عبير المسك
الطريقة سهلة إن شاء الله
انتي أول حاجة هتخدي مقاس الحمالة من أمام للخلف وليكن مثلا 20 سم دا مثلا
وهتاخدي مقاس الصدر من الحمالة للحمالة وليكن 15 سم
وعندنا حمالتين ومقاس الصدر والظهر هيكون المجموع 70 سم
تنسجي سلسلة بالطول ده وتغليقها بمنزلقة وترتفعي 3 س ارتفاع عمود وبعدين تنسجي اعمدة في كل سلسلة عمود لغاية ما تكملي 20 سم اللى هم ارتفاع الحمالة تعملي في الغرزة دي صدفة 2ع 2س 2ع وتكملي اعمدة تاني لغاية ما تعملي 15 سم غير ال20 وده مقاس الصدر وتعملي صدفة وهكذا
يخلص السطر الاول اعملي التاني بعمود في العمود وصدفة من نص الصدفة وهكذا إلى ان تصلي للعرض المطلوب للحمالة وفي السطر الاخير زركشي الحمالة فقط على حسب رغبتك وبعدين قفلى تحت الابط لو كان ضيق ذودي سلاسل ودي فكرة الحمالة
وممكن تعملي أي غرزة بعد كدة
ممكن تسيبيها بلوزة أو تعمليها فيست أو فستان
أنا عملت فستان لبنتي بنفس الحمالة وإن شاء الله أنزلة قريبا
وبالتوفيق للجميع
الصفحة الأخيرة
وتسلمي حبيبتي
شكرا للمرور