هذي صواني


..........






صينية دجاج /
- نقطع الدجاجه أرباع ونتبله باللي نبي
ونصفه في صينيه مع حلقات بطاطس مو مستويه
ناخذ علبه صلصه طماطم + حبة ماجي + ثلاث ملاعق مايونيز + حبه فلفل أخضر + شويه مويه + طماطه صغيرة زياده
- ونخلطهم بالخلاط
ونصبه فوق الدجاج ونخليه في الفرن سآعه تقريبا او ساعه الا ربع
تقدم مع رز , p


صينية سمك
الطريقه :
*قطعي السمك بالحجم اللي تحبين و تبليه بملح و فلفل اسود و ليمون
* جهزي قلاية البيض حجم كبير و اشوي فيه الفيليه , بدون زيت ولا شي , لا تخلينه يستوي , يعني نص استواء
* شيلي السمك و صفييه في صينية التقديم
تجهز الصوص :
* بنفس قلاية البيض ضيفي زيت زيتون .
* بعدين بصل مقطع صغار مره او مفروم لما يذبل
* بعدين ثوم مفروم + زنجبيل مفروم
* بعدين كريمة الخفق
* بعدين الملح و الفلفل الاسود
* خليهم يطبخون شوي بعدين ضيفيهم عالسمك
* رشي هالوجه اجبان ( مازوريلا - قشقوان - بازميزان ) او اللي متوفر عندك + بقدونس مفروم
* دخليهم الفرن من تحت شوي بعدين من فوق لما يتحمر الجبن
* و استمتعي يألذ سمك و غير كذا مررره سهل و ماياخذ وقت




بيتزا الكسلانين

إقتباس »
الطريقة :
مقادير القاعدة :
كوب ونصف دقيق , ثلث كوب زيت , ملعقة كبيرة خميرة , كوب وربع ماء , 2ملاعق حليب بودرة , 1 ملعقة سميد , بيضة , رشة ثوم بودرة , رشة اعشاب ايطالية , رشة ملح , ملعقة صغيرة سكر . بالخلاط الكهربائي ماعدا الطحين .
بعدين تفرديها وتحطي صلصلة البيتزا وتضيفي البصل المشوح والخضار والاعشاب والجبن



(( الشوربة ))
أعملها عادي في قدر الظغط
لكن لما أضيف الكويكر أرجع كمان أقفل القدر وأظغطها شووووي ...
وهذي طريقتي بالتفصيييييل ^_^
بداية أحمس بصل مفروم لحد ما يذبل ويتحمر شوي أضيف الثوم المفروم
بعدين أضيف اللحم المقطع مكعبات صغار ,, أو ممكن دجاج ( حسب الرغبة )
( تقدري تضيفي مقدار نص فنجان الشاي عدس مع كشنة البصل )
برضو حسب الرغبة
بعدين أكون فارمة طماطم ناعمة أضيفها عالكشنة
مع ملعقتين أو ثلاث معجون طماطم
ومكعب ماجي ,,, وعودين قرفة ,,, وكم ليمونة سوداء ناشفة
وبهاراااات ( مشكلة وكمون وكزبرة ناشفة )
وشوية ملح
طبعا ,, أحركها زين مع بعض
وأغطيها شوي لحد ما تتسبك ,,
وبعدين أصب الموية الحارة وأتركه شوي
والحين أضيف الكويكر
( وياحبذا تضيفيهااا شووية شووووي وبشوكة تحركيه كل ماأضفتي أو بالخلاط الشبك عشان ما يتكتل الكويكرررر
وحركيها زين وممكن إضافة شوية مكرونة صغار
وأحركه زين لأن الكويكر يلزق تحت لو ما تحرك ...
أقفل القدر
لما أسمع صوت الصفارة أرخي عليها الناااار لأخر درجة
وأحسب لها من 15 إلى 20 دقيقة
لما تخلص المدة أشيل الصفارة وأنتبه لحد ما يطلع كل البخار ويخلص
أفتح القدر وذوقي أحلى شوربة كويكر
وهنا وعافية ..


العصير الوردي
عصير رمان المراعي علبتين صغيره + سفن أب علبتين
تفاحه مقطعه شرائح
برتقاله مقطعه شرائح
ليمونه مقطعه شرائح
نعناع
كرز
اخلطي واستمتعي وكل ماكان بارد كل ماكان احلى

شوربة الشعيريه
تجيبين قدر وتحطين فيه مويه بالمقدار اللي تبينه
حبه ماجي .. صلصة طماطم
كمون .. وشوي فلفل اسود .. وملح
ولومي اسود ..
لما يبدأ يغلي
تجيبين شعيرية وشوفان كويكر
الشعيرية تكون ضعف الكويكر
انا ما اكثر الكويكر لأنه يثقل ومابي الشوربة تثقل
وتحطين وتقيسين بالنظر
وترى ماتبان الا لما تبدأ تستوي
علشان كذا لا تكثرين مرة بتصير جريش : )
وبس خليها تغلي كذا ثلث ساعه
وطفي عليها



~ صينيـة الأرز بالشعيريـهـ ...
~ المقاديـر الرئيسيهـ ...
بصل مقطع اجنحه
جزر مقطع شرائح رفيعه او مبشور
بازاليا - حسب الرغبه -
كرات الشعيريه
رز <== احلفي
دجاج مقطع ارباع
صنوبر مقلي للزينه
~ الطريقهـ ...
نبدأ اولا بخلطة الشعيريه :
-وهذي تقدرين تسوين منها كميه كبيره وتفرزنينها ومتى ما احتجتي طلعيها قبل بوقت وخليها تذوب
وارجعي احمسيها عالنار شوي وحطيها عالرز -
سخني شوي زيت بقدر وكسري عليه كور الشعيريه واحمسيهم حتى يحمرون
بعدين صبي عليهم مويه - بس لا تكثرين كلما احتجتي ماء زيدي -
واملحيهم واتركيهم حتى يستوون وتنشف المويه ..
احمسي البصل عالنار وبعدين اضيفي عليه الجزر والبزاليا وقلبيهم
وبعدها اضيفي الشعيريه والله الله بالبهارات لانه هي اللي تعطيها الطعم
والملح طبعا والفلفل الاسود وخليهم على نار هاديه يتسبكون سوا وخلصنا منهم ...
الدجـاج : بعد ماتقطعينه وتغسلينه اسلقيه بمويه وملح بعدين طلعيه من مويته
وصفيه بصينيه وتبليه بـ : صلصة طماطم + زيت + عصير ليمونه + ثوم + ملح + بهارات
وقصدريه ودخليه الفرن خليه يمكن نصف ساعه على حرارة 350 وبعدها حمريه من فوق وخلصنا منه ::
نجي للرز :: طريقتي المعتاده فيه واللي تخليه نثري وفيه لمعه وكل حبه لحالها
هو انه بعد ماتغسلينه وتنقعينه حطي زيت - ولو بتحطين معاه سمن بيكون ألذ -
في قدر وحطي عليه بهارات عدله مو مطحونه : فلفل اسود وقرنفل وقرفه وهيل
ولما يسخن الزيت وتطلع ريحة البهارات حطي عليه الرز واحمسيه بالزيت شوي
- بيلزق تحت بس مو مشكله -
بعدين صبي عليه موية الدجاج واملحيه - بس لاتنسين ان موية الدجاج اصلا مالحه -
واطبخيه زي الرز العادي ،،،
نجي الحين للصينيهـ ::
اول شي حطي فيها الرز وفوقه شوي من الشعيريه
بعدين صفي الدجاج فوقهم
وفوقها طبقة رز
واخر شي شعيريهـ .
وقصدريها ودخليها الفرن ماراح تطول لانه كل شي مستوي بس حتى تتسبك مع بعضها وتتداخل النكهات
ووقت التقديم رشي عليها الصنوبر ،،
يمكن تحسونها عاديه بس طعمها خطير خاصه لانزل طعم الدجاج وحموضة تتبيلته عالرز والشعيريه يميييي
وبالعاااااافيهـ


بيض بالتوست
والطريقة
قطعت التوست الى مربعاات
وبعديين حطيتة بالتاوة او الصاج
مع شوية زيت وقلقلتة
وبعديين قلبتة واحطيت ثلاث حبات بيض وشوية ملح وقلبتة وبعديين حطيت شطة امممم حوالي ثلاث ملاعق كبيرة وحطيت جبنة سايلة ملعقتين كبيرة
وبعديين خليتها تستوي والجبنة تذووب
وحطييتها بالصحن وزينتها بالخردل والشطة
وممكن تضيفي ذرة وشوي كمون وفلفل اسود
وممكن تشوحي بصل مع التوست



{ .. سآندوتش إلدجآج بالكآتشب
آلمـقـآديــر '/..
- صدور دجاج
- بيض + بهارات
- بقسماط
- فليفله + فصوص ثوم + بصل
- ربع كوب كآتشب + 4 ملاعق صوص باربيكيو
- بهارات وملح
آلطريـقـه '/..
نحط البيض والبهارات والملح ع التشيكن
نقلبها بالبقسماط
ونقليها ونخلي قطع الدجاج ع جنب
نشوح البصل والثوم والفليفله
بعدين نضيف الكاتشب +الباربيكيو + نصف مكعب ماجي
وإاذا تكرمل الصوص نضيف ربع كبايه مويه بعديـن نضيف الدجاج
وإنا حطيت عليها جبن شرائح ( إختياري ) ونخليه يتشرب بالصوص هيك لكم دقيقه
ونحطـه بخبز ومايونيز ..
-




صينية الدجاج ببطاطس الودجز !
نأخذ صحن دجاج صدور ونقطعه بشكل طولي ونتبله في ( ليمونتين + 4 ملاعق كبيره صويا صوص + 4 ملاعق كبيره كاتشب + ملعقتين ماسترد ( بس انا سويته مرتين مره حطيت وطلع مو مره ومره بدون وطلع لذيذ مره ) ) نتبلها لمدة 3 ساعات بالثلاجه
- نحط شوي زيت + قطعة زبده صغيره ونحمس فيها بصل ابيض مقطع شرائح طوليه او صغار على راحتكم + فصين ثوم مبشورين + حبه فلفل بارد مقطع شرائح طوليه (انا احبه ذايب الفلفل )+ حبه فلفل احمر حار مقطع بحيث يكون فيه لذعة حراره + وملعقتين ماشروم
بعدها نضيف الدجاج ونخليه لما تنشف مويته شوي ونضيف مكعب او مكعب ونصف ماجي + ملعقه صغيره بهارات مشكله + باربيكا + فلفل اسود + شوي كركم بحيث يعطي لون
- نأخذ بطاطس ودجز ونقليه ونحطه بصينيه بايركس
- نأخذ الدجاج ونحطه فوقهم
- نسوي الصوص وهو قشطه خفق صغيره مخففه ب3 ملاعق جبن سائل وشوي ملح وفلفل ونرش ع الوجه جبن موزاريلا او بارميزان انا احط موزاريلا وندخلها الفرن من تحت لما تتسبك ومن فوق لما تتحمر ويذوب التشيز







صينية اللحم
اول شي خلطت مقادير الصلصه :
3 ملاعق معجون طماط والبهارات اللي تحبينها كركم وفلفل اسود وفلفل حار مجفف وملح
وملعقتين خل
2 او 3 كوب مويه
وخلطتها واضفت عليها بقدونس مقطع صغار
اخذت صينية فرن وحطيت فيها الخضار ممكن تضيفي اي نوع من الخضار اللي تبينه
انا ماكان متوفر عندي الا بطاطس وجزر اضفت عليها بصل وليمون وفلفل رومي وكم حبه فص ثوم
حطيت عليها اللحمه ورشيت عليها بهارات حب .. الافضل مايكون باللحمه شحم واجد علشان ماتكون الصينية دسمه مره
وبعدين اخذت الصوص اللي سويته اول مره ووزعته في الصينه
اضفت عليها ورق ليمون
نغلفها بالقصدير زين مازين من جميع الجوانب وندخلها الفرن ساعتين كامله
على حسب حراره فرن
تقريبا ساعتين
لو حابه تخلي اللحم محمر شوي ممكن تشيلي القصدير وترجعيها للفرن 10 دقائق تتحمر من فوق
حطيها بصينية تقديم حلوه وقدميها على ذووقك ممكن مع خبز او رز وبالعافيه حبايبي





" شوربة الطماطم المشوية "
وصفه سهله و لذيذه جداً ,
المقآدير :
7 حبات طماطم كبار
1 بصلة كبيره
3 بصل اخضر
4 فصوص ثوم كبار
جزره متوسطه
مويا
بابريكا - ملح - فلفل اسود - اوريقانو - زيت زيتون .
الطريقة :
1- قطعي كل المكونات اللي فوق تقطيع عشوائي وخلي الثوم بقشره لا تشيلين القشر بعدين حطيها بصينية بايركس و بهريها بملح و فلفل اسود و اوريقانو و شششوي بابريكا , وحط فوقة زيت زيتون توصي فيه و دخلي الصينيه للفرن من تحت
خليها لييييين تذبل كل الخضار
2- الخطوة الثانيه , تشيلين قشر الثوم بعدين تحطين كل اللي بالصينيه في قدر ومع عصارته بعد و تكبين عليه مقدار كوبين الى 3 اكواب مويا دافيه , أنتي تتحكمين بالثخانه إللي تبينها , وبعدين جيبي الخلاطه و اخلطيها بالقدر و خلي كل الخضار تذوب ( إللي ماعندها هالآله عادي تحط الخضار بالخلاط بعدين ترجعه للقدر )
3- خليها على نار متوسطه لين تبدأ تطبخ وبهالوقت ممكن تزيدين مويا لو تبينها خفيفه و تضبطين ملحها و بهاراتها , انا زدت كثير بهارات بهالمرحله انتي ذوقي و قدري .
قدميها مع توست محمص و ليمون , و عآفيه على قلوبكم




مكرونة الخضار المشوي
Benny grilled vegetables
نبدأ في الطريقة
نشوي الخضار في الفرن
ثوم.طماطم .بصل.جزر.بطاطس.ليمون مع رشة ملح وزيت زيتون
نخلطها في الخلاط ونضع عليها بقدونس .شبث .اوريقانو .ملح .فلفل .كمون
نضعها في المقلاه ونضع عليها ملعقه من معجون الطماطم كي يعطيها اللون الاحمر المرغوب
نسلق المكرونه في ماء وملح وزيت
نقوم بعمل الصوص الابيض (البشاميل )
زيت مع دقيق على النار
نضع عليه الحليب المذوب في الماء
نتركها على النار حتى يثقل قوامها ونضع عليها ملح وفلفل
نغلق النار ونضع عليها ملعقه الى ملعقتين من الجبن القابل للدهن
عندما تستوي المكرونه نضعها على الخليط
والصوص الابيض وجبنة الموزيريلا
نضعها في وعاء عميق ونضيف عليها رشة من كعك الخبز (البقسماط )
ندخلها الفرن لخمس دقائق فقط من الاسفل وبعد ذلك من الاعلى فقط كي يعطيها اللون الاشقر



طريقة بشاميل سريع٠☺
حطي بالخلاط لكل كاس مويه ملعقتين طحين كبار وملعقتين حليب بودره ورشه ملح ، اخلطيهم وصبيهم بقدر مع شوي زيت .. حركي لما تثقل واذا ثقلت حطي ملعقتين جبن سايل وسكري النار .. ما تتكتل ابدد وطعمها يجننظ




سمك فيلية بالوايت صوص الخرافي
المقادير
كيلو سمك هامور فيليه (( افضل الطازج ))
كاسة صغيرة طحين ابيض
بصلة بيضا مقطعه مكعبات
حبة فلفل اخضر + احمر + اصفر مقطع مكعبات
حبتين بطاطس مقطعه مكعبات ومقليه بالزيت
كاستين قشطة خفق
حبة جبن تشيدر كرافت وسط
فلفل اسود
ماجي
ملح

الطريقة
يتبل السمك بشوية ملح وفلفل اسود وفابريكا
ويغبر بالطحين الابيض ويحمر في الزيت الخفيف من غير مايستوي اهم شي ياخذ لون حلو
نحضر الصوص الخورافي
في مقلاة كبيرة
نحمس شوية زيت مع البصل والفلافل الملونه مع مكعب الماجي والفلفل الاسود ورشة الملح
ونضيف البطاطس المقلي واذا ذبل البصل والفلافل نضيف قشطة الخفق
ونتركها ثواني الى ان تغلي ونذوق ملحها اذا تحتاج لرشة بسيطة
ونرفعه من على النار
نصف السمك الفيلية في صينية بايركس
ونرش فوقه الجبن التشيدر المبشور
وبعدها نحط الخضار مع الصوص
ونغلفها بقصدير وندخلها الفرن لمدة ثلث ساعة
اهم شي لاتنشف
وبالعافية


كشريي الجميل
1كوب ارز عنبر او إذا حبيتي رز مصري بس حبيته مع العنبر اكثر
نسلق الرز بماء وملح وشوية كمون وبهارات عدله
ونص كوب عدس اسود نسلقه بماء وكمون
نسلق مكرونه الشكل اللي تحبون بماء وملح ونخليها على جنب
ونحمس شعيريه بزبده لين يتشقر لونها وبعدين نضيف عليها ماء ونخليها الى ان تنضج وعلى جنب
بعد ماخلصنا سلق نخلط الرز والعدس والمكرونه والشعيريه مع بعض ونحطها بصينيه مدهونه بزبده وندخلها الفرن على درجة حراره خفيييييييفه
هالوقت نجهز صوص الدجاج صدور دجاج مقطعه صغير نحمس بصل وثوم بزيت ونضيف قطع الدجاج ونخليها لين تنشف مويتها ونضيف عليها صوص طماط جاهز او طماط مطحون مع صلصه وبهاراتك اللي تحبين ونتركها ربع ساعه كذا وبعدها نضيف حمص حب عليها
ونضيفه على اللي بالفرن ونزينه بالبصل المقلي والبئدونس ومطرح مايسري يمري ..,



عجينه لشخصين....
كاس ونص دقيق
2 ملعقه زيت
2 ملعقه زبادي
2 ملعقه خميرة
1 ظرف كريم كرميل ايه كريم كرميل
رشه ملح
وتعجنينها بمويه لين تصير بقوام العجينه وبتتخمر
ترا ماتصير صفرا اذا انخبزت تصير بلون ذهبي جميل



,



صينية السبـانخ بـ قشطة الخفق وَ البطاطس ~
حزمة سبانخ ( مغسوله و مقطعه صغير )
- 2 بطاطس مسلوق و مهروس
- بصله صغيره مفرومه ناعم
- تقريباً 2 بياله شاهي قشطة خفق
- جبنه تشيدر + جبنة بارميزان
- قدر و صينيه تدخل الفرن <
الطَريِقّـه :
نسلق البطاطس في مويه فاتره و قليل ملح ..
واذا استوى و نضج .. نصفي المويه و نهرسه .. و نشكله على شكل كور و نرصه في صينية الفرن
كورة البطاطس
ننتقل لـ السبانخ :
نشوح البصل في قليل زيت .. الين يذبل ~
ثم نضيف له السبانخ و نقلبها الين تذبل و تطلع مويتها ..
نحط عليها قليل ملح ( لا تكثرون باقي عندنا اجبان )
وفلفل اسود .. ( في وصفتنا ما راح نستخدم غير الفلفل الاسود )
لان ما في شئ يستدعي استخدام الماجي او البهارات المشكله ..
نبي طعم السباتخ يبرز لوحده مع وجود قشطة الخفق ~
بعد ما تذبل السبانخ و نتأكد من استوائها ثلاث ارباع الاستواء ..
نصب عليها تقريباً ما يقارب 2 بيالة شاهي قشطة خفق
و نخليها تطبخ لـ مدة 5 دقائق ~
بعد ما تغلي قشطة الخفق و تمتزج بالسبانخ ..
نضيف 3 ملعقه جبنة بارميزان و علبه جبن تشيدر صغيره ( وممكن تكتفون بنصف العلبه )
<< في حال استخدمتوا الوصفه لـ شخصين ..
بعد ما تذوب الاجبان مع القشطه و السبانخ
ممكن ترشين موزريلا على الوجهه بس انا اكتفيت بـ وجود الاجبان المذابه مع السبانخ ~
و ندخلها الفرن من تحت تقريباً نار متوسطه لـ مده 12 - 15 دقيقه
ومن فوق الين تأخذ لون ذهبي خفيف ~
وبالعافيه




باستا
الطريقة والمقادير مع بعض
اي نوع باستا تفضلون
انا اصلحها بالاسباجيتي او زي مانتو شايفين نوع اخف سمك من الفوتيتشيني تجي بكرتون ازرق
تنسلق عادي بموية وزيت وملح
نحتاج لصدرين دجاج مقطعين مكعبات وسط نشوحهم بشوية زيت الى ان ياخذون لون حلو ونرشهم بشوية ملح
ونقطع ماشروم فريش لشرايح خفيفة >>> ممكن تستغنون عن الدجاج وتصير نباتية
اهم شي مقادير الصوص الاليم :~
في البلاندر
حبة فلفل رومي احمر كبيرة
حبة بصل ابيض حجم صغير >>> اللي نستخدمه للسلطة
مكعبين ماجي
3 ملاعق جبن سايل كرافت
كاس قشطة خفق
نص كاسة حليب
ملعقة كبيرة فلفل حار بودره >>> اذا ماتحبون السبايسي خليها نص فابريكا ونص فلفل حار
نخلط كل شي مع بعض
الباستا المسلوقه والصوص ومكعبات الدجاج والماشروم
ونحطها بصينية بايريكس وندخلها الفرن لمدة نص ساعة الى ساعة الا ربع
وبعدا نبشر فوقها جبن تشيدر ونرشها بتوابل ايطالية وندخلها الفرن بدون ما نشفل النار يعني ع الحرارة بس يذوب الجبن
ونقدمها بالعافية ...



..
..

باستا بـ الدجاج والخضار
المقادير:
لـ المكرونة:
500 جرام مكرونة أي شكل تحبونه
شوية بقدونس مفروم
1/2 ك كريمة خفق
ماي للسلق - ملح
لـ الدجاج:
صدرين دجاج
حبة بصل
3 فصوص ثوم
500 جرام بروكلي
250 جرام مشروم طازج
حبة فلفل أحمر بارد
1/2 ك زيتون أسود شرايح
شوية زيت زيتون
فلفل أسود مطحون - بابريكا مطحونة - مكعب ماجي - ملح
فلفل مجروش أحمر "حسب الرغبة"
200 جرام جبن موزريلا مبشور
لـ الصوص الأحمر:
1 ك صلصة الطماطم الجاهزة "مثل العلالي أو بريقو أو أي نوع"
علبة طماطم معلبّة
1 م ص سكر
لـ السوس الأبيض:
1/2 1 ك كريمة خفق
1/2 ك الفريدو صوص
الطريقة:
ضروري نحاول نخلص سلق الباستا مع الصوص بـ نفس الوقت
أول شي نجهز الدجاج مع المكس صوص
نقطع البصل مكعبات صغيييرة جدًا, نحط شوية زيت زيتون بـ المقلاة
نحط البصل على الزيت مع رشة ملح ونقلبه لين يصير شفاف
نكون مقطعه الدجاج شرايح, نضيفه على البصل ونقلب
نقطع المشروم والبروكلي ونهرس الثوم
أول ما نشوف الدجاج بدا ياخذ لون أبيض نضيفهم عليه ونهدي النار
نقلب الخضار ونضيف الفلفل الأسود + البابريكا + الماجي + الملح + الفلفل المجروش
وماوصيكم بـ الفلفل الأسود يمي يمي
بعدا ما تذبل الخضار وتحسون إنها باقي لها شوي وتنضج
نضيف الفلفل الأحمرالحار واختياري اوبارد بعد ما نقصصه مكعبات صغييرة أقوى شي ونقلب
نحط مقادير الصوص الأحمر بـ الخلاط لين تختلط
بعدين نصبه على الدجاج ونقلبه
نتركه على نار هاادية لين يثقل الصوص
نخلط مقادير الصوص الأبيض
عقب ما يثقل الصوص الأحمر نضيفه عليهم ونقلبه لين يمتزجون عدل
نضيف شرايح الزيتون الأسوود ونذوق إذا تحتاج زيادة ملح أو فلفل
نبعدها عن النار ونضييف الموزريلا ونقلبها
اهيه بـ تذوب مع الحرارة, والصوص بـ يثقل
نكون سالقين المكرونة بـ مويه + ملح
ومثل ما قلنا نحاول نجهزها مع الصوص بـ نفس الوقت
تتذكرون كمية الكريمة والبقدونس المفروم اللي فوق مع المكرونة ؟
نسخن مقدار الكريمة اللي اهوه نص كوب
عقب ما نشخل المكرونة نردها لـ قدر السلق
نحط فووقها الكريمة + المكس سووس + بقدونس مفروم
نقلبها عدل مدل وخلاص صارت جاهزة
بـ العافية

روزيتـــــو
وداعا للمطاعم الايطالية
المقادير..
رز مغسول ومتروك ينشف مويته
بحيث انه مايصير فيه اثر للمويه
مكعبات دجاج
زيت زيتون
ملح .. كمون .. زعفران .. كركم
عصير البصل .. بحيث انك تاخذين بصله وتحطينها بالقطاعة وتقطعينها لما تصير عصير
أي نوع من الاجبان عندك خففيه بشوية مويه يكون بحجم كاس جبن البوك الصغير
بقدونس للتزيين
ونرش عليه جبن مبشور عند التقديم
الطريقة :
نحمس البصل مع زيت الزيتون
ونضيف لهم الرز ونحمسه من دون ان يتشقر الرز
وبعدين نحط مويه ونغرق الرز ونتركه لحد مايشرب المويه
نضيف له الملح
في نفس الوقت نكون حمسنا شوية بصل مع زيت واضفنا الدجاج
واذا جاء يستوي نضيف له الكمون والزعفران والكركم وشوية ملح وبعدها الجبن ونسكره
واذا قدمنا الرز غطيناه بخلطة الدجاج وزيناه بالبقدونس والجبن المبشور



{ ..صينيه دجاج كريميه ..:
آلمـقـآديــر '/..
- دجاجه كامله مقطعه ومسلوقـه
- بطاطس حلقات مقلي
- فطر ( حسب الرغبه )
للـ الصوص
- 4 ملاعق صويا سوس
- نص كوب مآيونيـز
- نص كوب مرقه الدجآج ( يعني المرقه الي سلقنا فيها الدجاج )
- نص كوب كريمه خفق
- نص علبه زبآدي
- ملعقه صغيره فلفل أسود وإي بهار تحبيه + ملح
- فص ثوم مهروس
آلطريـقـه '/..
نرص في الصينيه البطاطس المقلي والدجاج المسلوق ونخلط الصوص مع بعض ونصبه ع الصينيه
وندخله الفرن لمدهـ 30 دقيقه فقط ونخليه يتحمر من الاعلى
وطبعآ تقدم مع الخبز إو إرز ابيض حسب الرغبه بس افضلها بالخبز



بطآطس ودجز بخلطة البيتزآ والأجبآن
المقآدير/
بطآطس ودجز مثلج
صلصلة الفوتشينو البيضآ > من فرشلي
صلصة المكرونه الحمآر > من فرشلي
فنجآن شآهي كريمة خفق
جبن موزريلآ
الطريقه /
نشوي البطآطس في الفرن لمدة عشر دقآيق او اقل لين ينضج
على النآر نحط الصلصآت وكريمة الخفق لنحرك لمدة 5 دقآيق
نضيف البطآطس وفوقه الصلصه وجبن موزريلآ في صينيه ونحمر من فوق



سكندر دجآج
المقآدير /
صدرين دجآج مخلي من العظم
بصل مفروم
4 حبآت بطآطس مقطعه مكعبآت ومقليه
خبز مقطع مكعبآت
زبآدي وثوم مفروم ومآيونيز
الطريقه/
هو حلآته تكشنين له بصل وطمآطم بس سوينآه هآلمره بدون > الأفضل بطمآطم
نحمس البصل على النآر ونضيف صدور الدجآج والبهآرآت والملح نقلب لمدة دقيقتين
بعدين نضيف كوب مويه ونتركه يطبخ على نآر هآديه لين ينضج الدجآج ويتسبك
في صينية نحط الطبقه الأولى مكعبآت الخبز بعدين الدجآج بعدين مكعبآت البطآطس
وآخر شي خلطة الزبآدي مع الثوم والمآيونيز



صينية المنتو



::

~..المقادير ..~
رقاق سمبوسه وانا استخدم دايم غوار

~..الحشوه..~
لحم مفروم او جاج مفروم
بصل مقطع مربعات صغيره
جزر مقطع مربعات صغيره
ثوم مهروس
1 مكعب ماجي .. (مكعب مهوب كرتون)
ملح .. فلفل اسود.. كمون .. بهارات مشكله .. بهارات لحم او جاج

~..الحشوه 2 ..~

::

بصله كبيره مقطعه جوانج
فلفل رومي حبه كبيره مقطعه جوانح
مشروم ( فطر) حسب الرغبه
شوي ثوم
1 مكعب ماجي
(( وكل ماكثرنا من هالحشوه طلع الطعم احلى واحلى ))
~.. الصلصة البيضا ..~
علبة قشطه التاج وحده
2 ملعقه كبيره مايونيز
2 ملعقه كبيره جبن كرافت سايل
ربع كاس مويه
~..الطريقه..~
نحط في مقلاة شوي زيت ونحمر البصل والماجي ( مكعب واحد بس ) والثوم
نضيف اللحم او الدجاج ونتركه على النار لين تنشف مويته
بعدين نضيف الجزر والبهارات كلها
ونقلبها شويات ونبعدها من على النار.. لا نزود ملح كثير على الحشوه لان الطبقه البيضا بتكون فيها ملح من الجبن ..
:
نبدأ نحشي الرقاق
افرد الرقاق بالطول واحط الحشوه بالطرف وابدا الفها روووول .. مانلف كل الرقاق يادوب لفتين او ثلاث اذا كان الرقاق متين شوي واذا رهيف مره 3- 4 لفات عشان يكون سهل تقطيعها واكلها.
بعدين نمسك اطراف الرول ونضغط عليها بأصابعنا
::
نبدأ بعمل الحشوه الثانيه
برضو في مقلاة شوي زيت والبصل والماجي والثوم بعدين الفلفل الرومي والمشروم
نخليها شوي على النار..
نبدأ بتوزيع الحشوه 2 على الصينيه :
ونرص الرولات
نخلط مقادير الصلصة البيضا بالخلاط
ونصبها فوق الصيني
طبعا نكون مشغلين الفرن قبل ماندخلها بشوي ..
ندخلها الفرن لمدة ربع ساعه او ثلث ساعه على درجه حراره ( 180 او 360) <- للفرن الكهربائي.
ونحمرها فوق .. تحمير خفيف وتقدم فورا ..

ملاحظه مهمه جداً..
ماتخلي الصينيه تنشف من الصلصه البيضاء ابدا .. لان حلاتها بالصلصه
وهني وعافيه ..
،


صينية الدجاج
المقادير والطريقة /
- نقطع الدجاجه أرباع ونتبله باللي نبي
ونصفه في صينيه مع حلقات بطاطس مو مستويه
ناخذ علبه صلصه طماطم + حبة ماجي + ثلاث ملاعق مايونيز + حبه فلفل أخضر + شويه مويه + طماطه صغيرة زياده .. -ونخلطهم بالخلاط
ونصبه فوق الدجاج ونخليه في الفرن سآعه تقريبا او ساعه الا ربع
تقدم مع رز


لحم
اسلق اللحم واضيف للمويه
صلصة صويا ,,هيل ,, مسمار
واسيبه مده طويله لحد مايصير طررري مررره
ابشر 3 حبات طماطم
حبتين بصل ..حبتين فلفل بارد اقطعهم شرايح ..مكعبات طماطم
ايضا 4 فصوص ثوم اقطعهم شرايح
قرنين فلفل افرمهم
واضيف معهم صلصة طماطم وصلصة سومطره
زيت زيتون ,,ملح وفلفل
واخلط المحتويات في صينيه مع قطع اللحم
وادخلها الفرن تتقلقل لكن ماتركهاا تنشف مره


صينية البروكلي و البطاطس بالجبن
المقادير:
3حبات بطاطس مقشرة ومقطعة مكعبات ومسلوقة،كاس بروكلي وكاس زهرة مسلوقة،كاس مشروم،كاس ذرة،نصف ملعقة ثوم مهروس،3ملاعق زبدة،رشة ملح وفلفل أبيض
الطبقة العلوية:
كاس جبن كريمي(استخدمت كرافت)،علبة قشطة،كاس جبن شيدر مبشور،كاس جبن موزاريلا مبشور،
الطريقة:ـ نقلي المشروم بشوي زبدة ثم نضيفه للبطاطس والبروكلي والزهرة
ـ نضيف الثوم والذرة والزبدة والملح والفلفل الابيض..ونضيف ربع كاس من ماء السلق
ونهرس الخليط قليلا
ـ نضع الخليط كطبقة اولى في الصينية المدهونة بالزبدة..
ـ في وعاءاخر نخلط جبن الشيدر والجبن الكريمي والقشطة..واذا حسيت ان الخليط ثقيل زيدي
قليل من ماء السلق..حتى يكون الخليط لين
ـ نضع الخليط السابق على البطاطس ويرش بجبن الموزاريلا..وان حبيتي رشة بقسماط
ـ ندخل الصينية الفرن من تحت عشر دقائق ومن فوق حتى يذوووب الجبن..وتقدم ساااخنة ..وبالعااافية



الصينية الهندية
المقادير:
دجاجه مقطع ارباع مع الاحتفاظ بالجلد
كوسه-جزر -بطاطس-مقطعه مربعات متوسطه
بازلاد
طماطم مربعات
بصل مربعات
ثوم مفروم
بقدونس -كزبره
بهارات هنديه كاري وتكه خضار
فلفل حار
ليمون -ملح - فلفل اسود - كمون
الصلصه :
في زبديه ملح كمون فلفل اسود تكه كاري شوي كزبره
ليمون شوي
ملعقتين صلصه
وشوي مويه
وتخلط
الطريقه:
نضع الخضار كله في صينيه بايركس
ونحط شوي ونخلطها لحدةماتمتزج بالصلصه
نحط فوقها الدجاج بعد دهنه بالصلصه
وبقيت الصلصه نضيف عليه كاس ماء حار ونصبه بشويش بينها
وناخذ ربع زبده او اقل ونقطعها صغار ونوزعها بينها
نغطيها بقصدير وعالفرن ساعه الاثلث
قبل التقديم تاخذين مغرفه من الصلصه اللي في الصينيه وتضيفين لها ملعقتين نشاوتقلبينه وتصبينه
عليها وتهزين الصينيه علشان يتغلغل
ماياخذ دقيق تثقل الصلصه ويطلع روعه طلعيها ورشي عالوجه بقدونس
وقدميها مع الرز الابيض والسلطه الخضرا
وبالعافية



ساندوتشات النقانق ..
- 1 بصل شرايح رفيعه
- 1 فليفله خضرا شرايح رفيعه بعد ( فلفل رومي )
- هوت دوق مقطع حلقات
- جبنة سايلة الكمية الي تحبين بس لازم تكثرين
- ملح وفلفل اسود .
تشوحين البصل ع النار مع شويه زيت او زبده لين مايذبل ..
وتضيفين له الفليفله وتقلبين لين ماتحسينه ذبلوا سوا ،
واخر شئ نضيف الهوت دوق ونحركهم سوا قدقيقتين ونظيف الجبنة
أقل شئ 3 ملاعق .. حطي وتوصي فيها كثييييير
وحركيهم كلهم سوا وسكري النار واضيفي بالاخير رشة أورقيانو .
وحشي فيها الساندوتش / أو التورتلا ..
بس امسحي الساندوتش بشويه مايونيز ،
وبالعافيه ،



كـفـتـــةالانـــدومـي
الــمـــقـــاديــــر:
2 كيس إندومي بنكهة الدجاج ..تكسر الأندومي وتسلق مع ماء ..
2جزر مبشور..
2 بطاطس مسلوقة ومبشورة..
بقدونس قليلاااا وشبت..
-نصف ملعقة طعام ملح صيني
-نصف ملعقه صغيره بهارات
تخلط المقادير الكفتة مع بعض وتكورإلى كرات بحجم صفار البيض ثم نضعه في البيض المخفوض ثم
البقسماط انا استخدمت الدقيق او ( كوب دقيق مع ملح وبهارات وملعقة متوسطة من حبة ســــوداء)
وتقلى على نار متوسطة الحراره ..وتقدم..




- الصينيه العجيبه
المقادير
بطاطس ودجز او بطاطس عادي
كباب طازج من بنده او اوصال وممكن لحم زي ماتحبون
وممكن شيش طاووق المثلج من شركة الكبير
فلفل رومي مقطع بالطول
و3ثوم مبشور
3 الى 5 ملاعق من صلصة باربكيو
وملعقة خل وملعقتين صويا صوص
ومويه حاره
الطريقه اسهل منها مافيه
نجيب صينيها ونكب البطاطس فيها ماهو مقلي انتبهو كذا كبوه بالثلج اللي فيه
ونصف الكباب فوق البطاطس
في زبديه صغيره نحط صلصة الباربكيو والخل والثوم والصويا صوص والمويه الحاره
بعد كذا نصبه ع الصينيه
ونقطع الفلفل الرومي ونحطه فوقه + فلفل حار اذا تحبون
ونغطيها بالقصدير وندخلها الفرن لمدة ساعه من تحت
وبعدين نفتح الفرن من فوق لمدة عشر دقايق
وانا اسوي معاه هالصوص
علبة زبادي وعلبة قشطه وملعقه طحينه سايله وملعقتين مايونيز وعصير ليمونه وفلفل اسود
وعواااافي ع قلوبكم




همبرجر نباتي
المقادير
جزرتين وسط مبشوره
عودين بصل اخضر مقطع
حبه وسط فلفل رومي (يستحسن يكون الاحضر او الاحمر) مقطع مربعات
شوية بقدونس او كزبره اللي موجود عندك مفروم
كرفس ربع عود ومع شوية ورق (اختياري)
بيضه
ملعقتين كبار طحينه
كوب برغل خشن او ناعم اللي تبين
كوب حمص مسلوق
* والكميه تكفي 6 اذا كانت الهمرجر كبار اذا صغار 10 *
الطريقه
اول شي نحط البرغل ف مويه حاره تقريبا ربع ساعه ( اذا كان خشن حطي نص كوب لانه يكثر - انا حطيت كوب وصار كوبين اما اذا ناعم حطي كوب)
بعدها صفيه من المويه زييييييييين الناعم راح يعذبك شوي يعني لازم تصفينه قبل ماتبدين بفتره عشان تنشف المويه منه
وقطعي الخضار مربعات صغار والجزر ابشريه ناعم
الحين جيبي بولا حجمها وسط
وحطي الحمص والجزر واهرسيهم
بعدين حطي البرغل واهرسي لين تتجانس
بعدها ضيفي الخضار والبيضه والطحينه واخلطي لين تتجانس
وضيفي البهارات اللي تحبي واخلطي
اذا حطيتي البرغل خشن والخضار كبار حطيها ف البروسسر واخلطي تقريبا 3دقايق متواصله ورجعيه لنفس البولا اكيد مارح يكون متماسك مره ضيفي عليه تقريبا 4-5 ملاعق كبار خبز مطحون واخلطيه وحطيه بالثلاجه تقريبا عشر دقايق ربع ساعه عشان الخبز يمتص السوائل
بعد ماتطلعينه من الثلاجه جهزي الصاج و زيت الزيتون
وحطيه على نار مابين المتوسطه والهاديه وحطي تقريبا ملعقه زيت زيتون بس عشان تتحمر وخذي من الخليط مثل ماتحبي اذا تبيها كبيره او صغيره الافضل تخليها عريضه ششوي وحطيها ع الصاج تقريبا ثلاث دقايق لكل جانب واذا قلبتيها حطي شششوي زيت
لما تخلصين جيبي الخبز والخس واذا تبين طماط وكاتشب وتراها جدا لذيييييذه مع الكاتشب
يعني كثرو منه والجبن
وشغلي الفرن
ادهنو الخبز بالكاتشب وحطو الجبن والخس وحطي الهمرجر ودخليها الفرن 3 دقايق
وبالعااااااااافيه
13-06-1434 هـ, 03:26 مساءً
 
حلويات

حلوياااااات







سـوفليـه الشكولاتـه
كيك بيتي كروكر بالشكولاته السوداء او شكولاته بالحليب ماتفرق
بيض + زيت + ماء مثل ماهو مكتوب عالكرتون
نوتيلا
كريمة بيتي كروكر بالشكولاته
الطـريقـه ::
اخلطي نوتيلا مع كريمه بيتي كروكر الشكولاته الكميات اللي تحبين <== بس كثري النوتيلا
بتلاحظين انهم بيثقلون مره مع الخلط فياسخنيهم شوي بالمايكروويف او حطيهم على حمام مائي حتى يسيحون
اعملي خليط الكيك مثل ماهو مكتوب عالكرتون
صبي خليط الكيك بقوالب السوفليه - ثلثها تقريبا -
ودخليهم الفرن 10 دقايق بس
طلعيهم من الفرن وحطي بوسط كل واحد ملعقه من خليط النوتيلا او اكثر
عبي باقي صحون السوفليه بباقي خليط الكيك ورجعيهم للفرن 10 دقايق من تحت وحمريهم من فوق وطلعيهم
التقديم انتِ ورغبتك ،، يارشي سكر بودره او حطي عليه ملعقة ايس كريم
وتذوقي اروع مزيج شكولاته بالعالم

ملاحظه
اذا بقى من القوالب شي ما اكلتوه غلفيهم ببلاستيك ودخليهم بالفريزر ووقت ماتحتاجينه طلعيه
وخليه شوي ياخذ حرارة الغرفه بعدها سخنيه بالمايكروويف بتلاقينه كأنه توه مصلح
بتلاحظين انه اذا دخلتيه الفرزير بيهبط من فوق بس بمجرد ماتسخنينه بيرجع ينتفخ
وبالعااااااااااااااافيه عليكم ،،










كريمه لتزيين الكيك

المقادير:
كاس وربع 250 قرام سمن نباتي من قودي
4اكواب سكر منخول (icing powder suger حلواني اخوان )
4 ملاعق مويا حاره
ملعقه فانيلا بودر
ملعقه ملح
الطريقه:
اخلطي السمنه مع الماء الحار بالخلاط بسرعه بطيئةثم
زيدي السرعه وسط الى ان تصبح كريميه ثم اضيفي السكر والفانيليا والملح واخلطي بسرعه بطيئه الى ان يتجانسوا ثواني وزيدي السرعه لمتوسطه وعدي 7 ثواني وسكريها




حلى التويكس

| الطريقة والمقادير مع بعض | :
أول شي نجيب كيك شوكولاته ونقطعه لشرايح متوسطة العرض .
ونصفها في الصينية اللي بندخلها الثلاجة ..
وبعد ما نصف الكيك نضغط عليه عشان يتماسك مع بعض .
وبعدها نسوي الطبقة الثانية :
بالخلاط نخلط :
- علبتين قشطة - مثل التاج وغيره , بس لا تستخدمون قيمر لأنها ثقيلة وبيصعب الخلط
- ظرف كريم كراميل
- ظرف دريم ويب
- 4 أصابع تويكس
- جالكسي واحد
وبعد ما نخلطها نصبها شوي شوي على الكيك وندخله الثلاجة أقل شي 5 ساعات .
والأفضل نخليه ليلة كاملة عشان يتماسك أكثر .
وعند التقديم نبشر جالكسي ونقدمه .



-
طريقة الدونآت المحشيه
المقآدير :
2 و 1/2 كاس دقيق
1 علبة زبآدي
1 ملعقة كبيره خميره فورية
1 ملعقة كبيره بآكنج بآودر
1/4 كاس زيت
1/2 كاس لبن سائل
1 ملعقة صغيره ملح
3 ملاعق كبيره سكر
توضع جميع المقآدير في ( العجآنه ) واتركيها تعجن جيدا ,
ثم امسحي العجينه بزيت قليل وآتركيها تخمر لمدة 1/2 سآعه ,
قسمي العجينه الى كرآت وافردي كل كره بآليد قليلآ واحشيهآ بالمربى أو النوتيلآ
وأقفليهآ جيدا ثم أقليها بالزيت , ثم رشيهآ بالسكر البودره
بالعآفيه جميعا




مهلبية كورن فليكس

مقدار خمس كاسات حليب سائل الصافي مثلا
لكل كاس حليب ملعقة نشا وملعقة سكر
كاسين ماء
قليل من الهيل لاضافة طعم اروع
تخلط مع بعض ومن ثم ترفع الى النار مع التحريك المستمر الى ان تثقل وتاخذ قوام المهلبيه
توضع في بايركس مزين في قاعدته بكاس كورن فليكس مجروش
وتزين بكورن فليكس
وتقدم بارده
13-06-1434 هـ, 03:28 مساءً
 
وممكن تسوي مع العشاء سلطة الفواكه بالكاستر

http://forum.hawaaworld.com/showthread.php?t=3654257


وبعطيك طريقه لسمبوسه حلوة وسهله وكانها عجينه


عادي لفي سمبوسه رقائق زي حقت رمضان والحشوه عاد كيفك لحم او دجاج اوجبن او جبن بالنعناع

بعد ماتلفيها غمسي حبات السمبوسه باللبن يادوب تتشرب يعني لاتغمسيها مره بعدين حطيها بدقيق واقليها

تقدري تسويها قبلها بيوم وحطيها بالثلاجه لليوم ال٢واقليها الطعم يجنن جربيها كانها عجينه



ولاتنسيني من دعواتك. ان ربي يحقق اللي ببالي
13-06-1434 هـ, 03:34 مساءً
 
سلطة الشمندر
• ماء لسلق الشمندر - بحسب الحاجة
• جوز - 200 غرام
• خوخ مجفف - 150 غرام
• مايونيز - ملعقتان كبيرتان
• ملح - بحسب الرغبة
• فلفل أبيض - بحسب الرغبة
طريقة العمل
1- في وعاء، إغلي الماء؛ ضعي الشمندر وأسلقيه ثمّ اتركيه ليبرد.
2- قشّري الشمندر وابرشيه بواسطة مبرشة.
3- قطّعي الجوز وافرمي الخوخ المجفف إلى مربعات صغيرة.
4- ضعي المكوّنات جميعها في وعاء كبير.
5- أضافي المايونيز، الملح والفلفل الأبيض واخلطي جيّداً.
13-06-1434 هـ, 03:40 مساءً
 
ام اسامة القمر جعلني فداك يا قمر انتي الله يحقق مرادك ويوفقگ ويسعدگ دنيا وآخره
ويرزقگ من حيث لا تحتسبين اختي الغالية
13-06-1434 هـ, 03:48 مساءً
 


الساعة الآن 08:20 .