Analysis Services
ضددددد التفريز والله مهما كان مومثل الفرش
خصوصا انو الكهربا في رمضان ياسلام يشتغل ساعه ويطفي 6 وهذا حصل معنا العام الماضي احد اقربائي رمى ذبيحتين في الزباله ,,
الاكل مجرد مايذوب الثلج خلاص مستحيل يستعمل مره ثانيه وهذا الشي مكتوب حتى على الدجاج اللي مواد حافظه فما بالكم باللحوم والخضار
احنا مثلكم جمعات لكن والله اغلب الاكل ينرمى واكيد الاغلب كذا ,, فالفطور صار وبكل عايلتنا شوربه ولبن وقهوه وتمر وعصيرات بارده وصلى الله وبارك
وبعد التراويح العشاء والحمدلله ,,
21-07-1434 هـ, 08:02 مساءً
 
اقتباس مشاركة  (ديالا الأمير)
اختي التفريز مافيه الا العافية ولاتسمعين لكلام الناس الالي تقول تسمم واللي تقول مو صحي

اولا اللي تقول تسمموا اهلها من التفريز يمكن ماحطت الشي على طول بالفريز

او اخذته من عند الحريم ماتدري عن نظافته

او الكهرب طفيي وهي ماتدري

او الاكياس والعلب المستخدمه مو نظيفه

والاسباب كثيره لكن اعرفي

الناس طول عمرها تفرزن والحمدلله ماجاهم شي

واللي تضرروا تاكدي انه مو من التفريز اكيد في طريقتهم الغلط

وحرااام على بعض الاخوات تخوف من شي وهي ماتدري عنه ولا متأكده منه

وبقولك قصة صغيره مالها شغل بالسالفة (( في وحده استخدمت كريم تبيض مشهور ومعروف وصارت قشطة على قولتهم

وكل من سألها عطتهم إسم كريم ثاني واذا جابوا قدامها سيرة الكريم اللي هي فعلا تستخدمه قالت مو زين جربته طلعلي حساسية وحبوب صغار وهي كذابه ويوم سألتها انتي ليش تقوليين كذا قالت الدنيا تخرب لو الكل عرف وصار ابيض
شفتي الانانية والحسد ايش يسوي؟! عشان كذا لاتصدقين سالفة ان الفرزنه تسبب امراض

تلقين القصة طباين يكذبن على بعض ههههههههههههههههه وحده زوجها يمدحها لانها تخلص الاكل بدري قامت الثانية سألتها انتي تفرزنيين الاكل عشان شاطرة وفلان يمدحك تقوم تقولها لا لا مره جربت افرزن وتسممت ههههههههههههههههه وتنتشر الحكاية ويتناقلونها الناس ههههه وتمضي الحياة))

المهم

انا الحمدلله ماشاء الله لاقوة الا بالله افرزن كل شي حتى البصل واالثوم

لان عايلتي صغيرة اجيب البصل وكل حبه اقطعها المقاس اللي يناسب واوزعها في اكياس اصغر مقاس

ولما اطبخ استخدم كيس واحد فقط لان البصل ماينفع تحطينه كله بكيس او علبه وحده
والثوم اقشره واخليه مثل ماهو كبير وارش عليه شوية ملح وزيت زيتون وممكن ماتحطين براحتك
وحطيه بعلبه وخذي منه على قد ماتحتاجين
وسوي الكشنات وفرزنيها والفلفل الاخضر والكوسا قطعي وفرزني
كل شي يتفرزن ولاتنسين تختارين العلب البلاستك المخصصة للتفريز تلقينها بمحلات التوفير وعليها صور


والشي لاتحطينه بالاكياس الابعد مايبرد

وعليكم بالعافية
الله يسعدك بردتي قلبي وطمنتيني.
ههههههههههه لكن حلوه قصة الكريم.. ياربي حسد الله يجيرنا..
ومشكورات الاخوات ماقصرو بالاجابه
21-07-1434 هـ, 09:02 مساءً
 
من قال التفريز مضر كلام حريم بعدين
كل اخصائي التغذيه ينصحون بالتجميد إنه افضل طريقه لحفظ الاطمعه
حبيبتي جمدي و عليكم بالعافيه
والي يحذرون منها المعلبات الي مليانه البيوت منها لان فيها مواد حافظه
21-07-1434 هـ, 10:27 مساءً
 
البصل والكشنه احس فرزنتها غلط البصل يتاكسد وريحته كمان والكشنه المفرزنه مو زي الجديده باقي الاشياء عادي والله اعلم
21-07-1434 هـ, 10:49 مساءً
 
اقتباس مشاركة  (شمااااليه15)
الله يسعدك بردتي قلبي وطمنتيني.
ههههههههههه لكن حلوه قصة الكريم.. ياربي حسد الله يجيرنا..
ومشكورات الاخوات ماقصرو بالاجابه
الله يسسسعدك ويبرد قلبك بالإيمان وطاعة الرحمن

واعرفي اللي يسبونه الحريم هو الزين ههههههههههههههههههههههههه حكمة
21-07-1434 هـ, 10:54 مساءً
 


الساعة الآن 05:01 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏