Analysis Services
  • «
  • 1
  • 2
  • >
  • »
السلام عليكم ورحمة الله وبركاااتة 

بالبداية حابة اشكركم طباخات عالم حواء
وجزاكم الله خير على مجهوداتكم الرائعة...

تصدقون اني ميح بالطبخ بحكم اني 
تزوجت صغيرة وكمان بعيد عن امي ،
لكن الحمدالله بديت معاكم من الصفر 
وهذا انا الحين ماشاءالله تبارك الرحمن
مشروع طباخة صغيرة ...
والفضل لله ثم لكم «« بلا نت بلا خريط 
جربت اغلب طبخات المنتديات الثانية 
ماقد زبطت معاي مثل طبخات عالم حواء ...
وجزاكم الله من واسع فضلة ....

المهم يابنات اللي تقدر تساعدني 
لاتقصر علي ولها دعواتي .
اخت زوجي نفاس وانا بروح لها اليوم او
بكرة او بعدة «« على حسب اذا ساعدتوني .
وابيكم تساعدوني بأكلات للنفاس مفيدة 
وخفيفة سواء حلا او موالح او غيرة ...
«« تراني عليمية مااعرف شي 
ولا اعرف وش اسوي معاي وماعرف 
وس يصلح ووش مايصلح ...
واذا تعرفون روابط مواضيع للأخوات 
لاتقصرون ، ابا شي يرفع راسي قدامهم ...
والاهم من هذا كلة تكون سهلة علي
لأني لسى بالبدايات !!!
واللي ماتعرف ترفع الموضوع بدعوة .

وشكرا مقدما ...
10-06-1434 هـ, 07:13 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يابعد قلبي شوفي في المنتدى مطازيز طريقة سهله

وشيلي معك قهوه وشاهي وحلى
والعشاء وسلطه (خيار وطماط وبقدونس وملفوف) عاديه
ومكرونه

واذ تبي مكرونه سهله من عيوني
اسلقي دجاج وقطعيها بسكين وكشني بصل +فلفل احمر+ملح واضيفي بهارات وفلفل اسود
وقلبيه لين مايذبل واضيفي الدجاج عليه وقلبيه بحدود دققتين واضيفي ماينيز عليها لين يتماسك فيها
وب هالوقت تكونين سالقه المكرونه
اضيفي بصينيه جزء منها بعدين خلطة الدجاج والباقي مكرونه ورشي جبن مبشور

عوآفي عليكم
10-06-1434 هـ, 01:47 مساءً
 
عندنا أهم وجبة للنفاس هى سوب الدجاج مفيد ومغدي

الطريقة

تقطعين الدجاجة لأربع أجزاء وتغسليهم وتحطينهم في طنجرة وتضيفي لهم كمية من الماء لا ترتفع عن قطع الدجاج وتقطعين 3 من حبات الطماط وتضيفينها للدجاج مع 2 رأس ثوم مهم الثوم في السوب بكميات كبيره وراح يعطي طعم رائع وتضيفي الثوم مع ملعقة واحده فلفل أسود وملعقة واحده هيل وملعقة واحده قرفه وملعقة ملح وخليهم يغلوا الى أن ينضج الدجاج وبالهناء
10-06-1434 هـ, 02:04 مساءً
 
لا اله الا الله
<<<<<<< نظامها في النفاس نظام غربي لاخرابيط ولا اعشاب بس قشر قهوه
10-06-1434 هـ, 04:18 مساءً
 
ما ادري بس البنات بفدوك
10-06-1434 هـ, 05:39 مساءً
 


الساعة الآن 02:17 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏