Analysis Services
السلام عليكم
اختي انا مبتديه بالسووق وودي اتعلم واتكسب
ممكن تشرحين لي النقاط الاساسية
متى اشري
متى ابيع
وش يعني موشر
وش معنى خشاش
ووش معنى قاع وقمه وكيف احددهها
الله يجزاك خير وكل من يساهم في مساعدتي
18-06-1434 هـ, 07:36 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بعد اذن اختي قطر الندى حبيت اساعد بالنسبه للشراء اهم نقطه يكون السهم نقي (حلال ) ويكون في مسار صاعد وهذا ممكن معرفته من خلال التحليل الفني والا طلاع على المؤشرات الفنيه للسهم لان اذا كان في موجه هابطه والا سهم بالغ بالارتفاع ماراح تربحين بالعكس تخسرين
اشتري على الدعم وبيعي عند المقاومه افضل شي مثال سعر سهم الجماعي 16.50 ويعتبر دعم للسهم مقاومته 16.80 هذا في حال المضاربه اما الاستثمار فاشتري بداية الموجه وبيعي عند القناعه او خليه تستفيدين من العوائد اللي هي ارباح سنويه توزعها الشركه انتبهي مو كل الشركات توزع فيه شركات اسمها الخشاش وهي شركات مضاربه فقط ولا توزع ارباح لانها بالاصل اغلبها خسرانه
لا لا لالا تطمعين اللي تجصلينه خير وبركه
القاع بشكل مبسط يعني اقل سعر سجله السهم اما تاريخيا واما خلال فتره معينه
القمه اعلى سعر سجله السهم
18-06-1434 هـ, 10:07 مساءً
 
اهلين اختي خليجيه

السعوديه موطني بيض الله وجهك كفيتي ووفيتي

ما فيه بعد شرح شرح ماشاء الله تسلم ايدك
19-06-1434 هـ, 12:25 صباحاً
 
وانا بضيف على كلام البنات

اذا حابه تتعلمين التحليل الفني ادخلي يوتيوب تلقين دروس كثيييييير

بتفهمين منها
19-06-1434 هـ, 12:41 صباحاً
 
السعوديه موطني ، قطر الندى 2008،هيوونه 27
بيض الله وجيهكم
الله يسعدكم ويرزقكم الرزق الحلال
ماقصرتوا يالغوالي ..
20-06-1434 هـ, 06:03 صباحاً
 


الساعة الآن 03:07 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏