السلام عليكم يا حلواااااات أطباق عالم حواء ،،

في البداية اسمحو لي أطلب منكن هذا الطلب ( وما تضحكو علي ) ،،

دائماً أسمع عن الجمبري وطعامته ،، بس بصراحة ما جت لي جرأة وتذوقته ،، مدري ليش أتجنب طعمه ،،

لكن هذه الفترة ناوية أتعلم أشتريه وانظفه وأطبخه ،،

ممكن تعلموني كيف ؟؟ الله يحفظكن ؟؟

كيف أنظفه في البداية ؟؟

وهل هو مثل اللحم يحتاج طبخ لوقت طويل وإلا كيف ؟؟

وايش أفضل طبق ممكن أسويه من الجمبري ؟؟

ولكم خالص شكري يا حبـيـبـاتـي ،، منتظرة ردكن الكريم ،،
05-08-1434 هـ, 09:38 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ؤالله أنا مثلك  طبخته كبسه نص ساعه وحسيته صاير قاسي ؤقالت لي وحده أطبخه ربع ساعه وآنا أموت فيه لو فيه وحده تساعدنا تفيدنا وطريقة كمان ألشوي  وخلي ألعامل هو أللي ينطفه ماأنصحك بالبيت تنظفيه 
05-08-1434 هـ, 11:43 مساءً
 
ادخلي ملفي عندي اكثر من موضوع بخري حاطه فيها طرق كثيره للربيان بتدوخين من طعاماها بس على فكرة الربيان يطبخ اكثر شي لمدة ٥ دقايق علشان يكون طري اكثر من كذا يعصي ويكون قاسي
06-08-1434 هـ, 03:22 صباحاً
 
طريقه تنظيفه » إذا بتاخذيه طازه من حلقه السمك بيكون كامل .. اول شي تشيلين الراس بيدك .. تمسكين الذيل لاتقطعينه وقشري القشره بسهوله تنشال و بدون سكين ... تاخذين سكينك و تفتحين ظهر الجمبري بتلاقين خيط وسخ لازم تشيليه .. بعدين تغسليهم تمام بالمويه وممكن شويه خل عشان الريحه ... تجهزين خلطه لتنقيعهم عشر دقايق » اي خلطه تحبيها « انا احط بهارات مشكله ثوم و ليمون 
الطبخ » لو بتقلين الجمبري لازم ماتكثري بالمقلاه حبات الجمبري وطبعا تحطينه اول ببيض مخفوق ثم الدقيق ثم بالزيت وماياخذ وقت بعد مايصبح لونه على زهري احسبي له دقيقتين وطلعيه

الجمبري اذا طول على النار يشد ويصير زي البلاستيك ماينوكل

اخيرا .. فرق شاسع بين الجمبري الطازه واللي مثلج بالسوبر ماركت 


تحياتي
06-08-1434 هـ, 04:05 صباحاً
 
مرحباً يا حلواااات ،،

جمعة مباركة وعفواً عن التأخير ف الرد !!

تسلمولي على الرد .. أشكركن من أعماق قلبي ،،
12-08-1434 هـ, 04:49 مساءً
 


الساعة الآن 10:13 .