عندي عزومة سمك فيليه و سبيط و روبيان و أريد مساعدتكم

رمضان كريم و كل علم و أنتم بخير أخواتي الكرام
أعاده الله علينا و عليكم و على الأمة الإسلامية بالخير و اليمن و البركات

و الله بنات عندي عزومة ان شاء الله الجمعه القادمة و أبيكم تدلوني على طريقة عمل السمك الفيلية (تتبيله حلوة) + كيف أسوي السبيط؟
و ماذا أقدم بجانبهم ؟ حتى تكون سفرة عامرة

و جزاكم الله كل خير يا رب

أختكم في الله أم زياد
13-09-1426 هـ, 01:14 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوربــــــــــــــــــــــة فواكـــــــــــــــــــه البحـــــــــــــــــــــر
(sea food)
المقادير
1/2 كوب من قطع الكاليمارى
1/2 كوب جمبرى
1/2 كوب لحم كابوريا
1/2 كوب من قطع السمك
بصلة مبشورة
ملح - فلفل أسود - مستكة - حبهان - ورق لورا
حوالى 5 كوبايات ماء- زيت نباتى
الطريقة:
- نضع معلقة من الزيت على النار و نضع فيه البصلة المبشورة و المستكة
و الفلفل الأسود نقلب دقيقتان بدون أن يتغير لون البصل
- نضع الماء و الحبهان و ورق اللورا و الملح و نتركها
تغلى على نار هادئة ربع ساعة
- نضع قطع الكاليمارى ثم الجمبرى ثم لحمالكابوريا ثم قطع السمك
بنفس الترتيب اللى انا كتباة و بين كل حاجة بنحطها و الثانية خمس دقائق
(لأختلاف سوى كل حاجة عن الأخرى) و نطفىء النار بعد و ضع
قطع السمك ب3دقائق فقط حتى لا تتفتت و تقدم ساخنة و
عليها عصير الليمون و بالهنا و الشفا

,,,,,,,,,,,,,,,,,,,,,,,,,,,,,,,,,,,,,,,,,,,,,
السمــــــــــــــــــــــــــ ـــــــك فى الفرن
المقادير
سمك بورى كبير
4 فلفل أخضر رومى مقطع حلقات
بصلتين كبيرتين حلقات
نصف رأس ثوم مقشرة و مفرومة
ملح- فلفل- كمون- شطة ( لو عاوزة)
نصف كوب ماء
عصير 4 ليمونات
ربع كوب زيت نباتى
الطريقة
- ينظف السمك جيداً و تزال الأحشاءوالخياشيم ويقطع بطول السمكة
من الجنب نضع طبقة من حلقات الفلفل و البصل و الليمون فى قاع
صينية بايركس
- يوضع السمك فوقة ثم فوقة طبقة أخرى من الحلقات
- فى طبق اخلطى الزيت و الثوم و عصير الليمون و البهارات
و صبيها فوق السمك
- ضيفىالماء ثم ضعيها فى الفرن خدى بالك السمك بيستوى
على طول و بالهنا و الشفا
13-09-1426 هـ, 01:26 مساءً
 
الــــــــــــــــــرز بالكــــــــــــــــــارى و الجمبرى
المقادير
بصلة كبيرة شرائح
5 فصوصثوم
زيت نباتى
ملح - فلفل
ملعقة كبيرة كارى
2 كوب ا رز
نصف كيلو جمبرى مقشر و مغسول
الطريقة
نحمر البصلة فى الزيت إلى أن يصفر لونها قليلاً ثم نضيف الثوم ثم الجمبرى و البهارات و نقلب إلى أن يصبح الجمبرى برتقالى اللون
و نقلب قليلاً ثم نضع الرز و نقلبهم معاً جيداً إلى أن تختلط كل المقادير مع الرز
نضيف حوالى كوبايتين ماء أو أكثر حسب نوع الرز و نتركه يتشرب الماء ثم نوطى النارو نتركه يستوى حوالى ثلث ساعة بنفس طريقة الارز العادى و بالهنا و الشفا
عند التقديم نضع الارز فى طاجن او سلطانية او طبق غويط ونكبسة كويس وبعدين نقلبه حيبقى شكلة حلو وممكن نجملة بوحدات من الجمبرى المسلوقة بقشرة
,,,,,,,,,,,,,,,,,,,,,,,,,,,,,,,,,,,,,,,,,,,,,,
ارز السمك (البنى)
2كوب ارز
ملح –يصلة كبيرة-2 معلقة زيت
الطريقة :
نغسل الارز و نقشر البصلة و نقطعها شرائح
نحمر البصلة فى الزيت حتى يصبح لونها بني مش اصفر لأ بنى غامق بس مش محروقة
نطلع البصلة من الزيت و نضربها فى الكبة لحد ماتنعم خالص
فى نفس الحلة ونفس الزيت اللى حمرنا فية البصلة نضع الارز و الملح و الماء و البصلة البنى المضروبة فى الكبة ويقلب جيدا ثم ننتظر حتى يغلىالماء و يتشرب و بعدين نوطى النار عادى زى طريقة الارز العادية ثم يترك لحد ما يستوى و بالهنا و الشفا.
ملحوظة يؤكل هذا الارز مع السمك و مع الصيادية
,,,,,,,,,,,,,,,,,,,,,,,,,,,,,,,,,,,,,,,,,,,,,
السمك المقلى
المقـــــــــــــادير :
كيلو سـمك بلطى أو اى نوع من اللى بتحبى تقلية طبعا حيتنضف كويس و تتفتح بطنة وتتشال هى و الخياشيم و الزعانف الجانبية و الزيل ينظف جيداًوتغسلية من برة و الداخل كويس
تحضير خلطة الحشو
ثوم مدقوق ناعم ..
عصير ليمون ..
ملح و فلفل و كمون
الطـريقـة
1- نضـع الملح والفلفل و الكمون وعصير الليمون والثوم في إنـاء ويخلط الجميع جـيداً ..
2- نتبل السـمك جيداً من الداخل والخـارج بخليط التتبيل السـابق ونضـعه في إناء ثم نُغطي الإنـاء ونضـعه في الثلاجة ويترك لمدة نص ساعـة على الأقل
3- نضع سمكة سمكة فى الدقيق من الناحيتين وننطر الدقيق الزيادة و نقليها فى الزيت
الساخن جدا و الغزيرلحد ما تستوى و تحمر من الناحيتين
ثمّ يوضـع في مصفى للتخلّص من الزيت و بالهنا و الشفا ..
,,,,,,,,,,,,,,,,,,,,,,,,,,,,,,,,,,,,,,,,,,,,,,
طاجن الجمبري
جمبري كبير و الكميه تكفي عدد الافراد
طماطم
فلفل اخضر
جزر مبشور
بصله مفرومه ناعم
ثوم مقطع ضغيير
بهارات(ملح فلفل كمون كاري بهارات مشكله)
معلقه صلصه
ربع كوب صويا صوص
انا حطيتهم كلهم مع بعض في طاسه تيفال كبيره مع كوب ماء و علي نار هاديه لحد ما استوي الجمبري
13-09-1426 هـ, 01:32 مساءً
 
طاجن السبيط
المقادير
بصل مبشور
ملح,فلفل
طماطم مقطعة
كرفس مقطع
بقدونس مقطع
ذيت ذرة قليل
كمون
ثوم حلقات
فلفل رومى
فلفل حراق
الطريقة
تشوحى البصل والفلفل كويس فى الزيت ثم الطماطم تأخذ خلوتين عليهم ثم لصبيط وباقى المقادير..ماعدا الكرفس والبقدونس تضيفيهم قرب الغلق عليه غلوتين بعد ما تحطيهم وتغلقى .
,,,,,,,,,,,,,,,,,,,,,,,,,,,,,,,,,,,,,,,,,,,,,
السبيط المقلى
تقطعى السبيط بسمك أكبر قليلا من أصابع البطاطس المقلية وتغطسيه فى ملح وفلفل وعصير ليمون وكمون وثوم ويترك ساعة ثم يقدح الزيت ويقلى أولا ما يكون بمبى تشليه عشان لما بينشف بيكون مجلد وطعمه مش حلو والنار لا تعليها عشان يستوى براحته
13-09-1426 هـ, 01:38 مساءً
 
الله عليكم
تسلم الأيادي و الله
و أنا واثقة أنكم راح ترفعون راسي
ألف شكر يالغالية don
13-09-1426 هـ, 02:39 مساءً
 


الساعة الآن 01:17 .