السلام عليكم ورحمة الله وبركاته


طبعا الكل يعرف انه العيد ما باقي الا ويدق الباب بعد كم يوم ... وأنا يالسه ويه أهل ريلي أسمعهم يتكلمون عن العيد وكم بيخردون للعيد حق اليهال .. حد بيخرد 1000وحد 550 وغيرهم 250 ... الخ


فياتني فكره وقلت لهم .. ووايد عيبتهم .. وبيخفون على عمارهم من العباله وعيدية العيد وبسعر أقل وبكميه أكبر



الفكره هي


اني أسوي مجموعة هدايا بسيطه .. تشمل (( مكسرات .. حلاوه صغيره .. شوكلاته مثل مارس كندر او باونتي من الصغار .. باتشي او فواله .. واحط فيها درهم ( ريال ) .... )) وأغلفها .. وأحط عليهم بطاقه مكتوب عليها اسم العائلة + عيدكم مبارك .. وطبعا اسوي منها كميات كبيره ونحطهم بسله في الصاله .. بحيث لو حد بغى عيديه نعطيهم منها .. بدال ما ندفع حق الياهل خمس والا عشر والا عشرين واحيانا ننحرج جدام اهلهم اذا كانوا من الاقارب وما يبقى شيء نعطيهم .. وبهذي الطريقه نكون ضربنا عصفورين بحجر .. يعني في الهديه فلوس وحلاوه بوقت واحد وبسعر زهيد ومغري



وهذي صوره لشكل الحلاوة بعد التغليف













شو رايكم بالفكره



فالا حابه اسويلها من الحين تحجز .. وبتكون الكميه المطلوبه يايه بسله جاهزه ومغلفه وشكلها حلو للصاله ..





20-09-1426 هـ, 10:49 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مشاء الله عليج الله يوفقج ياربي
20-09-1426 هـ, 11:03 مساءً
 
فكرتج تحفــــــــــــــه ,,
20-09-1426 هـ, 11:23 مساءً
 
اقتباس مشاركة  (الحـــور)
مشاء الله عليج الله يوفقج ياربي
20-09-1426 هـ, 11:24 مساءً
 
اقتباس مشاركة  (الحـــور)
مشاء الله عليج الله يوفقج ياربي


الله يخليج حبيبتي .. ومشكوره الغاليه على مرورج

والله يوفق الجميع الغلا



21-09-1426 هـ, 12:28 صباحاً
 


الساعة الآن 07:25 .