Analysis Services
ما اشوفكم طلبتوا مقادير وطريقة روبيان على الطريقة السيلانية... وبرياني روبيان

شكلكم ما تصدقون ان طعمه لذييييذ... ما عليكم من الصورة.. مثل ماقلت لكم التصوير مو واضح لانه من الموبايل (جوال)
13-05-1427 هـ, 08:00 مساءً
 
ما شالله يعطيج العافية
13-05-1427 هـ, 08:01 مساءً
 
دار الشفاء

مشكورة الغالية على المرور والرد
13-05-1427 هـ, 08:48 مساءً
 
الصورة مو واضحة لانها من موبايل بس لذيذه عن جد





روبيان على الطريقة السيلانية

أول شي سميتها سيلانية لأن كانت عندنا خدامة سيلانية وأنا بيبي تسوي لنا هالطريقة وهي اللي علمت الوالدة كيف تسويها....

المقادير
روبيان نظيف ومقشر
شرائح بصل (الكمية حسب رغبتج... كل ما كثرتي كان احلى)
4 طماطم مكعبات
فصين ثوم شرائح
بطاطا مقطعة مكعبات صغيرة (أنا نسيت احط البطاط)
بقدونس مفروم
زيت للقلي
ملح،كركم، خل، فلفل اسود مطحون، (مكعب ماجي إذا حبيتي)

الطريقة
- نظفي الروبيان وإغسليه وملحيه وحطي عليه شوية خل عشان الريحة... اتركيه 10 دقائق وإغسليه مرة ثانية
- حطي الروبيان في المقلا اللي تكون غزيرة شوي وحطي عليه ماي (ماء) مو كثير تقريبا كوب ماء... عشان يغلي لحد ما ييشف الماي.. مو تحرقينه
- لما ينشف الماي شيليه من على النار وحطي عليه شوية زيت ومكعبات البطاطا والثوم والبصل وحركيهم لحد ما يذبل البصل وتستوي البطاطا
- ضيفي الطماطم والبقدونس والملح والفلفل المطحون ومكعب ماجي
- اتركيه على نار هادي وغطيه شوي لحد ما ينضج
- وبالعافية


وبرياني الروبيان
تسوين الرز الأبيض، وتاخذين قدر وتسوين منه طبقات... طبقة روبيان اللي على الطريقة السيلانية وطبقة رز... وتكررين العملية
وتحركينهم شوية عشان يختلط اللون....

وبالعافية عليكم
13-05-1427 هـ, 09:04 مساءً
 
يلا شجعوني وطبقوا من اكلاتي مثل ما شجعتني اميرة دبي
16-05-1427 هـ, 04:41 مساءً
 


الساعة الآن 09:13 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏