فيها الملابس المتسخة
ونهاية اليوم اخذها واسغلها وطبعاً
بما انو غسالتي عادية فأنا اغسل واولادي ينشروووون
منها يساعدوني ومنها احسسهم بالمسؤولية !
لنا غرفه خاصة لجلوس العائلة هذة جزئين جزء كنب وجزء جلسة ارضية
وفيها تلفزيون بلازما معلق
اول كان التلفزيون على مكتبة والمكتبة فيها كتب وتحف
وكانت مرة تتعبني بالتنظيف وتنفيض الغبار
الآن ارتحت بعد ماشلتها ماعندي غير التلفزيون امسحة وارتاح
وعندي مكنسة كهربائية صغيرةمعلقتها ورى الباب كل ماشفت شيء على
الأرض كنستة
وفارشة بالغرفه جهة الجلسة الأرضية سفرة اللي تحت من تحت قماش ومن فوق
مشمع مررررررة ريحتني احط عليها القهوة والشاي والحلى
واي شي ينكب امسحة على طول


والله يعيننا يااااارب
26-05-1434 هـ, 04:06 صباحاً
 
اقتباس مشاركة  (پعثرهـ)
مبداء اتعبي يوم ذا ما أكتشفته الاقبل كم شهر بس لان قبل كنت طالبه والحين عاطله وشلت البيت عن امي فتعبت ببعض الاكتشافات جت متأخره
المواعين فكرت بالاستهلاكيات حتى اكواب الشرب وراح اطبقه قريب في كل شي عدا صحون تقديم الاكل صعب والا انا ماعندي مانع
بالنسبه للالعاب ماعندي بزران حمدالله اصغر اخواني 15 سنه الله يعطيه طوله العمر فالبيت حمدالله دايماً مرتب
بس عندي سؤال فكرت احط فواحه بالمطبخ عشان الريحه ونصحوني عنها فأبي مشورتكم ابي ريحه المطبخ دايماً حلوه بس كيف
خذي الفواحه الكهربائيه من سنتر بوينت
راااائعه
وبخري المطبخ والدواليب دائما
وافرشي ورق في الدواليب اللي قليل استخدامها وبخريها تصير دائما ريحه الدواليب بخور وحلوه
بس ابعدي عن دواليب الارزاق والبهارات
والا تصيرين مثل خالتي دائم اكلها فيه طعم بخور لانه تحشر دواليبها بالبخور
للدرجه ان السكر والبهارات اخذت الطعم
26-05-1434 هـ, 12:22 مساءً
 
يعطيكم العافيه بنات ماقصرتوا
29-05-1434 هـ, 04:01 صباحاً
 
صبايا بلييييز كل وحده تدخل تكتب كيف منظمه وقتها عشان نستفيد جميعاً لا تبخلون علينا انتم كرماء وحنا نستاهل
29-05-1434 هـ, 04:02 صباحاً
 


الساعة الآن 03:30 .