السلام عليكم ورحمه الله و بركاته




[img]http://im31.******.com/3TuV1.jpg[/img]



النهارده حبيت اخدكم معايا في جولة في الديب فريزر عندي ...

حتشوفوا حاجات انا فرزتها لرمضان ان شاء الله و حاجات انا بعملها كل شهر للاستخدام العادي في البيت



يلااااااااااااا اااا [img]http://im31.******.com/R4nnZ.jpg[/img]


اتفضلوا الفيديو ده عملته مخصوص علشانكم و جولة في ديب فريزر همووووس



http://www.youtube.com/watch?v=HIE7LQbKeuo






[img]http://im31.******.com/oSwM1.jpg[/img]



ورق العنب


[img]http://im36.******.com/nyGRx.jpg[/img]


بغسله كويس و اسلقه في ماء و ليمون و كمون و بعدها اشيل العود بتاعه و احفظه في اكياس



البسلة بالجزر [img]http://im31.******.com/XzjVe.jpg[/img]




[img]http://im36.******.com/FGduE.jpg[/img]


انا بفصص البسلة و اقطع معاها الجزر و اغسلهم كويس و اصفيهم و اعبي في اكياس و عالديب فريزر

و علي فكره بعمل الملوخية كده كمان بعسلها و اصفيها و اشيلها ورق و لما تطلع عالكبه فورا و تبقي زي الطازه تمام يا فتوكات و احيانا بضربها في الكبه الاول و اشيلها في الاكياس ...


الموز


[img]http://im36.******.com/GDwQC.jpg[/img]

اليومين دول الموز رخيص و العيال بتحب الموز باللبن او الفراوله بالموز عملت شويه اكياس موز و برضه عالديب فريزر فورا


و لاني كلي شطاره فيقي الشوربه لا يمكن تترمي بحطها في اكياس و بتنفع في يوم بعمل اكل و معنديش شوربه

[img]http://im36.******.com/53BLW.jpg[/img]

و النبي انا شاطره بجددد


و علشان الساندويتشات عملت اجمل مربى فراولة و كنت نزلت لكم الطريقه في فتكات من قبل

[img]http://im36.******.com/su4Aq.jpg[/img]


و ادي علب المربي في الديب فريزر .. و كل ما تخلص العلبه اللي في الثلاجة اطلع غيرها ...

و دي فراوله صحيحة علشان العصير كمان


[img]http://im36.******.com/Bv0Le.jpg[/img]



الدجاج


[img]http://im36.******.com/zV3Fa.jpg[/img]


بجيب فراخي بالشهر و كده بتكون اوفر جدا و ابدأ بقي اعمل منهم البانيه و اتبله و اشيله متبل جاهز

و الدبابيس لوحدها بعمل بيها احلا كنتاكي في يوم تاني

غير بقي الكبد و القوانص دي حكايه و دي بعمل بيها مليون حاجه ...

و الهياكل لعمل الشوربه الجميلة ... طبعا غير الحتت الصغيره اللي بعمل بيها كفته فراخ و احيانا شاورمه فراخ ...



الكبده

[img]http://im36.******.com/mtfeb.jpg[/img]


بغسلها بالليمون كويس و بعدها اتبلها بالثوم و الفلفل و الشطه و عالديب فريزر جاهزة للقليه فورا او بقطعها حتت صغيره لو حعمل كبدة اسكندراني


الطماطم


[img]http://im36.******.com/CBWnv.jpg[/img]


دي بستعملها و انا بسلق اللحمه و الفراخ و ممكن اضربها و اعمل بيها عصير طماطم للطبيخ ...

اما الثوم انا فرمته و حطيت معاه ملح و شطه و كمون و فلفل اخضر رومي و عبيته في برطمانات و علي الوجه حبه زيت و رصيتها في باب الثلاجة و بتفضل معايا كده زي الفل لحد ما يطلع الثوم الجديد ...

الشبت و البقدوس بقطعهم و بحفظهم كده في اكياس و بحطهم في الفريزر عادي و بيطلعوا طازه جدا لا تقلقي ... اما عن البرتقال جبت منه عشرة كيلو و عصرته و حطيت عليه سكر و عالفريزر برضه و بحط قشر البرتقال مع الجبنه القديمة بتديها طعم جميل و بستعمله كمان مبشور للكيكه ....


الليمون بعصره و اشيله في مكعب الثلج اللي في الفريزر و بعدها اجمع المكعبات دي في اكياس و برضه بحطه في الفريزر و بطلع حسب طلبي و قشر الليمون بحفظه في اكياس و استخدمع لما بقلي سمك بيعمل ريحة حلوة و بيضيع ريحة السمك خالص ..


[img]http://im31.******.com/nZMW8.jpg[/img]


و كل سنه و انتم يارب دائما طيبين .. دعواتكم ربنا يسترني و يبارك لي في اولادي و يرزقني بالحلال ان شاء الله

همسه احمد



تاني تاني الموضوع خرب بسبب الصور :angry 2:


غيرى الموقع الى تحملى عليه الصور
تميزي بضيافتج معا أغطية الورد ل كاسات العصير للتواصل واﻻستفسار
00971552320542
الله يعطيك العافيه ويحقق لك كل أمانيك


سبحانك اللهم وبحمدك أشهد أن لا إله إلا أنت استغفرك وأتوب إليك
بدري مرره


الساعة الآن 11:28 .