صديقتي محتاجه مشورتكم

السلام عليكم ورحمة الله وبركاته ... بقولكم موضوع يخص صديقتي طلبت اني اسالكم واخذ رايكم بالموضوع قبل اسبوعين انخطبت من ولد جيرانهم وهو اصغر منها ب 4 سنوات طبعا رفضت بحكم العمر ولكن الولد مصر انها توافق لانه يحبها شافها مره بالصدفه وعجبته وهي ماشالله جميله يعني الي يشوفها يقول اصغر من عمرها بكثير . والحين اخته قبل يومين اتصلت عليها تقول فلان ما يبغى غيرك واذا ع العمر ماهمه ياما بنات تزوجت اصغر من ازواجهم وماعاشو بسعادة وياما بنات اكبر من ازواجهم ومبسوطين هذا كلامه هو طبعا قال لاخته كلميها وقولي لها هالكلام . وهي الحين مرررررره متردده . وتبغى رايكم لانه اكيد منكم عنده خبره بالحياه اكثر منا وياليت تفيدونها .

نسيت شي اضيفه لما قريت تعليقاتكم افتكرته انه هو اكبر اخوانه ومتحمل مسؤليته اهله لانه ابوه وامه منفصلين وابوه كفيف اغلب اوقته مع ابوه لانه كبير في عمره ويوديه استراحه كلها شياب ويجلس معاه من العصر الين الليل يعني من كلامها لي انا حسيت انه مو حق خرابيط وشباب ومعرف ايش . :laugh2::laugh2:هذا الي حبيته اضيفها .

ودعواتكم لي ان ربي يرزقني بالزوج الصالح .