Analysis Services
السلام عليكم ورحمه الله 
اخواتي 
انا احب الكنافه وودي اسويها بالبيت اوزن دهنها وقطرها بنفسي وابي حشوتها حامضه وتعلمت عليها وكل شي تمام 
لكن ،،،،،، لكن ،،،
ما تتحمر مضبوط مثل كنافه محلات الحلويات 
ابيها تصير مثلها باللون ذهبي غامق رهييب وكلها لون موحد ،،،، يالبيييييه 
اللي عندها الحل تتحفني وتساعدني الله ييسر لها كل عسير ،،، رمضان قريب الله يبلغنا اياه والجميع في اتم صحه وسلامه وبلدنا في خير وعز وامن وامان >>> شطحت 

وكمان سمعت ان فيه لها صبغه تعطيها اللون الذهبي 
ياليت تفيدوني عنها عن نكهتها اسمها وطريقتها 

واذا فيه طريقه تضبط اللون بدونها ياليت والله 

وجزاكم الله خيرا 
16-07-1434 هـ, 02:11 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أنا شفت طريقة تحمير بمحل مرة واعجبتني ؛وصرت اطبقها ؛  احمرها على العين فوق الفرن زي الطبخ يعني احطها مايلة وكل شوي احركها ادورها يعني لأني اراقب الاطراف إذا احمرت حركتها ولما خلاص تتحمر كلها ادخلها الفرن احمرها من فوق بس ؛ وإذا صعبة عليك الطريقة فممكن أن الخلل في الصينية الي تستخدمين خوذي تيفال تكون ثقيلة شوي لأنها لو خفيفة ما رح تتوزع الحرارة زين وما تتحمر مضبوط 
16-07-1434 هـ, 03:35 صباحاً
 
تحمير المحلات مضبوط اتوقع عشان افرانهم يكون العين كبيرة والنار تجي للكنافه من كل مكان مرة وحده
مو زي افراننا الناريجي مستطيل فنضطر نقلب الصينيه على كل اتجاه
انتي مالك الا انك تلفينها من كل الاتجاهات بس خليك عندها عشان ماتتحمر جهه اكثر من الثانيه
16-07-1434 هـ, 10:09 صباحاً
 


الساعة الآن 05:46 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏