فساتين سهره في جده ادخلووووا /قديم

هلا قلبي شوفي ياعسل كل المحلات الي بجده تاخذ من البلد تحديد من اسواق الباشا الي حق فساتين السهره بجنب سوق الكورنيش بالبلد اوكى يعني سوق لمسات وبعض محلات سوق المساعديه وربي من البلد تلاقيه بالبلد 400 ريال وعندهم في المساعديه 1400 شفتي الفرق الشاسع وانا اقسم بالله اخذت فستان من البلد بـ 400 ريال ولقيته بعزيز مول 1100 ريال طبعا نفسه بالملي المهم انا بقولك على المحلات المميزه الخاصه الشيك جداا خصوصا اذا كنتي اخت عريس او اخت عروسه لاني توني فصلت فستان من الحفني فخم جداا كلفني 2300 ريال معقول جدااا لان اكثر من كذا احسه حرام والله وتبذير والفستان لو تشوفيه تعطيه اكثر المهم المحلات المميزه في جده كالاتي محل اورجنزا تلاقيه بالمساعديه اقسم بالله ماتلاقي فساتينهم باي مكان انا لفيت جده كلهاااا اوكى بس حطي في بالك اتفه فستان عندهم لايقل عن 2000 ريال وجداا ناعم وطااالع الاسعار اوكى فيه احمد بدوي بالمساعديه بس انا مايعجبني ذوقه بصراحه فيه كمان رهيدا بالمساعديه برضو وعندك بوتيك كرومي بالحفني تلاقيه بالدور الثاني هذا فصلت عنده انا فستاني خلصه في 20 يوم وشغله متقن جداا طبعا انا اخترت الموديل من على المنيكان عنده بس اضفت له كم واحد كت لاني مااحب التوب وكمان عندك بعض محلات الحفني الي خصوصا تلاقي مكتوب عليها بوتيك يعني عندهم مصمم وعندهم فساتين خاصه بمحلهم انتي تختاري الي يعجبك وتغيري فيه زي ماتحبي وصار عندهم فلبينيات يقيسوكي انا قاستني الفلبينيه بالمحل وطلع الشغل تمام في عندك في سوق جده مول بعض المحلات المميزه فيها نساء بس غاليه جداا انا ماهضمت الاسعار الفاحشه وتلاقيها فساتين نعووومه وبقية المحلات حبيبتي ماخذينها من اسواق الباشا الي بالبلد ماخذينها باقل من 500 ريال ويصلخونا بزياده الف ريال والله هذا من تجربتي قبل اشهر عشان كان زواج اخويا بالحج والحمدلله اتمينا المهمه وكانت احلى ليله اتمنى اكون افدتك غاليتي ويسعدك ربي ويحقق مناكي وكل من قرا الموضوع والمسلمين اجمعين يارب

للرفع

الله يسسسسعد قلبببببك ياسوسو ماقصرتي حبيبتي طيب بسالك عن عماير الباشا وين و الحفني وين هذي وهل كلها تفصيل ولا فيه ءجاهز لاني ابي جاهز مايمديني افصل لاني مابجلس كثير في جده وبالنسبه للبلد تقولي هناك الفساتين الاقيها باقل من سعرها ف المولات ابي اعرف من اي محلات بالضبط لانووو حرام ينلعب علينا ويزودون الف ريال

هذا زواج اختي الله يتممه

هلا حياكي الله ياحلاتي أنا
بالنسبه للبلد معروف اسواق الباشا قريب من سوق الكورنيش اوكى بس ترينها محلات في الشارع ماهو سوق ولا حتى مول يعني الله يعينك على الحر والمشي بس تهون واتذكر فيه محلين مميزه شوي واحد اسمه الليلكي والثاني اسمه ليلتي يارب مااكون غلطانه بتلاقينها متقابلين وهي محلات متفرقه على الشارع يعني زي اسواق زمان بس والله هما يبيعون لمحلات الجمله فساتين السهره عشان كذا الزياده اضعاف مضاعفه في المولات لنفس الموديل وبالنسبه للحفني فيه جاهز عندهم وسوق الحفني في شارع التحليه تقاطع المدينه ممكن كمان لو تحبي تروحي النجار خصوصا فيه محل اسمه العطيف تلاقين عندهم قطع مميزه ومختلفه عن الي في السوق شوي اما البقيه الباقيه كلهم من اسواق الباشا الي بالبلد بس مثل ماقلت لك ترى الباشا سوق شعبي ومحلات متناثره على الشارع وهم يعتبرون محلات الجمله يعني الموردين لبقية تجار السهره عشان كذا ارخص بكثير ويارب ياعسل تتوفقين في اختيار الموديل وبشريني اذا لقيتي شي مناسب بامان الكريم ومبروك مقدماا واي خدمه حاضرين للطيبين تونا مزوجين اخويا وطالعه بخبره واسعه والله يحق المنى لكي وللمسلمين اجمعين