حياتي الغامضة مع زوجي

السلام عليكم
حبيباتي اليوم زوجي اتصل فيني وقالي غيري رقم تلفونك قلت له ليش قال غيري بعدين اقولك المهم قلت ماني مغيرته الا تقولي الحين المهم بعد الحاح مني قالي السبب وهو انه واحد بينه وبين زوجي مشكلة وانحلت بالمحاكم وانتهت السالفة بس اهو حقد لان كان يبي من زوجي فلوس بس اهو ماله حق فيها المهم وقال لزوجي والله لاهدم بيتك واعرف رقم زوجتك
واهو فعلا قبل ثلاث سنين اتصلت علي وحدة وقالت لي زوجك سيارته كذا واهو شكله كذا وعنده علامه براسه بعد وفعلا كل المواصفات اللي قالتها صح زوجك طلب مني اعطيه مبلغ وقدره بس انا ما عطيته واهو راعي بنات ومخدرات انا صدقتها وصارت هوشه بيني وبين زوجي هذا من قبل ثلاث سنين بس انا ما استغربت ان زوجي ما يكلم بنات لانه بذيك الفترة كان كله خارج البيت واكتشفت عندة ارقام بنات وفجاة من ملتزم وملتحي الي غير ملتزم وبدون لحية فما استغربت من كلامها وما ادري هل فعلا اهو رفيجة يهددة والا هي بنت تبي تهدم بيتي واهو يبي يبرر افعاله علي فكرة الرجل هذا له مكانة بالمجتمع بس يشرب
الحين المشكلة انه رجع قالي ان هذا الشخص راح يرسل حريم يكلمونك ويبون يهدمون بيتي فانتي اكسري خطك واشتري واحد ثاني انا سمعت كلامه ونفذت
وعلي فكرة علمت امي قالت لي كذاب منو يعني يبي يهدم بيتك اكيد متورط وكذاب وما استغرب انه يكذب لان له سوابق بالكذب
بس في اشياء كانت ولازالت غامضة بالنسبة لي ما ادري هل زوجي فعلا صادق بكلامه والا انه متورط بوحدة كان يكلمها وتبي تنتقم منه وهل من الممكن بنت تهدد رجال
زوجي تعبت معاه كثييييير خصوصا بسالفة الخيانة وكلما كنت اواجهه يطلعني انا الغلطانه وزوجي من النوع اللي ما احد يقدر علي لسانه عنده شهادة في الاقناع واسكات الطرف الاخر حتي وان كان هو علي باطل وكذاب بعد
انا ابصراحة خايفة منه واحس عايشه معاه بغموض لانه اهو بما انه عنده توكيل عام عني اخذ خط من الاتصالات باسمي بدون علمي والشركة قطعت الخط لانه مطلوب وما دفع لهم وعرفت انه باسمي خط ثاني بس انكر انه اهو خذاه المهم سالت وراجعت ولقيت الدليل وكان اهو اللي ماخذه واعترف وتهاوشت معاه وطلبت منه اني الغي التوكيل وفوق هذا كله مغرقني بديون ومنع سفر وضبط واحضار بنات تعبت معاه وما اقدر اشتكي لاهلي لاني انا تعبانه ومقصرة جدا معاه ولا مهتم لا بلبسي ولا بشكلي ولاشي واكيد ان تكلمت راح يفضحني بتقصيري معاه وان طلبت منه العلاج رفض
انصحوني شنو اسوي معاه بهذلني احس انه ما يحبني والا اللي يحب مايرضي علي زوجته ديون ومنع سفر وياخذ خط باسمها من غير علمها
واسفه علي الاطالة بس حبيت افضفض اللي بداخلي