السلام عليكم ورحمة الله وبركاته
أخواتي جبت لكم طريقة الحريرة من أهلها

وأتمنى تعجبكم


على شرط لا تسويها اذا مو كل المقادير متوفرة عندك لانه بصراحة ميزتها متكاملة


هي طبعا نوع من الشوربات

انا سويتها وعجبت زوجي كتيييييييييييير

وثاني يوم سال عنها قال وين الحريرة والحركات

وحبيت أنفعكم ولاتنسوني من دعوة حلوة في هذا اليوم الفضييييييييييل


المهم : المقادير :

زبدة
ملعقتين دقيق أبيض

طماطم يمكن 5 وملعقتين معجون طماطم

بقدونس شوي وكسبرة شوي وبصلة وثوم وحزمة كرفس

لحم بعظمه وبصل وبزار حب ( فلفل أسود - هيل - قرفة - وملح )

بليلة حبوب مستوية ( حمص علب )

شعيرية لفة واحدة فقط

الطريقة : تغسلي اللحمة بموية حارة وتكبيها

تسلقي اللحمة - تحطي البزار والبصلة تقطعيها ارباع مع حبة ثوم كبيرة

في قدر ثاني تحطي ما يعادل ثلاثة ملاعق زبدة لما تحمى وتحطي الدقيق وتحمسيه لين يصفر بعضه وريحته تصير حلوة


في الخلاط تحطي الطماطم مع البصلة واثنين ثوم والمعجون والبقدونس والكسبرة والكرفس وموية كاسة تقريبا وتخلطيها مضبوط بعدين تحطي الدقيق المحموس عليها وتحطيها على النار تبدأ تصير سميكة

تكون اللحمة استوت تصفيها وتحطي اللحمة والمرقة مصفية على الحريرة وتحطي ملح وفلفل أسود مطحون وكمون مطحون ربع ملعقة صغيرة


طبعا تنتبهي لما تضيفي المرقة انه ما تخففيها كثير يعني لما تصير مناسبة


ملاحظة انا ما حطيت كرفس عشان ما نحب ريحته لكن للامانة قلت الطريقة كاملة

واتوقع تعجبكم بدون الكرفس

بعدين تضيفي الشعيرية مكسرة والبليلة عدد عشرة حبات مو أكثر

وبالهناء والعافية
16-09-1426 هـ, 09:25 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تسلم ايدك
17-09-1426 هـ, 01:26 صباحاً
 
الله يعطيك العافيه ماتقصرين حبيبتى
17-09-1426 هـ, 02:01 صباحاً
 
الله يعطيكي العافيه
17-09-1426 هـ, 05:33 صباحاً
 
الله يسلمكم وشكرا لمروركم


نفسي تجربوها واعرف رايكم
17-09-1426 هـ, 11:24 مساءً
 


الساعة الآن 04:55 .