حرامي يخاف الله

الملتقى العام

سلام عليكم



يااخوان انا صارت لي سالفه من شهرين عرضت جوالي ايفون 4 وجاني واحد عالخاص وطلب شرائه بمبلغ 900 اتفقت انا وياه يحول لي 200 وارسله له زاجل واذا وصله يحول لي قيمته الباقيه لانه يقول انا مااضمن ترسله وجلس يحلف لي بالله واهله اول مايوصله الجهاز بيحول لي وانا حسنت النيه ووافقت وشحنته له ( لااحد يقول غلطان لاني عارف ان الغلط علي ) .. الزبده يااخوان وصله الجهاز وكلمته وقال وصلني وبطلع احول لك 700 بعدها بساعه تباطيته وكلمته مايرد وطول اليوم ماحول وقفل جواله انتظرت لمدة اسبوعين وماحولك احد مقفل جواله لاكلمني ولا فتح جواله رحت للشرطه رفعت بلاغ وجلست شهر لااتصال ولا شي .. قلت ماينفع الا اجيبه انا بيديني لانه قهرني وايضا ماسويت بلاغ بالموقع عشان ماينحاش مني ( غيرت اسمي بموقع حراج وعرضت ايفون 5 بسعر مغري وجلست اتصيده طبعا العالم تراسلني وماارد على احد انتظره لانه هو شكله يطقطق في الاجهزه فلابد انه بيجي لاعلاني وسبحان الله جابه الله ويراسلني بالخاص قال انا شراي ب 1500 خخخخخخ قلت بعتك واعطيه رقمي الثاني ويتصل علي طبعا خنقت عمري عشان يتغير صوتي واكلمه قلت حول لي واشحنه لك قال لا مااضمن بالبدايه وجلس يحاول يسوي زي ماسوا فيني قبل ورفضت وهو مطفي النور يبي الجهاز لانه ب 1500 الزبده جابه لي الله وعطيته رقم حساب ثاني وحول لي 1500 البارح هههههه وارسلت له رساله على جواله تسلم عالفلوس والله يعوضك .. ارسل لي رساله نصها ( والله حرام عليك تاكل فلوس الناس بالباطل خاف ربك وين بتروح من الله يمكن هالفلوس تحطها في علاج لك ههههههههههههههههه انا انسدحت من الضحك قلت لاوالله زين الحرامي عنده ذمه الله لايضره الزبده يااخوان انا ارسلت له من جوالي الاول انا اخذت حقي منك وزياده يالخسيس لكن تراني اخاف ربي وابيك ترسل رقم حسابك احول لك الزود لاني مابي اكل حرام من ورا واحد كلب ونذل زيك لارحم الله هالوجه وجه العنز ههههههه الرجال عقب الرساله شكله توفى ماارسل لي ولا شي وانا ابي اعطيه حقه وش الحل يااخوان ؟؟؟؟ اكلمه اراسله جوال مايرد من قوة الصدمه شكله جته جلطه ههههههههههههه وجاء حذف اسمه بحراج

منقول
11
1K

يلزم عليك تسجيل الدخول أولًا لكتابة تعليق.

تسجيل دخول

زيتونة زوجة بباي
زيتونة زوجة بباي
ههههههههههههههههههههههههه
أنـثـى
أنـثـى
ههههههههههههههههههههههههههههههههه


أكييييييييد معه حرمة تخطط له معقوله هـ الخطط تطلع من راس رجال ؟!

ههههههههههههههههههه
نبض عبوودي
نبض عبوودي
هههههههههههههههههههههههههه
شكله تاب على يدهااااااا
ليمونه كستنائيه
ليمونه كستنائيه
رفع
وحيدة بمشاعري
وحيدة بمشاعري
قووووووية والله