احس بالنقص بين البنات/ قديم

السلام عليكم ورحمة الله وبركاته

اولاً انا احب هالمنتدى جداً ,, واحب كل العضوات اللي فيه الله يجمعنا بجنات النعيم يارب ..

عندي مُشكله جداً متعبتني ومضيقه علي حياتي

اللي هي ماعندي خوات

انا بنت بين 5 شييوخ الله يحفظهم وعمري 19 سنه ماعندي اخت كنت قبل بالابتدائي صديقاتي ماعندهم خوات وكنت اقول لقيت احد نفسي بس مع السنين صديقاتي جولهم خوات ماشاءالله

إلا انــا , وربي تعبت نفسي اسولف زي صديقاتي لما يسولفوا عن خواتهم بس انا ماعندي اخت اسولف عنها والله احس بالنقص بينهم

ولما اجتمع مع بنات عمي وعمتي وخالي وخالاتي كلهم عندهم خوات إلأ انا اكون وحييده بينهم ماعندي اخت زيهم ,يووه يابنات شعور جداً سيء ,

وغير كذا انا البنت الوحييده اللي بالعايله كُلها ماعندها خوات

احس بنقص فضييع بينهم ..

في الجامعه لما دروا البنات ان ماعندي خوات حزنوا عليه كثيير وصاروا يشفقون عليه !! او لما اكون بعرس او جمعة حريم كل البنات مع خواتهم إلأ انا جالسه لوحدي ما اتحرك !
وكل صحباتي مسويين في الواتس قرووب مع خواتهم إلا انا وربي كرهت كُل شيء ابي اصير نفسهم

واصعب واحرج سؤال اواجهه من اي احد توه يعرفني لما يقولوا ماعندك خوات ؟؟ هِنا كأنوا احد ضاربني كف انحرج من هالسؤال وانحرج اكثثر لما يقولوا ياحراام ماعندك مسكيينهه !


انا مأنكر الحمدلله اني مدلعه عند اهلي وطلباتي اوامر ماشاءالله ,,لكن فيني نقص من ناحية الاخت مع العلم والله العظيم صديقاتي وبنات جماعتنا حاسديني ان ماعندي اخت

ياسُبحان الله ؟حاسديني على هالشيء ومادروا انها اُمنيه بالنسبه لي اتمنى تكون عندي اخت اسولف معها واضحك واحكي لها اييش يصير معايا

والله اني اغلب وقتي جالسه لوحدي الكل مشغوول عني اطفش واتضايق حتى احس اني مجنونه صرت اسولف مع نفسي

مره تناقشت مع اُمي انها تجيب ليا اخت قالت اتزوجي انتي وجيبي لك بنت !!!

انا ابي اخت اخت اخت مو بنت لي !!,, مع العلم اُمي صغيره توها دخلت الأربعين يعني تقدر تحممل الحمدلله

اقولها انتي ماشاءالله عندك 6 خوات ماليين عليك الدنيا ,تكلمينهم بالسااعات وتراسليهم وتسافري لهم وتقعدي عندهم و انا آكل لوحدي وانام لوحدي واجلس لوحدي تعبت وربي

لدرجة صرت معتزله عن الناس,,دايم اقول ليش بنات خالي وخالتي وعمي وعمتي وبنات جماعتنا عندهم خوات إلا انا ؟؟!!صح هذا شيء مكتوب لكن مكتوب لي اعيش طول عُمري وحيده !!!


انا ما انكر ان اُمي حيييل قريبه مني واقولها كُل شيء هي صديقتي وكل حياتي بس احس انا من كبرت صرت استحي منها وصرت مو كل شيء اقوله لها يعني تفكيرها غير تفكيري ,عندي صديقات كثثير لكن ما اثق بالصديقاات ابداً

دايم اكابر لما احد يقول ياحرام معقوله ما لك خوات ولييش .................إإلخ

وانا متأكده انهم يتمنوا يعيشون بالدلع اللي انا فيه ,,لكن مهما اكابر يابنات انا مكسووره من داخل بسبت هالموضوع والله دايم ادعي واستغفر بنية ان ربي يرزقني بأخت

واوقات اقول لا ربي ماراح يجيب ليا اخت سنتين وانا ادعي تعبت واستغفر واتعوذ من ابليس وارجع ادعي تاني

اللي قاهرني ان اُمي تقدر تحمل الحمدلله مافيها لا امراض ولاشيء الحمدلله ,,,بس ماهي حاسه فيا

كل مافتحت لها الموضوع قالت اتزوجي انتي وجيبي لك درزن بنات

استغرب لما صحباتي يدعوا على خواتهم ويقولوا ,ليا انتي في نعمه ان ماعندك خوات

انا مابي خوات كثيير والله راضيه بوحده تملي ليا حياتي واشكي واسولف لها

انا ادري ما احد حاس فيني منكم يابنات إلا اللي ماعندها خوات راح تحس فيني لأننا نفس المُعاناة ,,الله المستعان ,والله ان الأخت نعمممه

آسفه كلامي كثييير ومو مرتب ,اعذروني ,على فكره اول مررا بحياتي اشكي لأحد وافضفض بعد الله سُبحانه وتعالى

واسوني يابنات ,,وادعوا ان ربي يرزقني بأخت كاملة الخلق والخُلق ,,

جعل من ردت على موضوعي ودعت لي من كل قلبها ان ربي يرزقها بكُل ماتتمناه عاجلاً غير آجلاً