مشكوره الاخت بوح السماء اللي ردت علينا. الله لا يحرمك الاجر. بس مدري كيف طريقه الاشتراك اساساً يعني بس اشتري اسهم وانتظر ست شهور. او لازم اوقع اتفاقيه مع البنك ؟. معليش امانه اللي وقتها فاضي تشرح لنا الطريقه بالتفصيل المملل. اللي انا فهمته. اولاً. يكون عندي محفظه مكتتبه فيها. اومساهمه باي شركه انتظر ارتفاع السهم. ثانياً. اذا ابي استثمر في شركه توزع ارباح اعرف طريقه هالشركه وكل كم توزع ارباحها مثلاً كل ست شهور. طيب. ثالثا هنا السؤال وش اسوي ؟. اشتري اسهم وبس انتظر هم من نفسم يحطون الارباح او لازم انا امر البنك اوقع اتفاقيه؟ او عن طريق الشركه نفسها؟. افيدونا خواتي عسى ان يرزقنا الله واياكم. شاكره ومقدره لكل وحده بتعطينا من وقتها ومعلوماتها.
مرحبا البارونه اولا لازم يكون لك محفظه تشترين عن طريقها الاسهم طيعا بعد ماتحددين السهم الاستثماري اللي تبينه و تتابعين اسعاره وتقتنصين لك فرصه للشراء وتتركينه والارباح غالبا الشركات تعلن عنها اول باول في مواقع مثل مباشر وارقام مهتمه بالسوق او تداول مثلا سهم الحكير جاء قبل اسبوع اعلان عن توزيعه لكل سهمين سهم بشرط ان اللي مسجلين في قوائم الشركه بتاريخ انعقاد الجمعيه حقتهم هم اللي ياخذونه الاغلبيه تنتظر وتترقب اعلان الحكير عن موعد جمعيتهم عشان يشترون في السهم واول ماتنعقد الجمعيه له من بكره يبيع لانه ضمن له اسهم منحه مجانيه وتحدد الشركه تاريخ لاضافتها في محفظته وع نفس الطريقه توزيع الارباح ننتظر سدافكو وافقو ع توزيع ثلاث ريال لكل سهم باقي يحددون موعد للجمعيه العموميه حقتهم وتاريخ انعقادها وبنهاية تداول السوق الموجود فيها يستحق الارباح وبعض الشركات توزع 45 هلله لكل سهم طبعا هالشي يختلف ويتفاوت على حسب الشركات وارباحها وانتي ماعليك الا تشترين السهم وتنتظرين الجمعيه وخلاص يحددون موعد ينزل تلقائي في حسابك وغالبا بعد شهر من تاريخ انعقاد الجمعيه
اتمنى اني افدتك
لا تستفز الجرح. ألف شكر عسوله على لطفك وذوقك. تقريباً احس اني فهمت بس يبي لي قبل ابدا اركز شوي ع المواقع اللي قلتيها وافهمها اللي هي مباشر وتداول وارقام. عشان يكون عندي تصور مبدئي. اسأل الله ان يرزقك رزقاً ليس له حد. وان يعطيكي من خيري الدنيا والاخره. وان يبري جميع جراحك( طراحه نكك عور قلبي) ربي يسعدك.


الساعة الآن 09:55 .