شكلها مشهيه مع شطه تطلع كلاااااام
اب
بسم الله الرحمن الرحيم
بصل كبير مقطع صغير
ثوم ثلاث فصوص او اربع مفروم
مع حبتين طماطم مفرومة
دجاجة
قرن فلفل حار
بهارات عباره عن قرنفل قرفة هيل ليمون اسود وشيبه ملعقة كبيرة مطحونة وشوي منها غير مطحون وكمون وفلفل اسود وملح
رز بسمتي اربع كاسات منقوع في ماء حار
زيت نص كاسة + ملعقتين سمنة فارم
أكشن البصل مع الزيت والسمن حتى يتحمر قليل واحط البهارات واخليها شوي على نار هادية
أحط الطاطم مع الثوم والدجاج واخليها على نار هادية جداً الى ان تطلع ريحة الدجاج أحط الفلفل الحار
والماء والملح واغطي القدر حتى يستوي الدجاج وافضل شي قدر الضغط
أشيل الدجاج واحطه في الشواية يتحمر شوي
أحط الرز في القدر واغطي واذا استوى أحط عليه زعفران او صبغة الزعفران
واقدمه مع الدجاج واكون قليت شوي مكسرات وزبيب ارشها على الوجه وبالهنااااااااا اء والعااااااافية
هذي كبستي اللي مشهوره فيها نسميها كبسه وحشو او كبسه بيضا وحشو
اولا حمسي البصل مع ليمون اسود مطحون لين يذبل بدون زيت بعدين حطي ملح وثوم فرش وزنجبيل فرش مبشور علئ البصل بعدين حطي الان اشوي ماي لين ينضج البصل ويصير بني خفيف ضيفي زيت قليل وفلفل اخضر ضيفي الدجاج وقلبيه ليتحمر من الجهتين والان ضيفي حبتين طماط كبار تكفي علي دجاجه وحطي فوقها ملعقه بهار اسود مش فلفل اسود بهار بدون كركم وهذا سر اللون بهار للكبسه ملعقه وحده وفلفل اسود وبابريكا مهمه وخليها تذوب الطماطم حطي الان ليمون اسود صحيح ودارسين وورق غار وحب هيل خليها تنضج كانها برياني لاشفتي الطماط نضج كبي ماي ليطبخ مع الدجاج وتكونين قبل ماتبتدين منقعه رزك مع ملعقه خل لتطول حبته الان سوي الحشوه
بصله وحده مقطعه حيل صغيره مع ليمون اسود تحمس وملح وزيت لاحستيها بدت تشقر حطي اصنوبر وزبيب ياتقلينه لحاله او معه عادي ويمكن تضفين خضره مشكله او ذره بس الان حطي ملعقه فلفل اسود وبهار واشوي صلصل علي حافه الملعقه وذره هيل لاخلصتي ونشفت طفيها وقطعي كسبره
شيلي الدجاج وبهريه ودخليه الفرن
كبي الرز لين ينشف لانشف حطي الحشو بالنص وساوووي الرز فوقه كانه مدفون الحشو وكبي زيت علي الرز واذا تحبين اشوي زبده بس علي الحشو لين يبخر الرز
طلعي الحشو اول وبعدين قدمي الرز وفوقه الحشو
الحياه تمر بسلاسه وتهيج بقوه ونحن فيها بكل احوالها صامدين لانالنا رب عظيم جليل
ما شاء الله بس الشكل حكايه اجل كيف الطعم


الساعة الآن 03:16 .