Analysis Services
احنا اول ما تعودنا الطبخ كنا ناخذ الوصفات من امهاتنا واخواتنا الاكبر منا

كل دقيقه وحنا ناقزين لهم نسألهم

وايضا من كتب الطبخ
واحيانا مانستوعب ايش المقصود
فنروح نسأل اهالينا

انتي خليك تبدأين بالطبخ حبه حبه

اي سؤال او فاهمه مو فاهمتها تعالي واكتبيها هنا
والبنات مايقصرون
وانا عن نفسي ارحب باي سؤال عالعام او عالخاص

ولا تشتتين نفسك
ابدئي تعلمي بالدور مو تجربين اليوم رز واذا ماضبط احبطتي
ورحتي تجربين شيء ثاني
كذا مارح تستفيدين من اخطائك

اهم شيئ بالنسبه لكم تعوديه
واهم شيء لا يكون صعب
زي الاكلات الشعبيه احسها دائما صعبه
تعلمي الرز بالدجاج

شوفي في ملفي الشخصي طريقة عمل الرز بالتفصييييل

وبالنسبه لطبخ الدجاج واللحوم عموما لازم تطلعينها من الفريزر بدري
واذا ذابت غسليها وافركيها بليمون او خل
واطبخيها مع 3 فصوص ثوم وفلفل حار و2 بصلمقطع ارباع وملح وبهارات عدله مو مطحونه
كذا مارح يطلع لها ريحه

اذا ضبطتي الرزتعلمي التبوله
والفتوش مثلا عشان اذا جا لك احد تصيرين عارفه الاستسيات
التبوله ايضا بملفي
طريقة لتبوله الاصليه

ثم تعلمي نوع ايدام


المرحلة التانيه
تعلمي نوع حلى او نوعين
شوفي لك شيء سهل مو لقيمات اللي الحريم الكبار ما يعرفون لها
مثل تشيز كيك الزبادي
او بسبوسة
وعندي في ملفي سوفليه الاوريو سهههل مرة
لكن مشكلته انه لازم ينطبخ في نفس الوقت اللي بتقدمينه فيه
وانتي ببداية تعلمك للطبخ فلازم تسوين الاشياء من قبل العزيمة بيوم

ثم تعلمي بيتزا اواي نوع فطاير يتقدم مع الشاهي

بكذا تكونين عرفتي الاساسيات
اهم شيء زي ماقلت ابدئي بالتدريج

واي استفسار حتى لو تحسينه سخيف اسألي عشان ماتتعبين ويروح تعبك بالفاضي

لو بتاخذين طرق جديده الافضل تاخذينها من قسم الاطباق المجربه
عشان ماتجربين شيء اصلا مو ناجح وتنحبطين


الرز شوفي اللي بملفي بتستفيدين منه ان شاء الله مفصلته تفصيل
08-07-1434 هـ, 08:12 صباحاً
 
لاتكثرين مويه على الارز عشان كذا يتعجن فبعض في رز مايتحمل طبخ مثل الشعلان
08-07-1434 هـ, 03:38 مساءً
 
ررررررررررررررفع للفائدة
08-07-1434 هـ, 05:43 مساءً
 
الطبخ يبيله وحدة حابة هالشى مو غصب .. واضح ان فيه شى شاغلج عن المطبخ .المهم ان كلمة فشل غير موجودة ابدا غيريها بكلمة ثانية متفائلة بدل التشاؤم ..
الكل حاول وحاول الان ان اصبح محترف بمجاله ..
نصيحتي اتركي المنتدى ماراح يفيدج الا بافكار توجهي للانستقرام احلى واكشخ واقل تكاليف .. محد طلع للدنيا متعلم ..
08-07-1434 هـ, 11:02 مساءً
 
أنا بقولك كلامي عكس البنات كلهم
اول شي وانتي تحبطين نفسك نهائي ماراح تنجحي ابداً
ثانيا حطي في بالك لازم تحبين الشي عشان تبدعين فيه
ثالثا وهذا اشوف انه الاهم احتسبي الاجر وانتي تصلحين استشعري انك راح تسوي هالشي
بتفرحي قلب بنتك وولدك وبتسعدي قلبك بردت فعلهم ولا يهون ابوهم لما ياكل ويتلذذ باكلك
او ياكل من تحت يدك الاكله الفلانيه ويروح وياكلها عند ناس ويجي يقولك والله صلحوها بس مو زي طبخك
تخيلي مقدار السعاده اللي راح تحسينها ؟؟؟
الطبخات تقدرين تتصفحين النت والحين بالخطوات المسهله والميسره
اعتمدي على الكشنه والبهارات هي اللي راح تخلي لك الاكل شي ثاني
مو شرط تجيبين اشياء جديده حتى لو كان المعتاد بس بطريقه لذيذه راح ينطلب منك دايم
روائح اللحوم والدجاج بالغسيل والتنقيع وراح تلقين تتبيلات كثيره انتي شوفي اقربها لنفسك واسهلها في التطبيق
انا مثلك اقرف كثير بس اتعمد اغسله قبل بوقت انظفه وانقعه واخليه
لو قبلها بيوم او يومين مو مشكله ترى كل ماطول بالتتبيل كل ماطلع الذ
اقوم افتح اصلح مافيه ريحه خلاص راحت
وحبه حبه راح تمشين صدقيني بس توكلي على الله واعتمدي عليه
اي سوال انا حاضره وتحت امرك
وربي يوفقك ويسهل امرك
اذا افدتك ابي دعواتك بظهر الغيب ربي ييسر امري ويسخر لي الطيبين من عباده
09-07-1434 هـ, 12:40 صباحاً
 


الساعة الآن 06:23 .