هلا أختي خذي طريقتي وان شاء الله ماراح تندمي لان كثير جربوها واعجبتهم والحمد لله
وماراح تحتاجين الفرامة انا استخدم محضرة الطعام واذا شريتي البرغل الناعم مرة من التميمي اللي هو البرغل التركي الاسمر راح تضبط معاك اكثر
وطبعا ماانسى فضل ام ياسمينه اللي عملت دورة الطبخ لاني استفدت من ملاحظاتها كثير
وصارت الكبة سهله عندي بعد ماكنت افشل فيها
وطبعا طريقتها تختلف عن طريقتي لكن ملاحظاتها فادتني كثير الله يجزاها خير

اهم شي البرغل ماتنقعينه ابدا بس غسليه مضبوط وصفيه من المويه بعدين ارجعي له بعد ماترتبي باقي المقادير
حتى مايكون لين

مقادير العجينه :
٤ أكواب برغل أسمر ناعم
صحن صدور دجاج فيليه تقريبا اللي تكون ٤٠٠ جرام
بطاطسه مسلوقه صغيرة
بصلة صغيرة
قبضة بقدونس
قبضة نعناع
والبهارات
ملعقتين ونصف كبيرة كمون لاتقولين كثير لانه هو سر النكهة
٣ ملاعق صغيرة ملح أو ملعقتين ونصف
ملعقة كبيرة كركدية مطحون

الطريقة :
اغسلي البرغل اول شي وصفيه من مويته بالمشخال واتركيه على جنب ثم افرمي الدجاج لوحده في فرامة البصل ثم اضيفي له البصل والبقدونس والنعناع وخليها تنفرم زين وحطي معهم البهارات والبطاطس اهرسيه بالشوكه ثم اضيفي جميع المقادير على البرغل واعجينه واخلطيه مضبوط
واذا عندك محضرة الطعام اعجنيه فيها
واذا ماعندك استخدمي يدك واهرسي زين ثم دخليها الثلاجة يوم كامل اليوم الثاني اعجينها بيدك مره ثانيه ثم كوريها واحشيها
وفرزيها ولاتقلينها الا وهي مفرزة عشان ماتتفكك معاك وتصير ماسكه في بعض وتقرمش

الحشوة صدور دجاج افرميها في فرامة البصل وبصل تكشنينه وتحطين الدجاج عليه وملح وكمون وسماق ومكسرات
وبالعافية
19-07-1434 هـ, 06:16 صباحاً
 
نسيت اقولك
اذا بداتي في التشكيل لازم تبلين ايدك بمويه وليس زيت لان الماء بيعطيها نعومه وتماسك اما الزيت راح يفكككها اثناء القلي
وافضل تلبسين القفاز عشان يكون التشكيل احلى
19-07-1434 هـ, 06:44 صباحاً
 
رفع
19-07-1434 هـ, 01:14 مساءً
 
هلا حبيبتي انا طريقتي نفس طريقة الاخت الجيل الجديد بس بعد ما احط بهارات للكبه بعد الفرم احط شوي زيت زيتون واعجنها كويس بعدين ابتدي احشي الكبه

وفي ملاحظة مهمة جدا جدا لالالالالالالالالالالالالالالالازم لمن تقلي الكبه يكون في زيت غزززززير وحار يعني مو مقلاه مسطحه حاولي اذا عندك طنجرة وسط تكون وحطي فيها زيت وتقلي او مقلاه ما تكون مسطحة واستمتعي باحلى كبه عوووووووافي
19-07-1434 هـ, 02:11 مساءً
 
عفوا احط بهارات اقصد بعد ما احط بهارات احط شوي زيت زيتون

هههه سوري غلط مطبعي

اه نسيت لمن تحطيها وطي النار وتسبيها تستوي براحتها ولا تضلي تحركيها عشان لا تتفتح معاكي اول ما تشوفي لونها احمر اقلبيها
19-07-1434 هـ, 02:13 مساءً
 


الساعة الآن 06:18 .