هلا صبايا عندي مشكله بقولها وابغى الحل بنت اختي وحده كبيره في الثلاثين عمرها متزوجه وزوجها حبيب وكريم ويعشقها عندها اطفال المشكله انها تعشق واحد يطلع في اليوتيب تعشقه بجنون توه شاب في العشرين وسيم مره ودمه خفيف وجنتل تقول لازم اشوفه يوميا والا احس بشي اذا ماذا شفته وعندها كل معلوماته وتراسله على توتر تقول اتمنى اجلس معه او اشوفه على الطبيعه للعلم انها فيها خير مره وتدعي ربي انها تصد عنه بس ماقدرت وش تنصحونها بس ابغى كلام له معنى 
06-08-1434 هـ, 08:39 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
برأيي التعلق بالمشاهير والاعجاب فيهم شي طبيعي وفطري
الا اذا زاد عن حده طبعاً يطلع غلط وهوس
ومدام هي قايمة بحق زوجها ومهتمة فيه وباطفالها مافيها شي لو روحت عن نفسها وشافت مقاطع مضحكة
06-08-1434 هـ, 11:15 صباحاً
 
الله يهديها يعني مشاء الله كبيرة وعاقلة
إذا الدعوة إعجاب عادي كلنا نتابع الأشخاص اللي يعجبونا في منطقهم وأسلوبهم أما الشكل صدقيني ماله علاقة
لأن الشكل يكمله المنطق والأسلوب لو تغيروا ماراح تتقبلين الشخص مهما كان جميل
أما اللي يتابعون ناس عشان اشكالهم بصراحة معناته أنهم هم ماعندهم لاعقل ولا منطق
لكن وصيها وخوفيها بالله
قولي خافي ربك لا يعاقبك وتفقدين حب زوجك أو يصير زوجك يتعلق بغيرك فكري لو صار كذا كيف بيكون شعورك
وقولي لها ربي أمرنا بغض البصر ليش ؟؟!!
كيف معجبة واحد اصغر منها بحدود 9سنوات بالله كيف تعطي نفسها مجال تتمادى
خليها تستغفر وتتعوذ من إبليس وتفرغ شحناتها العاطفية مع زوجها وعيالها
ولا تنظر إلى مامتع الله به غيرها
وتتذكر أن صفات زوجها في ألاف البنات تتمناها وماحصلوها
وتتخيل زوجها لو شك مجرد شك أنها تميل لهذا الشخص حتى لو كان مجرد شخصية مشهورة

الله يهدينا وياكم جميع يااااااااااااارب
ولايجعل الدنيا أكبر همنا ولامبلغ علمنا
06-08-1434 هـ, 01:26 مساءً
 
خلها تحط مكانها مكان زوجها لو كان معجب بشكل وحده اذا تحملت الموقف عادي ترضاه على زوجها
الله يهدينا وياكم جميع يااااااااااااارب
ولايجعل الدنيا أكبر همنا ولامبلغ علمنا
06-08-1434 هـ, 02:25 مساءً
 
هدوء اليل كلامك مثل البلسم مشاء الاه عليك الله يكبر بعقلك تحياتي 
06-08-1434 هـ, 04:45 مساءً
 


الساعة الآن 04:29 .