الله يبلغنا واياكم رمضان ويرزقنا فيه العمل بما يرضيه

موضوعك حلو وتم حفظ بعض الوصفات

وخذي من عندي برياني بالدجاج مع سلطة لبن بخيار

وثوم ..و سمبوسة بالفرن حق النقنقة بعد التراويح

والحلا كنافة بالقشطة والجبن

طريقة الكنافة

كنافة تكسرينها وتحطينها بطحانة البصل تصير مكسرة

صغار واحط عليها نص اصبع زبدة ابو 3 ريال واشوحها شوي

ع النار واحط في قدر حليب و4 كاسات ماء وظرف واحد

نشا ابو ريال واقلبها ع النار لحد ما يثقل واطفي النار

واحط حبة قشطة و4 ملاعق جبن سايل وافرد جزء من


الكنافة في صينية واصب فوقها النشا والقشطة واجيب

الجزء الثاني واغطي به القشطة وادخله الفرن من تحت

وفوق لحد ما تتحمر واصب عليها الشيرة وعوافي


ذي الوصفة تكثر عندنا بآخر رمضان نكون ملينا

المقالي والشوربات
تسلمين على هالموضوع الحلو نستفيد من اطباق بعض 
الطبق الرئيسي شوربه 
سمبوسه جبن او لحم مفروم 
المعجنات اعمل عجينه واسوي منها اصناف خليه ومعجنات 
اختار نوعين من هالاصناف واسوي اثنين لكل يوم(مكرونه باشميل -كشري -خضار بالبشاميل -منتو -بيتزا)
الحلى اختار كمان صنفين (حلى المارس -مثلثات السميد -لقيمات -رفايلو )
هذي الي متذكرها من قائمتي لرمضان 
طريقتي في رمضان عشان الوجبات تضبط و كل شي يخلص بوقت محددو ما انزنق بالاخير احاول اني افرزن اشياء محددة حتى الاشياء الي ما تتفرزن احاول اني اجهزها قبل بليلة الخضار للسلطة كلها تنغسل و تنلف بفوطة و تنحط بالثلاجة حتى الصحون و الصواني بالليل قبل لا انام تكون مغسلة و منشفة و محطوطة بسلة كبيرة لها غطا

المكرونة الي بصلصة الكريما البيضا اجهز الصلصة بالليل و اليوم الثاني بس علي اجهز المكرونة يعني خف علي نص الشغل و بنفس الوقت اخذ من المكرونة كمية و اسوي بها سلطة المكرونة و ارفعها بالثلاجة لليوم الثاني منها ان المكرونة تشرب التتبيلة و يطلع طعمها احلى و منها اني انجزت و جهزت السلطة لوجبة اليوم الثاني

المكرونه بالكريما

تشوح بصلة و ثوم ناعم يقلب معه صدور دجاج مقطع قطع صغيرة ثم يضاف له مشروم طازج او معلب ( بس الطازج احلى ) يترك لحد ما ينضج الدجاج

يضاف فلفل بارد شرايح صلصة صويا ملعقة طحين فلفل اسود ملح هيل ناعم و اخيرا تسكب الكريما نتركها لحد ما تثقل و تخلط بالمكرونة

قالب دجاج بولونيز

راااااااااااااا ااااااااااااااا ااااااائع انصحكم تجربونه

يقطع صدر الدجاج كامل افقي بحيث انه تخف سماكته و حطي هنا الكمية الي تناسبك

غطسيه بخليط البيض مكون من 2 بيض كوب حليب فلفل اسود ملح هيل ناعم و جبنه موزريلا مبشور

اقلي صدور الدجاج في مقلاة في قليل زيت لحد ما يتحمر و نشفيه من الزيت الزايد

قطعي مشروم طازج و حمريه لين ما يذبل بزيت زيتون و افرشية في بايركس و صفي فوقه الصدور انثري على الوجه مشروم

اسكبي عليه كريما سايلة و انثري على الوجه موزريلا مبشور او اي نوع جبنة و دخليه الفرن لحد ما يتحمر

انا في العادة اجهز بالليل الصدور كاملة و احمرها و ارفعها بالثلاجة و اليوم الثاني اكمل الخطوات الباقية

كيكة التوفي

اعمل منها كمية و افرزنها و اجهز صلصة التوفي و اضيفها على الكيكة لما اقدمها

مقاديرها

كوب طحين ** نص كوب زيت ** 3 بيضات ** فانيلا او مبشور ليمون او برتقال ** 1 روب **

تخلط كل المقادير و تدخل الفرن و يسكب عليها التوفي و ينثر عليها فستق

لو تذكرت شي رجعت لكم
رفع
اسال الله ان يبلغنا رمضان و اياكم لا فاقدين و لا مفقودين امين


الساعة الآن 09:47 .