مشكلتي الطبخ وانا على وجه زواج

ياهلا وعتليكم السلام والرحمه ..
امم افتحي قسم المطبخ وافتحي شي سهل مثل حلا ولا عجينة العشر دقايق شي سههههل او حتى اكتبي بقوقل
وسويه بروحك يعني قوليلهم مشتهيه هالاكله وبسويها عشان ماينشبولك وينتظرونك ويربكونك ..
حبه حبه وبتتعودي إن شالله ..حتى لو ماضبط لاتتحطمي اساسا مافي شي صح وتوب من اول مرره
يعني عادي شي طبيعي ..
وإن شالله مع الايام بتصيري فنانه ..


انا مشكلتي نفسي حلو بالطبخ وكل ماسوي شي يمدحوني عليه بس مااحب المطببخ من جد اكرررهه بالمررره ..الله يعين بس

وعليكم السلام ورحمة الله وبركاته

أولا/ الله يوفقك ويتمم لك على خير ويسعدك

شوفي حبيبتي الطبخ يبي له صبر وطولة بال
مثلا بتسوين حلا معين جهزي أغراض الحلا من بدري
بتطبخين كبسة للغداء جهزي البصل مقطع والطماط والدجاج او اللحم
يعني رتبي أمورك قبل بوقت وكل شي بيضبط إن شاء الله

وبالنسبة للطعم اختاري أجود أنواع البهارات وأهم بهارات المطبخ بالنسبة لي/
كزبرة ناشفة مطحونة + ورق غار + فلفل أسود مطحون+ أعواد قرفة + حبات هيل

وبالنسبة للعجن إذا صعب عليك اشتري عجانة
والفرد والتشكيل سهل وأدواته متوفرة بكل مكان حتى بمحلات أبو ريالين أشكال جميلة

وآخر شي أقوله لك
أهم شي ثقي بنفسك ولا تحطمينها
معليش اطبخي مرة وعادي اذا انحرقت عادي اذا ماضبطت عادي اذا ملحها واجد
التجارب الفاشلة هي اللي تعلمنا منها

لا ماعليك دام اهلك يستعجلونك اذا رحت بيت لوحدك بتبدعي والله يوفقك

انتي محتاجة ثقة بس ادخلي المطبخ لحالك وجهزي طبخة وقدميها وشوفي ردت فعلهم اكيد بيعجبهم
وادخلي هالقسم ودوري الطبخات اللي ماتاخذ وقت طويل وابداي فيها عشان تتعودين وترا الكل كانوا مايعرفون شي بس اتعلموا مافيها شي لو مازبطت الاكلة من اول مرة اهم شي انك ماتياسين

استغفر الله 
الله يكتب لك الخير يارب