انا طريقيتي النسبة مع المندوبات 
لو حققت مبيعات اكثر لها مكافاة شهرية 
الجادة فعﻻ تعمل مبيعات كويسة 
بيبان من اول اسبوع المجتهده او الكسولة

انا تاجره وفنفس الوقت مندوبه رح اتكلم من وجه نظر الاثنين
كتاجره لما يجوني مندوبات اعطيهم سعر البيع لهم وسعر البيع للزباين مثلا اناا ابيعها لها ب 100 وللزباين ب 150 وهي تزيد هي وشطارتها بس احاول افهمها انو لاتزود كثير عشان البضاعه تمشي وطبعا تحط رقمها انا تعاملي معاها هي فقط تحولي المبلغ اللي يخصني وتاخذ مكسبها واحولها البضاعه

وكمسوقه نفس الفكره اقلها انتي تبغي فيها كم تقلي مثلا 100 واسألها تبيعها بكم وعلى حسب تقديري لنفس السلعه يا ابيعها بنفس السعر اللي تبيعه او ارفع شوي لو كان في مجال .. للكن المشكله يجو تاجرات يعاملونك كزبونه ويبيعولك بسعر الزباين طب انا ايش استفدت ؟؟ مو لو تخلي البضاعه عندك وتسوقيها بنفسك احسن كل اللي اقوله انو عدو عليا تاجرات مبالغات جدا فاأسعارهم مع المندوبات ومايدوكي مجال تكسبي قرش من وراهم فاللي من هالنوع الله الغني عنها ويجوكي بنات حلال الله يسعدهم تحسي يخافو على حقك اكثر منك الله يباركلهم برزقهم

بس كلمه اقولها للتاجرات .. لاتفكري المندوبه او المسوقه انسانه تناحسك في رزقك بالعكس هذي لانك ساعدتيها يمكن تكون لك باب رزق من عند الله لانك خفتي الله فيها

اول شي بالنسبه للمندوبه لما تاجره تتفق معاك على بضاعه معينه تسوقي لها تقيدي بها
لانه بالاحظ بعض مندوباتي اكون نتفقه معاها تسوق لشي و لما انزل بضاعه جديده تسوق لها
بدون ما ترجع لي يعني قبل ما تسألني اسوق لهذا الشي او لا؟
لانه في بضايع يا دوبك ربحي يمشيني ما اقدر اديها نسبه منه فباقزلها ارفعي السعر بيتضايق البعض
من هالكلمه .. معليش هذا شغل و اللي بتزعل بمجال الشغل الافضل لا تدخل بشراكه او مندوبيه مع احد

انا بصراحة ما اشجع حركة المندوبة

يعني اذا انتي عندك جهد وطاقة ووقت ليه ما تكوني تاجرة ؟؟

الا في حالة وحدة ما معها راس مال أبدا وخايفه تغامر ، وتب تكسب تجربة تقول للتاجرة بتعامل معك فترة اكسب خبرة

لان المندوبية صعبة
اوكي انا كتاجرة اتعب بأشياء كثيرة من شحن وجمرك وغيره لكن التعب الأكبر والوقت الأطول فكسب الزبائن !!!
المنتج اذا ما حبوه الزبائن او كلفك ورفعتي سعره وما انشرا تتعبي وتخسري
وانتم عارفين أذواق الناس ومزاجاتهم
يعني التسويق صعب فأفضل تبدي بزسنزك الخاص بدل ما تسوقي للناس ...


الشي الثاني أسعار المندوبات !!!!
يعني الحين انا اتعب واجيب بضاعة ماركات اصلية من برى وتعرفو الأصلي غالي ، ومثل ما قالت وحدة من التجارات ، كراتين وتحميل وجمرك ومندوب وحوالة بنك ، واحيانا أضطر أخذ عمولة بسيطة ما تتجاوز 5 او 10 ٪ ًبس عشان تنباع وما أخسر

وتجي المندوبة تقول ابي 30٪ !!!!!
مستوعبة ؟ يعني الشنطة اللي كلفتني 850 وبعتها ب 1000 انتي تبين منها 300
وأنا اشتغل لمين ؟ يعني خسرانة 100٪

لا تقولو حقها كم مندوبة تجي وتطلب سعر غالي وتقول حقي وتعب ، اوكي حتى انا تعب لكن قدري السلعة
السلع الرخيصة لو اخذتي منها مو مشكلة لان السعر بيكون قليل ، لكن كذا صعب

وبعضهم تجي وتسالك وأنا عندي زبائن وووووو
وبعد ما تعطيها كل التفاصيل ما عاد ترجع وتقول محد طلب ؟؟
الأرزاق بيد الله
يعني ما عليش أحب أقول للمندوبات ثمني السلعة اللي راح تسوقيها اول وانصفيها بحيث ما تظلمين ولا تنظللمين


لكن انا صرت اوومن بمقولة " ما يحك جلدك مثل ظفرك "
واسوق لنفسي محد بينصح لي كثري ، ولا احد ليشتغل ويتحمس كثري

وعذراً طلعت من الموضوع بس حبيت أفرغ


وبالتوفيق لكل التاجرات والمندوبات

^ حبيت اضيف انا الان ابحث عن وحدة توقف بالبازار على طاولتي احد عنده رقم البنات اللي يوقفون وعندهم خبره بالبيع وأسعارهم معقولة ؟