مساء الخير
تعاملاتي مع الاسهم عن طريق الهاتف المصرفي ابيع واشتري بس حاجة مو فاهمتها دائما اذا قمت بطلب عملية بيع او شراء لاسهم معينة يطلب مني خيارات اذا كنت اود البيع بسعر السوق اختار رقم واحد وللسعر اخر رقم ثنين ونا دائما اختار سعر السوق في كل عملياتي بس اليوم جالسة افكر وشو معناها وش الافضل لي ربي يفتحها بوجيهكم ردوا علي لاني ناوية بكرة ابيع اسهمي كلها هل اطلب سعر السوق
وسلامتكم
23-06-1434 هـ, 01:38 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اهلين فيك

بخصوص سعر السوق فلا انصح بالبيع ولا الشراء بهذه الطريقه

لانه يبيع لك بسعر الطلب وان قل ويشتري لك بسعر العرض وان ارتفع

باشرح لك اياها بارقام

مثلاً اانتي بتشترين بشركه سعر الطلب الموجود حاليا 56 وسعر العرض 57

مباشرة بمجرد ما تقولين امر سوق يشتري لك ب 57 واذا كميتك كبيره وما كفت الكميه اللي

على السبعه وخمسين يستري بسعر اعلى 57.25 واذا ما كفت يكمل فوق لين تكتمل كميتك

ونفس الشيء في البيع يبيع على الطلب لين تخلص كميتك

يستخدم البيع بسعر السوق في حالة الطواريء بيع سريع للتخلص من السهم لانه بينزل بقوه

او الشراء بسرعه في السهم لانه بيصعد بقوه

ولكن نصصصيحه لا احد يشتري بهالطريقه

اشتري وبيعي بطريقة تحديد السعر

على نفس المثال السابق شوفي كم سعر الطلب مثلا 57

اطلبي ب 57.25 اذا كنتي رغبانه في السهم وتبين يعطيك ولا تنتظرين

او اطلبي ب 57 مع اللي طالبين او انزلي اقل اذا كان وضع السهم متوقع ينزل

والبيع بنفس الطريقه

حددي السعر افضضضضل

اتمنى اني افدتك وكل التوفيق يارب
23-06-1434 هـ, 08:07 مساءً
 
الله يجزاك خير ماقصرتي يا قطر الندى
لكن للاسف بعت اسهمي كلها بسعر السوق
24-06-1434 هـ, 12:31 صباحاً
 
ادخلي على تداول و افتحي صفحة التداول مجانا احسن لك من الهاتف
01-07-1434 هـ, 04:14 مساءً
 
تداول متأخر ٥دقايق ع الاقل
01-07-1434 هـ, 06:37 مساءً
 


الساعة الآن 12:32 .