أتمنى اعرف كيف اسوي لقيمات تكون خفيفه وهشه وفارغه من العجين من الداخل لأني كل مااسويها يكون فيها عجين من تعرف تكتب لي المقادير ولها مني كل الدعاء والاجر بأذن الله

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
1/2 كاس طحين رقم 1
1/2 كاس طحين رقم 2
3 ملاعق سكر
ملعقة خميرة فورية
ملعقة نشا
رشة هيل رشة زعفران

ننخل المقادير السابقة مع بعض وبعدين نعجنها جيداً بكاس إلا ربع ماء تقريباً إلين تستوي العجينه متجانسة
نغطيها بفوطة ونخليها ساعه أو ساعه ونص تتخمر في مكان دافي وبعدين نسخن زيت غزير لين يبتدي يدخن نقصر على النار ونقلي اللقيمات فيه مع التقليب


شوفي حبيبتي انا تقريبا اسويها زي مقادير الاخت ام ميثا بس انا استخدم الطحين الكويتي البر لان زوجي يبغى البر واحط بعد ملعقة حليب بودره......واطول وانا اقليها على نار وسط.... فيه وحده قالت لي اذا تبينها فارغه من الداخل سوي زي امي هي تقليها ولما تصير ذهبيه تشيلها وتصب مره ثانيه وبعد ما تصير ذهبيه تشيلها وترجع اللي اول مره حطته ونفس الشئ الصبه الثانيه ..لكن انا ما سويتها ماعندي وقت اشيل واحط مره ثانيه اذا جربتيها بالله علميني كيف صارت معاك..........والله يوفقك.................
سبحان الله وبحمده,سبحان الله العظيم.
اختي ام ميثا وش تقصدين بدقيق رقم 1 و2
هذه اللقيمات اخذتها من الوالده وانا في الغربه ..
وأول مره في حياتي اسوي اللقيمات وماشاءالله ضبطن من اول مره ولذيييييييييذه جدا حتى زوجي اعجبته وقالي ذكرتيني بللقيمات الوالده ..
المقادير
ثلاثة ارباع كاس دقيق
ثلث كاس نشاء
بياله ( فنجان الشاهي ) زبادي
ماء للعجن

الكميه قلبله شوي يعني تكفيني انا وزوجي اذا حابه اكثر ضاعفي المقادير
جربيها ورديلي .. على فكره انا اخمرها بحدود ساعه ونص ساعتين

ودمتي لاحبابك


الساعة الآن 06:32 .