طيب بالنسبة للسبيط المقلي لا أضعه في دقيق قبل القلي
13-09-1426 هـ, 02:40 مساءً
 
طاجن السببيط
المقادير
بصل مبشور- ملح,فلفل
2طماطم متوسطة مقطعة
حزمة كرفس مقطعة
حزمة بقدونس مقطعة
نص كوب ذيت ذرة
كمون
فلفل رومى
فلفل(حامى) حراق
الطريقة
تضعى البصل والفلفل والطماطم والكرفس والبقدونس و
الملح والفلفل والكمون والزيت كله على بعضه وبعدين تضفيهم على
السمك وتقلبيهم كويس
اتركيهم لمدة نص ساعة ثم ضعيهم فى الطاجن وغطيهم بورقة فويل
هما حينزلوا مايتهم ويستووا فيها وبعدين تروحى شايلة الورقة لحد
ما وش الطاجن يحمر تشيلية
وبالف هنا وشفا
ممكن تحطى حلقات طماطم على وش الطاجن بتدى شكل حلو لما تحمر
,,,,,,,,,,,,,,,,,,,,,,,,,,,,,,,,,,,,,

سلطة الجمبرى
كيلو جمبرى صغير مسلوق
3 معالق مايونيز – ورقتين خس
الطريقة
بعد ما نسلق الجمبرى ويبرد نقشرة نشيل خط الرمل اللى بيكون فى الضهر
نضع المايونيز على الجمبرى ونخلطهم بالمعلقة
نفرش فى طبق ورق الخس ونضع علية سلطة الجمبرى
ونضع على جانب الطبق واحدة جمبرى بقشرها لتزيين الطبق
وبالهنا والشفا
,,,,,,,,,,,,,,,,,,,,,,,,,,,,,,,,,,,,,,,,,,,,

الملوخية بالجمبرى
كيلو ملوخية
كيلوجمبرى مقشر ومغسول .
معلقة متوسطة ثوم مفروم
عصير 2 طماطمايةكبيرة
بصلة متوسطة مفرومة.
ملح - فلفل
مكعب شوربة ماجى
2 معلقة كبيرة زيت
الطريقة:
نضع الزيت يقدح فى الحلة ثم نضع البصلة حتى تصفر
ثم نضع الجمبرى ونقلبهم ونخليهم حوالى 10 دقائق
ثم نضع شوية ماء صغيرين ولما يغلى نضع عصير الطماطم
ونسيبهم شويه مع التقليب حوالى 5 دقائق لحدما يتسبك
تسبيك خفيف نضع الملح والفلفل ومكعب الشوربة
ثم نضع الملوخية مع التقليب ونتركها لحد ما تقلب قلبة أو قلبتين
بس ونظبط التخانه بتاعتها
نحمر الثوم المفروم فى معلقة زيت ثم نضعه على الملوخية
ونقلب و نطفى النار وتقدم
,,,,,,,,,,,,,,,,,,,,,,,,,,,,

اصابع السمك
سمك هامور فيليه مقطع أصابع بالطول -صويا صوص-دقيق-بيض-بقسماط- فلفل -زيت للتحمير.
الطريقة
1-يغسل السمك وينظف و يتبل بصلصة الصويا والفلفل ويترك لمدة 10دقائق.
2-ثم يغمس السمك في الدقيق وبعدين في البيض ثم البقسماط مع الضغط البسيط باليد على قطعةالسمك .
3-نضع السمك بعد ما نخلصه كله في الثلاجة لمدة نصف ساعة وبعدين نقليه في زيت ساخن وعميق حتى يصبح ذهبي اللون ويقدم وبالهنا والشفا
13-09-1426 هـ, 02:59 مساءً
 
أختى دون
أولا تسلم ايديكي على وصفاتك الهايلة حقيقي رفع راسي
لكن كان عندي مشكلة ما كنتش اتصورها ابدا
ان السبيط بيكش لما اقليه و لا تتخيلي ان الكيلو صار 1/8 كيلو
و رحت اتصبب عرقا و اعتذر للضيوف و كمان الدقيق ممسكش في السبيط و كلكع
مبقتش عارفه اعمل ايه
يللا الحمد لله
بس قوليلي لو انا غلطانه في حاجة يا ريت تقوليلي
20-09-1426 هـ, 01:31 مساءً
 
أولا
الشكر موصول لصاحبة الموضوع الله يريحك ريحتيني كنت بسوي موضوع كامل عشان أسأل عن طريقة السمك المشوي ....
don
الله يوفقك و يبارك فيك يا أروع طباخة مممممممممممم شهيتيني

بس ممكن سؤال يصلح أشوي السمك في الفرن بدون ـأي إضافات غير الثوم و البصل يعني لاااازم أحط الليمون ؟؟؟؟ ولا بيحترق

لأن طبيبي وصاني أشوي السمك بدون اضافات غير الثوم و البصل ................
و مشكورة مقدما
25-09-1426 هـ, 11:50 مساءً
 
اقتباس مشاركة  (zayyoda)
أختى دون
أولا تسلم ايديكي على وصفاتك الهايلة حقيقي رفع راسي
لكن كان عندي مشكلة ما كنتش اتصورها ابدا
ان السبيط بيكش لما اقليه و لا تتخيلي ان الكيلو صار 1/8 كيلو
و رحت اتصبب عرقا و اعتذر للضيوف و كمان الدقيق ممسكش في السبيط و كلكع
مبقتش عارفه اعمل ايه
يللا الحمد لله
بس قوليلي لو انا غلطانه في حاجة يا ريت تقوليلي
السلام عليكم يا زيودة انا برضة اسفة للتاخير لكن هانت ان شاءالله مشكلة النت حتتحل عندى اليوم بالنسبة للسبيط لايمكن يعمل كدة ولا يمكن يكش زى ماقلتى لايمكن هو ممكن يقوس سنة لانة بطبعة واخد شكل التتدوير لكن انه يكش بهذه الطريقة ابدا وانه ميمسكش فى الدقيق ويكلكع برضة ابدا انا توقعت انك حتقوليلى انه فضل يطرقع جامد على النار كنت حقولك مظبوط هو بيطرقع جامد على النار لكن زى ماقلتى لا لا لا يا زيودة الا ان كان بقى الاحتمال الوحيد انه مكنش سبيط وعلشان خاطرك انا بعد رمضان حعمله واصورة لك وهو بيتعمل وحنزلك الصور
وفداكى يا ست الكل الف سبيط ولا تتصبى عرقا ولا حاجة مش كفاية كتر خيرك انك عزماهم اساسا ( بس اوعى تقوليلهم انى قلت كدة )
26-09-1426 هـ, 01:40 مساءً
 


الساعة الآن 10:59 .