حبيبتي انا اول شهر او شهرين بديت ما جاني ولا طلب وبضاعتي مميزة ماركات من برى بسعر منافس
تحطمت بغيت أقفل ، لدرجة بعضهم يطلبون يشوفون ويرجعون

المهم بعدين جاني كم طلب وخليتهم يكتبون تجاربهم معي ونزلتها وصبررت لين بدت تجي الطلبات الحمد لله


انتي وش نوع بضاعتك اكل ؟

الله يرزقك ويرزقنا من واسع فضله
18-07-1434 هـ, 12:36 مساءً
 
وعليكم السلام ورحمه الله وبركاته


الله يوفقكم ويصب عليكم الارزاق صبا


التجاره يبيله وقت في ناس شهور وفي ناس أيام وفي ناس سنوات


راح اتكم عن نفسي والله سنوات الى ان رتبت نفسي والحمد لله

كل اللي يبيلك تنفذي الخطوات ولا تستعجلين
1- التوكل على الله وعدم الاستعجات وكرري انك تبين الرزق من عند الله وباذنه راح يطلبون منك

2- تصلين استخاره وتدعين ان ربي يوفقك ويسخر هلك أذا كانت فيها خير لك مو مره ولا مرتين دائما .

3- الصدقه كل يوم لو بريال لها اثر عظيم بالحياه مو عشان التجاره لا على كل شي وانتي تتصدقين فيه ادعي اللي تبين
4- اذا االوالدي عايشين اطلبي منهم الدعاء لك باي شى تبينه ولا الاطفال .



5- انتي مشتركه بخدمات التواصل الاجتماعيه بس لا تستعجلين وغير كذا أشتركي بالواتس اب أسرع منهم غيري الصور كل يوم واكتبي انتي شتبعين وممكن تكتبين على الصور الاسعار عشان ماحد يسال ويزعجك كثر

6- سوي لك توقيع في عالم حواء واكتبي فيه منتجاتك واسعارك واكيد اللي بيتصلون عليك يبون يشترون بينزلون بالاسعار رغم انه في المجمعات يشترون بدون تنزيل .




الاهم يبيلك صبر + دعاء واستغفار + صدقه = راحه نفسيه بعتي ولا ما بعتي و ربح باذن الله مفرح لك.
18-07-1434 هـ, 12:45 مساءً
 
الصبررر والاستمرراروعدم اليأس = تجاره ناجحه بأذن الله
18-07-1434 هـ, 03:52 مساءً
 
لاحول ولاقوة اللا بالله

كلامك خوفني لأني داخلة على التتجارة وبحضر لمشروعي ربنا يستر ويجيب العواقب سليمة
19-07-1434 هـ, 12:42 صباحاً
 
ماقلتي وش نوع بضاعتك
19-07-1434 هـ, 12:55 صباحاً
 


الساعة الآن 05:10 .