السلام عليكم ورحمة الله وبركاته
أخباركم يا حلوين
طبعا بدخل بالموضوع على طول أنا مخطوبة وباقي سنتين على زواجي ان شاء الله وانا ماااا اعرف اسوي غير أشياء بسيطه بالطبخ واغلب اللي أسويه ما يضبط معي كرهت الطبخ والله العظيم وأهل خطيبي ما شاء الله عليهم طباخات وهم اكبر مني بشوي بس ما شاء الله فنانات بالطبخ ويعني دايم يتفننون علي بالطبخ ويحسسوني أني ما عرف شي لا بالطبخ ولا نظافة البيت واني بالعربي كسوووووله ولا اعرف بالأصول لدرجة مره جيت ابي أصب الشاهي لعمتي والثلاجه عيت تصب فمسكت الثلاجة على اساس أعدلها باليمين وانا اعرف ان الثلاجة تنمسك باليسار والفنجال باليمين اساسا هالشغله ما يبيلها تعليم فجات بنت عمي وقالت باليمين باليمين وانا انصدمت انهم يعلموني حتى بهالاشياء التافهه والله يا بنات أنا انقهرت قهر مؤ طبيعي المشكله قالتها قدام عمتي وانا تفشلت ووجهي طاااااح بس أنا ما الومهم أنا عودتهم على أني ما اعرف شي أبيهم يعرفون أني اعرف اشتغل وأحسن منهم بعد وانا والله تعبت من هالشي بس والله خوات خطيبي عسل وطيبات بس مثل ما قلتلكم أنا عودتهم على هالشي فتكفون قولولي اي شي يساعدني ويغير نظرتهم تجاهي طلبتكم ساعدوني وأبي أتعلم الطبخ بعد
اللي عندها مساعده او كلمه طيبه تقولها واللي ما عندها غير التجريح رجاء لا ترد عالموضوع وتكفينا شرها
دعوااااااااااتكم
اسفه طولت الموضوع بس العذر والسموحه
04-06-1434 هـ, 08:30 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أنا ما ادري اذا كان هذا القسم يناسب موضوعي او لا
04-06-1434 هـ, 08:40 مساءً
 
حبيبتي لاتتحطمي الدنيا ماتسوى
كلنا بالبديات كنا كذا واسواء
انتي حطي ببالك اشياء راح اكتبها لك على شكل نقاط اسهل وتثبت بمخك (حولتها محاضره هههههههه)
-اول شيء قرري من بدريايش راح تطبخين مثلا لو كان غداء من الليل وعشاء من وقت العصر واتهيئي نفسيا
-شوفي لك مرجع كويس تاخذين منه طبخات (مثلا احد من اخواتك او الوالدة او منتدى حلو )
-شوفي الاغراض اذا متوفره او تحتاجين توفرينها
-راجعي خطوات الطبخه براسك واتخيلي نفسك تسوينها لو احتاج الامر تسجلينها بمذكره سجليها
_وقت الطبخ وقبل ماتبدئين طلعي كل الاغراض برا بالكميات اللي تبينها وحاولي ماتزودين وتنقصين بالكميات المطلوبة بالطبخه
-اطبخي بروح حلوه وانتي واثقة انو طبخك حلو لاني لاحظت انك محطمه نفسك
وبالتوفيق
04-06-1434 هـ, 08:58 مساءً
 
ادخلي قسم الترتيب والتنظيف وقسم التجارب
راح تستفيدين اشياء كثييييييييييييييرة بهالسنتين ان شاء الله بتكون عندك خبرة غير طبيعيه بامور التنظيف والبيت وتاخذين افكار
وممكناذا فكرة عجبتك تخصصين لك نوتة صغية تكتبين فيها

وقسم الطبخ كل يوم طبقي شي واذا عجبك وطلع حلو ومضبوط اكتبيه وصيري كرريه واذا جو بيت اعمامك سويه لهم ووريهم شغل يدك

موفقة يارب

دعواتك
04-06-1434 هـ, 09:09 مساءً
 
الله يسعدكم ياللي رديتوا دنيا وآخره
04-06-1434 هـ, 09:19 مساءً
 


الساعة الآن 12:40 .